హార్ట్ ఫుల్ నెస్🌍కథతో, అద్దం ~ నిజమైన అందం

 *

🧘‍♂️🧘‍♀️🧘‍♂️🧘‍♀️🧘‍♂️🧘‍♀️🧘‍♂️🧘‍♀️ఆనంద*శాంతి*శుభోదయం* 

*365 రోజులు✈️హార్ట్ ఫుల్ నెస్🌍కథతో* 

♥️ *కథ - 39* ♥️

    *అనుభూతి  -  నా బాహ్య,* *అంతర్గత  స్వభావాన్ని* *చూడడంలో నాకు సహాయపడే* **దృష్టికి నేను* *కృతజ్ఞతతో* *ఉన్నాను.** 

*అద్దం ~ నిజమైన అందం*

 ఒకానొకప్పుడు, ఒక ప్రయాణికుడు ప్రయాణంలో అలసిపోయి, కాసేపు విశ్రాంతి తీసుకోవడానికి అనువైన ప్రదేశం కోసం వెతుకుతూండగా, అకస్మాత్తుగా అతని దృష్టి ఒక ఆశ్రమం పై పడింది.  

అది గొప్ప తత్వవేత్త, సాధువు అయిన సోక్రటీస్ ఆశ్రమం. 

యాత్రికుడు ఆలోచించడం ప్రారంభించి, "నేను ఇక్కడ కొద్దిరోజులు ఉండే అవకాశం దొరికితే చాలా బాగుంటుంది. నేను కూడా పరిజ్ఞానం ఉన్న ప్రసంగాలు, ఉపన్యాసాలు వినగలుగుతాను." అని అనుకున్నాడు.

ఈ ఆలోచనతో సోక్రటీస్ వద్దకు వెళ్ళాడు.  సోక్రటీస్ వెంటనే అంగీకరించి, సరిగ్గా తన  గదికి ఎదురుగా ఒక గదిలో అతనికి బస ఏర్పాటు చేసాడు.

 ఒకరోజు ప్రయాణికుడు తన గది నుండి బయటకు వచ్చినప్పుడు, సోక్రటీస్ ఎదురుగా ఉన్న గదిలో అద్దంలో చూసుకుంటున్నాడు. 

అతను దానినిపెద్దగా పట్టించుకోలేదు, ఎలాంటి స్పందనా లేకుండా వెళ్ళిపోయాడు.  

కానీ రెండోసారి, మూడోసారి మళ్లీ అదే జరగడం చూసి, “సోక్రటీస్ చాలా అందవిహీనంగా ఉంటాడు, రోజూ అద్దంలో ఎందుకు చూసుకుంటున్నాడు?” అని ఆలోచించడం మొదలుపెట్టాడు.

ఈ ఆలోచన యొక్క తుఫాను అతనిని తొలిచివేయడం ప్రారంభించింది. ఆఖరికి ఆగలేక నేరుగా సోక్రటీస్ గదిలోకి వెళ్లి అడిగాడు - "దయచేసి  తప్పుగా అనుకోవద్దు, నేనొక ప్రశ్న అడగాలనుకుంటున్నాను. రోజూ అద్దం ముందు మీరు అంతసేపు ఎందుకు నిలబడతారు?  మీరు అలా ఉన్నా..." అని తటపటాయించాడు.

సోక్రటీస్ అతని ప్రశ్నను అర్థం చేసుకుని, "అవును, నేను అందవికారంగా ఉంటాను, అందంగా ఉండను అయినా ప్రతిరోజూ అద్దంలో చూసుకుంటాను, దీనివలన నా వికారస్వరూపం గురించిన ఎరుకతో ఉంటాను", అని అన్నాడు.

యాత్రికుడు - "మీ విహీనత గురించి ఎందుకు ఎరుకతో ఉండాలనుకుంటున్నారు? అది మీలో న్యూనతా భావాన్ని సృష్టించదా?" అని అడిగాడు.

 సోక్రటీస్ - "లేదు! ఎందుకంటే నేను ప్రతికూలంగా ఆలోచించను. నా అందవిహీనత నాలో అవగాహనను పెంచుతుంది."

 యాత్రికుడు - "అవగాహన? ఎలా!?"

 సోక్రటీస్ - "నా విహీనతను ఉదారమైన, మంచి పనులతో పరిహరించాలని నాకు తెలుసు.

ఉన్నతమైన ఆలోచనలు, మంచి పనులు మనిషి యొక్క అంతర్గత సౌందర్యాన్ని పెంచుతాయి.అంతర్గత సౌందర్యాన్ని మేల్కొల్పితే, శారీరక వికారాలు బాధించవు."

యాత్రికుడు సాధువైన సోక్రటీస్ ఆలోచనలను విని ఉప్పొంగిపోయాడు, అతని పాదాలకు నమస్కరించాడు. లేచి గది నుండి బయటకు వెళుతుండగా, సోక్రటీస్ గొంతు అతనిని ఆపింది - "నాయనా! నీవు కూడా అద్దంలో చూసుకోవాలి."

ప్రయాణికుడు నెమ్మదిగా, "అలాగే", అన్నాడు.

సోక్రటీస్ - "ఎందుకో తెలుసుకోవాలనుకుంటున్నారా? ఎందుకంటే మీరు చాలా అందంగా,ఆకర్షణీయంగా ఉన్నారు, అద్దం మీకు కూడా నేర్పుతుంది!

 మీరు చూడటానికి ఎంత అందంగా ఉన్నారో,  అలాంటి అందమైన పనులే చేయమని అది మీకు గుర్తు చేస్తుంది." అని చెప్పాడు.

లోపల, బయటా కూడా అందంలో పరిపూర్ణత సాధించండి. అంతర్గత సౌందర్యం లేకుండా బాహ్య సౌందర్యం అర్థం లేనిది, అసంపూర్ణమైనది!

నిజమే, మనం కోరుకుంటే, జీవితంలోని అన్నికష్టాల మధ్య సానుకూల ఆలోచనలు, భావాలతో మనల్ని మనం ప్రేరేపించుకోవచ్చు.  

అదే మన అంతరంగ సౌందర్యాన్ని బహిర్గతం చేసే అసలైన రహస్యం.

          ♾️

 **హార్ట్ ఫుల్ నెస్ ధ్యానం అంటే,* *మనల్ని మనం చూసుకునేంతగా మన* *చైతన్యాన్ని పరిపూర్ణ దర్పణంలా  మార్చుకోవడం.* 

* 

  *దాజీ* 

 

హార్ట్ ఫుల్ నెస్ ధ్యానం  💌

HFN Story team

💜🔺💜🔺💜🔺💜🔺💜