ఆధ్యాత్మికత యొక్క ఆవశ్యకత
🔹🔸🔹🔸🔹🔸
జీవితంలో ఆధ్యాత్మికత యొక్క ఆవశ్యకతను గుర్తిస్తే...మనం జీవితాన్ని జయించినట్లే...! ఎందుకంటే జీవితాన్ని జయించే ఆత్మిక స్థైర్యం ఆధ్యాత్మిక జీవన విధానం ద్వారానే సాధ్యం..!
సాధారణంగా..,జీవితంలో ఎదురయ్యే ప్రతీ ప్రతికూల పరిస్థితి మనస్సును బలహీనం చేస్తుంది. కానీ ఆధ్యాత్మికత అలవడిన మనస్సుని మరింత శక్తిశాలీగా చేస్తుంది. కారణం ఏమిటంటే ఆధ్యాత్మికత ఉన్న చోట అహం ఉండదు కనుక.
సూక్ష్మంగా ఆలోచిస్తే మన మనస్సుని బలహీన పరిచేది పరిస్థితి కాదు, ఆ పరిస్థితికై మనం చేసే ఆలోచన. ఆ ఆలోచన అహంచే ప్రభావితమై ఉంటే బలహీన సంకల్పం, ఆధ్యాత్మికతతో ప్రభావితమై ఉంటే శక్తిశాలీ సంకల్పం అవుతుంది..!
ఆహాన్ని ఆశ్రయించిన వ్యక్తిలో మనస్సు వివేకాన్ని ఆశ్రయించదు. వివేకాన్ని ఆశ్రయించని వాని మనస్సు చీకటిగది వంటిది. అందులోకి పరచింతన,గత చింతన, వికారీ చింతన అనే విష కీటకాలు చేరి మనస్సుని విషపూరితం చేస్తాయి. అటువంటి మనస్సు జీవితంలో ప్రతి విషయాన్ని కూడా ప్రతికూలంగా ఆలోచిస్తుంది.బలహీన సంకల్పాలు చేస్తూ నిరాశా నిస్పృహలకు లోనయి దుఃఖాన్ని అనుభవిస్తుంది.
ఆధ్యాత్మికతను ఆశ్రయించిన వారి చిత్తంలో భగవంతుని యందు నిశ్చయబుద్ధి, సమర్పణ భావన జనించి అహం సన్నగిల్లుతుంది. వివేకాన్ని ఆశ్రయించి ఆ వెలుగులో ప్రతి విషయాన్ని సుస్పష్టంగా అవగాహన చేసుకుంటుంది, యుక్తిగా పరిష్కరించుకుంటుంది. సానుకూల దృక్పథంతో ధృఢ చిత్తాన్ని కలిగి ఉంటుంది. జీవితం ఏవిధంగా అనుభవం అవుతున్నా నిశ్చింత స్థితిలో తేలికగా ఉంటూ సుఖవంతంగా మలచుకుంటుంది.
కనుక...
ఆధ్యాత్మికతను ఆశ్రయించుటకు వయోపరిమితి అవసరమే లేదు, జీవితాన్ని ప్రారంభిస్తూనే అలవరచుకొనుట ముఖ్యము..జీవన ముగింపు దశ అయిన వృద్ధాప్యంలో ఆశ్రయించుటవలన పెద్దగా సాధించేందుకు ఏమీ ఉండదు...
🔹🔸🔹🔸🔹🔸🔹
No comments:
Post a Comment