ఈ రోజు మంచిమాట లో మనిషిని మనీషిగా మార్చే పాఠాలు తెలుసుకుందాం.

 ఈ రోజు మంచిమాట లో మనిషిని మనీషిగా మార్చే పాఠాలు తెలుసుకుందాం. 

కొన్ని సార్లు మనం ఎదుటి వారికి వారి మంచి కోరి చెప్పే మాటలు ఎటువంటి మార్పు తేలేనప్పుడు ఒక్కసారి వ్యతిరేకంగా మాట్లాడి చూడు మార్పు ఖచ్చితంగా వస్తుంది మన ఉద్దేశ్యం అర్థం చేసుకున్నవారు మనల్ని మంచిగా చూస్తారు కొందరు అపార్థం చేసుకున్నంత మాత్రన పోయేది ఏమి లేదు మనసు కు కాస్త బాధ కలిగిన మన వాళ్లు సంతోషంగా ఉంటే అదే చాలు .

   

 బ్రతికి ఉన్నప్పుడు ఎవరినైతే ఏడిపిస్తావో వాళ్ళు నువ్వు చచ్చాక నవ్వుకుంటారు . నువ్వు బ్రతికి ఉన్నప్పుడు ఎవరినైతే నవ్విస్తావో వాళ్ళు నువ్వు చచ్చాక నీ కోసం ఏడుస్తారు, రూపాయి అయినా రూపం అయినా ఎక్కువ రోజులుండవు కానీ మనిషి యొక్క మంచితనం ఎప్పటికి గుర్తుండిపోతుంది . భౌతికంగా కనిపించే అందాన్ని చూసుకొని మురిసి పోవడానికి అదేమీ శాశ్వతంగా ఉండదు, మనసును అందంగా ఉంచుకుంటే పది మందికి గుర్తుండి పోతావు..

మానవ జీవితం చాలా చిన్నది ఎవరినో ద్వేషిస్తూ కాలాన్ని వృధా చేయకుండా  క్షమించడం నేర్చుకో సంతోషంగా గడపగలవు, మనిషిలో అహం తగ్గిన రోజు ఆప్యాయత ఏంటో అర్థమవుతుంది గర్వం పోయిన రోజు ఎదుటివారిని ఎలా గౌరవించాలో  తెలుస్తుంది . నేనేగొప్ప నాకేంటి అనుకుంటే చివరికి ఒక్కరిగానే ఉండిపోవాల్సివస్తుంది. గౌరవమర్యాదలు ఇచ్చిపుచ్చుకుంటూ ఆనందంగా ఇతరులతో కలిసి జీవించడమే మంచి జీవితం...

అది ఇంతపెద్ద పని అయినా సరే చేయగలిగిన సత్తా మనలో ఉన్నా చేయలేనేమోనన్న భయం మనలో వెంటాడుతూ ఉంటుంది. భయం శక్తి వంతమైనదే కాని నమ్మకం అంతకన్నా శక్తివంతమైనది నమ్మకం తో ముందుకు వెళ్లగలిగితే విజయం ఎప్పుడూ నీతోనే ఉంటుంది.

ఎప్పుడు కలిశారు అన్నది కాదు ముఖ్యం, ఆ పరిచయం ఎలాంటిది! అన్నది కాదు ముఖ్యం, మనం పిలిచే  పిలుపు మన ప్రవర్తన ఎదుటి వారి హృదయానికి హత్తుకునేలా ఉంటే చాలు మనకు తెలియకుండానే మన జీవితంలో ముఖ్యమైన ఆప్తులుగా మారిపొతారు. ప్రపంచంలో ఏ తప్పు చేయని వ్యక్తి ఉండక పోవచ్చు, ఓ వ్యక్తి తప్పు చేసినప్పుడు అతను ఉన్న మానసిక శారీరక స్థితిని విశ్లేషించుకుంటే అతని వ్యక్తిత్వం తెలుస్తుంది, వ్యక్తి వ్యక్తిత్వం సరైనది  ఒకటికి రెండు సార్లు ఆలోచించాక ఆ బంధాన్ని అంటి పెట్టుకునే అవసరం లేదు, మనకు  జీవితంలో మంచి స్నేహితులు అదృష్టం కొద్దీ  పరిచయం అవుతారు మనల్ని ప్రతి క్షణం సరి చేస్తూ కాపాడుతూ ఉంటారు, మన క్షేమం మనకంటే ఎక్కువ వారే కోరుకుంటారు ఇలాంటి మిత్రులను చివరి శ్వాస వరకు కాపాడుకోవాలి, అలా ప్రేమించగలిగే మిత్రులు ఒక్కరు అయినా సరే, వారు ఎక్కడ ఉన్నా సరే వారిని హృదయంలో పెట్టుకుని కాపాడుకోవాలి, అలాంటి స్నేహితులు మనకున్నారు అంటే వారిముందు భేషజాలు లేకుండా స్వచ్చంగా ఉండాలి, అప్పుడే జీవితాంతం సంతోషంగా ఉంటాం. 

ప్రేమ ఉన్నచోట అహం ఉండ కూడదు స్నేహం ఉన్నచోట విలువలు అడ్డు రాకూడదు బంధం ఉన్నచోట ధనం బేధం ఉండ కూడదు బాధ్యత ఉన్నచోట బరువు అనిపించ కూడదు

ఎంత కష్టం వచ్చిన నీలో నువ్వే ఓదార్చుకోవటం నేర్చుకోవాలి, కష్టాలను చూసి సమాజం నవ్వుతుంది తప్ప ,నా అని దగ్గరకు తీయదు, మనం మంచిగా ఉంటే చెడగొట్టడం, చెడిపోతే హేళన చేయటం ఈ సమాజం నైజం, మంచితనం అనేది ఒక మహా వృక్షం లాంటిది ఎవరెంత నరికినా అది మళ్ళీ మళ్ళీ చిగురిస్తూనే ఉంటుంది గుండె లోలోతుల్లో నుండి జీవం పోసుకుంటూనే ఉంటుంది

మిమ్ముల్ని అర్థం చేసుకున్న వారికి మీరేమిటో చెప్పాల్సిన అవసరం లేదు మిమ్ముల్ని అర్థం చేసుకోని వారికి మీ గురించి చెప్పవల్సిన అవసరం అంతకంటే లేదు, జీవితమే ఒక పయనం ఆ పయనంలో కలిసే ప్రయాణీకులు ఎందరో కానీ ఏదీ ఎప్పుడు ఎవరికి ఎవరూ శాశ్వతం కాదు . కేవలం నీ వ్యక్తిత్వమే శాశ్వతం , నీ నడవడికే శాశ్వతం, ఇందులో గెలిచేది నువ్వే ! ఓడేది కూడా నువ్వే . 👏