అవసరం లేని జ్ఞానాన్ని,

అనవసరమైన అజ్ఞానాన్ని,

ఎప్పటికప్పుడు జల్లడ పట్టడానికి,

దేవుడు 'పిల్లలనే' పరిమలత్వాన్ని సృష్టించుంటాడు!

రోజు నిండా ఎన్ని ఆవేశాలు-ఆక్రొషాలు ఎదురుకొన్న,

సాయంత్రానికి, గడప ముందు ఈ సిసింద్రీల చిరునవ్వుల ఎదురుకోలు

వెయ్యి ఏనుగుల బలాన్ని ఇస్తుంది!

ఆ బంధాలతో మనస్సుని నింపుతుంది!

అర్థం లేని ఎన్నో చికాకుల విరుగుడికి

ఈ చిన్నారులు వజ్రాయుధాలు!

ఒక సాయంత్రాన్ని జ్ఞాపకంలా మార్చడానికి 

ఈ చిరునవ్వులు మాదక ద్రవ్యాలు!

సంతోషాన్ని సంబంధాలలో నింపి, 

ఆనందాలలో బంధాలని కలగలిపి,

మనవళ్లు, మనవరాళ్లు, 

అరవైల్లో సంజీవినిలా ఆనందాల్ని ఆక్సిజన్ లా పంచుతుంటారు!

వాళ్ళున్న ఇల్లు, ఇల్లు లా ఉండదు 

అదో హడావిడి, సంతోష తడి!

ఈ పులకరింతను, మీ ఇళ్ళల్లో మీ పిల్లల్లతో

నాలా మనస్సునిండా సంబరపరుచుకోవాలని 

మనస్ఫూర్తిగా కోరుకుంటూ..