*మోక్షసాధనకు మార్గం*

               ➖➖➖

*భగవంతుణ్ని పూజించడంలో అనేక పద్ధతులున్నాయి :*  

*1. మనసులో భగవంతుని రూపాన్ని ధ్యానించడం,*

*2.దేవునికి ధూప దీప నైవేద్యాలు సమర్పించడం,*

*3. నామసంకీర్తన చెయ్యడం -*

 *ఇటువంటివన్నీ భగవంతుని పూజావిధానాలే.*

 *1.కృతయుగంలో ధ్యానం*

*2. త్రేతాయుగంలో యజ్ఞాలు*

*3. ద్వాపర యుగంలో అర్చనలు*

*4. కలియుగంలో భగవన్నామ సంకీర్తనం*

*ఇవి భగవంతుని అనుగ్రహానికి మేలైన మార్గాలు, మోక్షప్రాప్తికి*

*తగిన సాధనాలని శాస్త్రాలలో చెప్పారు.*

*'ముక్తి సాధనాలు'గా*

*కర్మయోగం,*

*రాజయోగం,*

*జ్ఞానయోగం*

*భక్తియోగం*

*అని నాలుగు యోగాలు శాస్త్రాలలో తెలిపారు.*

*1. సాధారణంగా లాభాపేక్షతో జనులు కర్మలు చేస్తారు.*

*ఫలాపేక్ష వదలి కర్మలు చెయ్యాలని, అదే నిష్కామ కర్మయోగమని గీతాచార్యుడు బోధించాడు.*

*దీని వల్ల చిత్తశుద్ధి కలుగుతుంది. నిష్కామకర్మ - బంధం నుండి విడిపిస్తుంది.*

*ప్రతి పనినీ భగవత్కైంకర్యమనే భావంతో చెయ్యాలి. ఇదే కర్మయోగం.*

*2. చంచలమైన మనస్సును అరికట్టడమే రాజయోగం. ఇది బ్రహ్మప్రాప్తికి రాజమార్గం కావడం వలన రాజయోగం అనబడింది.*

*అభ్యాసంతోనూ, వైరాగ్యంతోనూ మనస్సును అరికట్టవచ్చని గీతలో చెప్పబడింది.*

*3. తత్త్వవిచారణలో జీవాత్మ స్వరూపాన్ని, పరమాత్మతో దాని సంబంధాన్ని తెలుసుకోవడమే జ్ఞానయోగం.*

*అద్వైత మతస్తులు - జ్ఞానయోగమే అన్ని యోగాల కంటే శ్రేష్ఠమని చెబుతారు. అవిద్య, అజ్ఞానం తొలగినప్పుడు జీవాత్మకు పరమాత్మకు తేడా లేదనే విషయం తెలుస్తుందని చెబుతారు.*

*4. ఈ కాలంలో తరించడానికి భక్తియోగమే సులభోపాయం.*

*అనన్యమైన భక్తి చేత మాత్రమే భగవంతుణ్ని తెలుసుకోవడం, దర్శించడం ఆయనలో ప్రవేశించడం సాధ్యమవుతుంది.*

*సాత్త్వికాహారాన్నే భుజించడం, విషయసుఖాలపై విరక్తి, శాస్త్రవిధిని పాటించడం, సత్యమార్గాన్ని అనుసరించడం, అహంకారానికి లోనుకాకుండా ఉండడం భక్తియోగానికి మార్గాలు.*

*ఈశ్వరః సర్వభూతానాం హృద్దేశేర్జున తిష్ఠతి*

*సమస్త ప్రాణుల్లోనూ అంతర్యామిగా పరమాత్మ ఉంటాడని గ్రహించి, భూతదయ కలిగి, ఇతరుల మనస్సును నొప్పించకుండా, మితిమీరిన స్వార్థాన్ని వీడి, అందరూ మనుగడ సాగించాలనే భావాన్ని కలిగి వుండాలి.*

*అలా జీవితం కొనసాగించి, మరణం తరువాత కూడా ఇతరుల హృదయాలలో జీవించగలగడమే అసలైన "మోక్షం"*

🙏🙏🙏