క్షణం విత్తం క్షణం చిత్తం* *క్షణం జీవితమావయోః* *యమస్య కరుణా నాస్తి* *తస్మాత్ జాగ్రత జాగ్రత*

 🌹*క్షణం విత్తం క్షణం చిత్తం*

*క్షణం జీవితమావయోః*

*యమస్య కరుణా నాస్తి*

*తస్మాత్ జాగ్రత జాగ్రత*🌹

🍁🍁🍁🍁🍁🍁🍁🍁

💕~క్షణం భాగ్యం, క్షణం భోగం. జీవితమే క్షణ భంగురం.యమునికి దయ లేదు. కనుక జాగరూకతతో వ్యవహరించు.

🌺జీవితం క్షణ భంగురం, అందులో భోగం క్షణమే, భాగ్యమూ క్షణమే! యముడు కరుణ లేనివాడు, అయ్యో వీడు ధర్మాత్ముడు కొద్ది కాలం ఉండనిద్దాం, వీడు దుర్మార్గుడు వీణ్ణి తొందరగా తీసుకుపోదామనుకోడు. సమయం వచ్చిన వెంఠనే ఎవరైనా సరే ఏ అవస్థలో ఉన్నా సరే పాశం తగిలించి జీవిని తీసుకుపోవడమే ఆయన కర్తవ్యం. అందుకే ఆయనకు సమవర్తి అని పేరు. అటువంటి యముడు ఎప్పుడు వస్తాడో తెలియదు. తస్మాత్ జాగ్రత్త.

💕జీవితంలో జరిగేవాటిని, జరగుతున్నవాటిని వాటిని గురించిన హెచ్చరిక ఇది. 

🌺మొత్తంగా చూస్తే జీవితం క్షణభంగురం, నీ తరవాతేమీ లేదు, నీతోనే అన్నీ ఉన్నాయి, గుర్తించు.

💕నరులనుకూడా జంతువులన్నారు కదా !

‘జంతూనాం నరజన్మ దుర్లభం’ అని. జీవులన్నీ జంతువులే!అందులో నరజన్మ దొరకడమే గొప్ప! 

ఈ శ్లోకాలలో క్షణభంగురమైన జీవితకాలంలో జరిగేవాటి గురించిన పరివేదన గురించి చెప్పేరు.

❤️ *యావత్కాలం భవేత్కర్మ

తావత్తిష్టంతి జంతవః

తస్మిన్ఖ్షణే వినస్యంతి

తత్ర కా పరివేదనా*

💕~ఈ ఉపాధిలో (ఈ శరీరంతో) కర్మపరిపాకం ఎంతకాలముందో అంతకాలమే మానవులు జీవిస్తారు. కర్మ పూర్తైన మరుక్షణం మరణిస్తారు. ఇది సర్వ సహజం, దాని గురించిన పరివేదన వద్దు.

🌺 “ఎవరు చేసిన కర్మ వారనుభవించకా ఏరికైనా తప్పదన్నా!” ఇది గంజాయి దమ్ము కొట్టిన బైరాగి పాట కాదు, సత్యం. 💕మానవులు మూడు కర్మలతో ఉంటారు. 

🌺సంచితం,ప్రారబ్ధం,ఆగామి. 

💕ఒకటి పుట్టుకతో కూడా తెచ్చుకున్న మూట. 

💕రెండవది ఈ జన్మలో పోగిచేసుకున్న మూట. 

💕మూడవది జీవితాంతానికి ఉండిపోయిన నిలవ, మరుజన్మకి తోడొచ్చేది. 

❤️జన్మ రాహిత్యం కావాలంటే మూట ఉండకూడదు. దాన్ని సాధించడం అంత తేలిక కాదు! 

💕పుణ్యమో పాపమో ఎంతో కొంత సంచిమొదలు తప్పదు. సంచి దులిపేస్తే, అది సాధిస్తే పరమ పదమే! జన్మ రాహిత్యమే! ఈ ఉపాధిలో అంటే ఈ శరీరంతో చేయవలసిన పని పూర్తైన వెంటనే, ఈ శరీరం నశిస్తుంది, దానికి చింతిల్లనవసరమే లేదు.

❤️ *ఋణానుబంధ రూపేణా

పశు పత్ని సుతాదయః

ఋణ క్షయే క్షయంయాంతి

తత్రకా పరివేదనా.*

🌺~ఎంత ఋణానుబంధం ఉన్నదో అంతకాలమే పశువుగాని,పత్నిగాని,

సుతులు మొదలైనవారు మనతో ఉంటారు. మనతో ఋణానుబంధం పూర్తికాగానే వెళిపోతారు. 

ఈ సహజప్రక్రియను అర్థంచేసుకోకుండా చింతించడం ఎందుకు?

💕~పశువులు,పత్ని,సుతులు మొదలైనవారంతా ఋణానుబంధం ఉన్నంత కాలమే మనతో ఉంటారు. మనకి వారుగాని, వారికి మనంగాని ఉన్న ఋణం తీరిన తరవాత వారి దారిన వారు చెల్లిపోతారు. ఇది ఎంతకాలమో తెలియదు. 

💓ఎవరు ఎవరికి బాకీ తెలియదు. మన సంతానమంతా, మనకి బాకీదార్లు. అందుకే పెద్దలు పిల్లల చేతినుంచి డబ్బు తీసుకోడానికి ఒప్పుకోరు. పక్కన ఉంచమంటారు. ఈ బాకీలు ఏ రకమైనా కావచ్చు. 

💝కొంతమంది మంచిమాట చెప్పి కూడా తిట్లు తింటుంటారు. ఇలా మంచిమాట చెప్పేవారంతా బాకీదార్లు. వారు అలా మంచిమాటలు చెప్పి హెచ్చరిక చేయక మానలేరు. 

💕కాలంతో బాకీ తీరిపోతుంది, ఆ తరవాత ఇలా మంచిమాట చెప్పేవారు కూడా జీవితంలో దొరకరు. ఆతర్వాత చింతించీ లాభంలేదు🕉️🚩🕉️