🪔🪔అంతర్యామి🪔🪔
🎈🎈సుఖం🎈🎈
🌹ప్రతి మనిషీ- జీవితంలో సుఖంగా ఉన్నాడా
అసలు సుఖం అంటే మనసుకు శాంతి అన్నా, సుఖం అన్నా ఒక్కటేనాజీవితంలో డబ్బు ఉంటే సుఖం ఉన్నట్లేనా డబ్బు ఉన్న ప్రతి ఒక్కరూ మానసిక శాంతి అనుభవిస్తున్నారాజీవితం ఎంత చిత్రం, విచిత్రం ఏమి లేనపుడు కడుపుకు ఇంత కూడు చాలు అనిపిస్తూ తరువాత కాస్త గొంగళి, తర్వాత ఉండేదానికి కాస్త గూడుఅనీ ఇంతవరకు వచ్చి తృప్తిగా ఉన్నామా, లేదే.
🌹 ఇంకా,ఇంకా ఎదగాలి!
ఎదిగావు..!
🌹ఇంకా డబ్బు సంపాదించాలి !!
🌹సంపాదించావు ..!
నా పిల్లలు లగ్జరీగా పెరగాలి !! పెరిగారు
పెద్ద భవంతులు కావాలి! కొన్నావు !!
నా పరపతి పెరగాలి ! పెరిగింది !!
🌹అయినా ఇంకా ఏదోఏమిటి ఆ ఏదో ఏదో తెలియని అసంతృప్తి !
🌹ఎందుకు అంటే ఏమో
ప్రతి మనిషికి , ప్రతి మనసుకు ఎన్ని కధలు మరెన్ని వ్యధలు కథలు కథ మాటున దాగిన కన్నీటి చెలమలు ఎన్నో ఎన్నెన్నో ... !
🌹డబ్బు ఉంటే ఆరోగ్యం ఉండక ఆరోగ్యం ఉంటే డబ్బు ఉండక భార్యా భర్తల గొడవలు , పిల్లలు మాట వినటంలేదని వేదన, ఉధ్యోగం , వ్యాపారం, పెళ్లి , ఇల్లు , వాకిలి, ఇలా ఎన్నో ఎన్నెన్నో ...
🌹ఎన్నో కధలు విని .. కలత పడిన మనసు ప్రశ్నిస్తుంది .... 'అసలు సుఖంగా ఉన్నవారు ఉన్నారా, సుఖం అంటే ఏమిటి
అవును సుఖం అంటే ఏమిటి, శాంతి అంటే ఏమిటి, శాంతి ఎక్కడ దొరుకుతుంది
నీకు నచ్చిన విధంగా నీ మనసు మెచ్చిన విధంగా జరిగిన ఏ విషయమైనా నీకు సంతోషం అనిపిస్తే అదే సుఖం !
🌹నీకు నచ్చని ఏ సంఘటన జరిగినా , అది దుఃఖం అనుకుంటావు !
అంటే సుఖం అయినా దుఃఖం అయినా నీ మనసులో కలిగే భావాలే !
ఆ భావనకు అతీతంగా స్థిమితంగా జీవించ గలిగితే, స్థిత ప్రజ్ఞతే !!
🌹ఈ స్థితికి మనసును ఎలా తీసుకు వెళ్ళాలి,
నేనే.. ఈ మేను..!'అనుకున్నంతవరకు యెద చీకటేగా...! ''
🌹నేను నేనే మేను నేనే అనే భావన కంటిలో నలుసులా కుదుట పడనీయదు
ఇక్కడ నేను అతిధిని మాత్రమే,
నాలుగు రోజుల అతిధిని మాత్రమే
'ఇది నాది కాదు కాదు..కానే కాదు.!'
🌹అనే స్పృహ పరుగులు తీస్తున్న అరిషడ్వర్గాలను 'సత్యం' అనే అంకుశంతో నిత్యం ఒక్కమారు స్పృశిస్తే సత్యం బోధపడుతుంది సాక్షిగా నీ చూపు నిలబడుతుంది, డబ్బు, సిరులు, సంపదలు మేనికి సుఖాన్ని ఇస్తాయి కానీ...
మనసుకు శాంతిని, ప్రశాంతతని ఇవ్వలేవు,
మనసుకు శాంతి మాత్రం మరణం లేని 'మీరు .... మీరేన'ని గ్రహించిన క్షణం మాత్రమే ... !
🌹శ్రీకృష్ణుని వైశిష్ట్యం!
శ్రీ కృష్ణుడు వసుదేవ నందనుడు. 'వాసుదేవ' అనే శబ్దం ఎంతో మధురమైనది. వాసుదేవ శబ్దాన్ని గురించి సంజయుడు ధృతరాష్ట్రునకు మహాభారత ఉద్యోగపర్వంలో ఇలా వివరిస్తాడు.
🌹శ్వాసనాత్ సర్వభూతానాం వసుత్వాత్ దేవయోనిః ।
వాసుదేవస్తతో వేద్యో బృహత్త్వాత్ విష్ణురుచ్యతే ॥
🌹ఆయన సమస్త ప్రాణులకు నివాస స్థానం అవడం వలన, దేవతలు అందరూ ఆయనలోనే నివసించడం వలన "వాసుదేవ" అనే నామం సార్ధకమైనదని సంజయుడు వివరిస్తాడు.
🌹ఈయన సర్వవ్యాపకుడు కాబట్టి 'విష్ణువు' అనే పేరు కలిగిందని అంటాడు. క్రీ.పూ. 6వ శతాబ్ధం నుండి వాసుదేవ తత్త్వము భారత దేశములో ప్రచారానికి వచ్చింది. పాణిని ని, పతంజలిని వాసుదేవుని భగవత్ స్వరూపులుగా పేర్కొనిరి. భగవంతుని చరిత్ర కాబట్టి భాగవతమని కొందరు భావిస్తే, "భగవతి రతాః భాగవతాః" భాగవతులన విష్ణుభక్తులని, వారి చరిత్ర భాగవతమని మరికొందరు భావించారు.
🌹దేవకీదేవి గర్భశుక్తి ముక్తాఫలమైన శ్రీ కృష్ణుని జీవిత ఘట్టాలను వివరించేది పై శ్లోకం. దానిని శ్రీకృష్ణ లీలామృతం అని కూడా పేర్కొన్నారు. బాల్యంలోనే పూతన జీవితాపహరణం.
🌹 గోవర్ధనోద్ధరణం చేసిన ఉద్దండ పిండం మనం చిన్ని కృష్ణయ్యగా పిలుచుకునే కృష్ణ భగవానుడు. పెరిగి పెద్దయి, ధర్మ రక్షణకు దీక్షా కంకణుడై కంసాది రాక్షసులను సంహరించి కుంతీ కొడుకులను పాలించాడు. మధ్యలో ఎన్నో లీలలు. ఇవన్నీ కలిస్తే కృష్ణ తత్త్వమవుతుంది.
🌹"కృష్ణ శబ్దం ఋగ్వేదంలో కూడా కనిపిస్తుంది.
అది విష్ణుతత్త్వ వివరణము.
"ఇంద్రస్య యుజ్యస్తఖా" అని అంటారు. దాని అర్థం ఏమిటంటే అతడు ఇంద్రునకు యుద్ధమున సహాయపడ్డాడు అని, ఇంద్రునకు స్నేహితుడు అని భావము. ఋగ్వేద వర్ణనలను గమనిస్తే ఇంద్రునిది నీలదేహమని వివరించారు. దానిని అనుసరించే బహుశా విష్ణువు యొక్క అవతారములగు రామావతారము తరువాత కృష్ణావతారములలో కూడా స్వామిది నీలదేహముగా వాల్మీకి, వ్యాసులచే వర్ణింపబదిందేమో అనిపిస్తుంది.
🌹విష్ణువు రక్షకుడుగా కీర్తింపబడే వేద మంత్రములలో అనేక చోట్ల 'గోప్త' 'గోప' శబ్దములు వాడబడటం గమనించవచ్చు. ఆ మంత్రాలే భాగవతాది పురాణములలో "గోపాలకుడు" గా వర్ణించారు.
🌹ఛాందోగ్యము మొదలయిన ఉపనిషత్తులలో విష్ణువు దివ్య పురుషునిగా, సూర్యమండలాంతర్వర్తి అయిన పరమేశ్వర స్వరూపముగా వర్ణింపబడెను. అది విష్ణుతత్త్వము. తరువాత పురాణేతి హాసములలో ప్రసిద్ధమైన కృష్ణ తత్త్వమునకు అదే మూలమని భావించవచ్చును.
🌹 ముండకోపనిషత్తులో "అగ్నిర్మూర్గా చక్షుషీ చంద్ర సూర్యౌ, దిశ శ్రోత్రే" వంటి ఇతర వర్ణనలు శ్రీ కృష్ణుని విశ్వరూప సందర్శన వర్ణనకు దగ్గరగా ఉండటం గమనింపదగినది.
ఇతిహాసములలో భారతమునందు, పురాణములలో భాగవతమునందు, తరువాత కావ్యములలో ఎఱ్ఱన రచించిన, హరివంశము, మొదలగు గ్రంథములందు శ్రీ కృష్ణుని గాధలు చాలా గొప్పగా వర్ణించబడ్డాయి. అయితే భాగవతము దశమ స్కంధములో శ్రీ కృష్ణ జన్మ వృత్తాంత శైశవ క్రీడలు విస్తారముగా వర్ణింపబడ్డాయి.
నిజానికి శ్రీకృష్ణుని శైశవ క్రీడలు, ఆయన బాల్యమే చాలామందికి నచ్చుతుంది. ఆ బాల్య క్రీడలలో తెలిసీ తెలియకుండానే ఆయన దుష్ట శిక్షణ చేసిన విధం అందరి మనసులూ కట్టిపడేస్తుంది.
🌹మన్ను తిన్న చిన్నవాడిలా, వెన్న దొంగగా, గోకులాన్ని పావనం చేసే చిన్ని కృష్ణుడంటే అందరికీ చెప్పలేని తాదాత్మ్యం కలుగుతుంది. ఇదే కృష్ణుని బాల్యంలో ఉన్న అందం...
🌹అర్జునా! పరబ్రహ్మవస్తువును తెలుసుకోనుటే జ్ఞానము. దీనినే ఆత్మజ్ఞానమని అంటారు. ఈ జ్ఞానాన్ని అందించునదే ఆధ్యాత్మవిద్య. ఇది అన్ని విద్యల కంటే శ్రేష్ఠమైనది. జరామరణాది దుఃఖములనుండి విముక్తిపొందాలంటే ఆత్మజ్ఞానమును పొందితీరవలసినదే. ఇంకొక మార్గములేదు.
🌹ఆ మార్గమేమిటంటే, ఎచ్చటనుండి వచ్చామో, అక్కడికి చేరుకోవడమే. అంటే పరమాత్మనుండి విడిపడిన జీవాత్మ (జీవుడు) మళ్ళీ పరమాత్మను చేరుకోవడమే. అలా చేరినప్పుడే వ్యక్తి జీవిత నాటకము సమాప్తమవుతుంది, అంతేకాని జీవుని మరణముతో సమాప్తము కాదు.
🌹జీవాత్మ, పరమాత్మతో విలీనం కానంతసేపు జీవునికి జనన మరణాలు తప్పవు. జీవుని పరమాత్మతో చేర్చునదియే జ్ఞానము. ఇది నిష్కామ కర్మాచరణ వలన మాత్రమే సిద్ధిస్తుంది.
🌹జ్ఞానముతో చేయుకర్మను యజ్ఞమని అందురు. యజ్ఞము చేయువాడు, హోమమొనర్చు ద్రవ్యములు, హుతమొనర్చు అగ్నియు పరబ్రహ్మస్వరూపములే, యజ్ఞఫలితము కూడా బ్రహ్మార్పణమే. అటులనే శ్రాద్ధకాలమందు శ్రాద్ధము చేయువాడు, భోక్తలు, వారు భుజించు అన్నము పరబ్రహ్మస్వరూపమే. ఆ శ్రాద్ధక్రియ ఫలితమూ బ్రహ్మార్పణమే. ఇట్టి భావముతో జీవితమందలి సర్వకర్మలను యజ్ఞదృష్టితో చేయుటయే బ్రహ్మకర్మసమాధినిష్ఠ అనబడును. ఇట్టి నిష్ఠ గలవాడు పరబ్రహ్మస్థితిని పొందును.
🌹అర్జునా! ద్రవ్యం, ధనం వలన సాధించబడే యజ్ఞంకంటే, జ్ఞానయజ్ఞము శ్రేష్ఠమైనది. ఎందుకంటే సమస్తకర్మలు జ్ఞానంతోనే పరిసమాప్తం అవుతాయి.
🌹కొంతమంది దానధర్మాలే యజ్ఞంగా, తపస్సే యజ్ఞంగా, యోగసాధనే యజ్ఞంగా, వేదాధ్యయనమే యజ్ఞంగా భావించి జ్ఞానయజ్ఞము చేస్తారు. కొందరు ప్రాణాయామపరులు వాయుగతులను నిరోధించి అపానంలో ప్రాణము, ప్రాణంలో అపానము హోమం చేస్తారు.
🌹యోగులు బ్రహ్మమనే అగ్నితో, ఆత్మచేత తమ ఆత్మనే ఆహుతి చేస్తారు. తత్వవేత్తలైన జ్ఞానులు అలాంటి జ్ఞానమును ఉపదేశిస్తారు. వారిని వినయవిధేయతలతో నమస్కరించి, సర్వస్యశరణాగతి నొంది, వారిని సేవిస్తూ, సమయం సందర్భం చూసి ప్రశ్నించి తెలుసుకోవాలి.
🌹అర్జునా! అటువంటి జ్ఞానమును తెలుసుకుంటే నీవు తిరిగి మొహాన్ని పొందకా, సమస్త ప్రాణులను నీలోనూ, నాలోనూ చూడగలవు. జ్ఞానమనే అగ్ని సర్వకర్మలను భస్మం చేస్తుంది. జ్ఞానంతో సరితూగే పవిత్రమైన వస్తువు ప్రపంచంలో ఇంకొకటి లేదు. జ్ఞానము కలిగిన వెంటనే పరమశాంతి లభిస్తుంది.
🌹కావునా, అర్జునా! జ్ఞానమనే కత్తితో నీలోవున్న అజ్ఞానాన్ని నరికి నిష్కామ కర్మయోగం ఆచరించు, అని మానవులందరితరుపున ప్రతినిధియైన అర్జునునికి కృష్ణపరమాత్మ ఉపదేశించాడు.
🎈జీవుడికి ఇది ఏ నిజమైన సుఖం
