కవిత: ఎందుకిలా...!?

ఎందుకిలా...!?
-----------------------
జీవితాల్ని గడిపేస్తాం మనం
కష్టాల్లో కన్నీళ్లు కనిపించనీం
కోపంలో నోళ్లు కట్టేస్తాం
అహంతో తల ఎత్తుకొనే నడుస్తాం
భార్యని అణిచేసి పరువు కాపాడుకుంటాం
లేదా చీరలు,నగలతో నోరు మూస్తాం
పిల్లల్ని డబ్బుతో పెంచుతాం
ప్రేయసిని కానుకలతో బుజ్జగిస్తాం
ఎందుకిలా బ్రతుకుతాం?
చీకటికి జడుస్తాం
వెలుతురును తట్టుకోలేం
నలుగురిని భరించలేం
నలుగురు లేక జీవించలేం
మనకిష్టమైనవి చెప్పుకోలేం
మన కష్టాలను పంచుకోలేం
ఇస్త్రీ బట్టలు లేకుండా బైటకు వెళ్లలేం
చస్తే గానీ సుఖంగా ఉండలేం
ఎందుకిలా బ్రతుకుతాం?
మనసారా నవ్వలేం
మనసారా ఏడ్వనూలేం
పదుగురికీ జడుస్తాం
పదుగురి వెనకే నడుస్తాం
ఎందుకిలా బ్రతుకుతాం?
మనం పెంకులోన గువ్వలం
మనం పెంచుకునే పువ్వులం
మనం మనంలా బ్రతకలేం
మరెందుకిలా బ్రతకడం!
మరెందుకసలు బ్రతకడం!?
---- దండమూడి శ్రీచరణ్
9866188266

సేకరణ