*365 రోజులు✈️హార్ట్ ఫుల్ నెస్🌍 కథతో*
♥️ *కథ-43* ♥️
*అనుభూతి - భగవంతునిపై నాకున్న అచంచలమైన* *విశ్వాసానికి నేను కృతజ్ఞతతో ఉన్నాను.*
భగవంతునిపై విశ్వాసం
ఒక వ్యక్తి తన కొడుకుతో ఇంటికి తిరిగి వస్తున్నాడు. వారు సముద్రంలో ఒక పడవలో ఉన్నారు, అకస్మాత్తుగా పెద్ద తుఫాను వచ్చింది. తండ్రి యోధుడు, ప్రశాంతంగా ఉన్నాడు కానీ,కొడుకు చాలా భయపడ్డాడు, దాదాపు నిస్సహాయస్థితిలో ఉన్నాడు.
వారిద్దరూ వెళ్తున్న పడవ చాలా చిన్నది, తుఫాను తీవ్రంగా ఉంది, ఏ క్షణంలోనైనా పడవ మునిగిపోయే అవకాశం ఉంది.
కొడుకు ఎంత భయపడుతున్నాడో, తండ్రి అంత మౌనంగా - ఏమీ జరగనట్లుగా ప్రశాంతంగా, నిశ్శబ్దంగా కూర్చున్నాడు.
కొడుకు వణికిపోతూ తండ్రితో ఇలా అన్నాడు.‘‘భయంగాలేదా.. ఇదే మన జీవితంలో చివరి క్షణం కావచ్చు.. మనం ఒడ్డుకు చేరుకునేలా కనిపించడం లేదు.. ఈ క్షణంలో ఏదైనా అద్భుతం మాత్రమే మనల్ని రక్షించగలదు, లేదంటే మనం చనిపోతాం!"
కెరటాలు బలంగా పడవపై కొట్టడంతో ఒక్కసారిగా, "నీకు భయం వేయట్లేదా?" అని అరిచాడు.
కొడుకు అరుపులు విన్న తండ్రి నవ్వుతూ తన కోశంలోంచి కత్తిని తీశాడు.
ఇప్పుడు కొడుకు మరింత కంగారు పడ్డాడు. తండ్రి ఏమి చేస్తున్నాడు? అని అనుకున్నాడు.
తండ్రి ఆ కత్తిని కుమారుడి మెడకు అతి దగ్గరగా తీసుకొచ్చాడు. చాలా దగ్గరగా, కత్తి - మెడ మధ్య కేవలం సన్నని వెంట్రుక అంతరం మాత్రం మిగిలిఉంది. కత్తి దాదాపు అతని మెడకు తాకింది.
“ఇప్పుడు భయం కలగడం లేదా!“ అని అడిగాడు.
కొడుకు నవ్వడం మొదలుపెట్టి, "నేనెందుకు భయపడాలి? నువ్వు నా తండ్రివి, కత్తి నీ చేతిలో ఉంది, నువ్వు నన్ను ఎప్పటికీ బాధించవని నాకు తెలుసు, నువ్వు నన్ను ప్రేమిస్తున్నావని నాకు తెలుసు" అన్నాడు.
తండ్రి కత్తిని వెనక్కి పెట్టి, " ఇదే నా సమాధానం కుమారా! భగవంతుడు నన్ను ప్రేమిస్తున్నాడని, తుఫాను ఆయన చేతిలో ఉందని నాకు తెలుసు.
కాబట్టి, ఏది జరగబోయినా అది మంచికే. మనకు మనుగడ ఉన్నామంచిదే; లేకున్నామంచిదే, ప్రతిదీ ఆయన చేతుల్లోనే ఉంది, ఆయన తప్పు చేయడు." అన్నాడు.
నమ్మకాన్ని వృద్ధి చేసుకోoడి, అది మీ సమస్త జీవితాన్ని మార్చగలదు. పూర్తిగా విశ్వసించండి, ఎందుకంటే సందిగ్ధత పనిచేయదు.
♾️
*అస్తిత్వానికి పునాది విశ్వాసం. అవిశ్వాసం అనేది,* *చిన్నపాటిగాలివాన విసురుకి కూలిపోయే పునాది లేని ఇల్లు లాంటిది.🌼*
*చారీజీ*
హార్ట్ ఫుల్ నెస్ ధ్యానం 💌
HFN Story team
💜🔺💜🔺💜🔺💜🔺💜
No comments:
Post a Comment