జై గిరిధారి !
ప్రశ్న :. జగద్గురు అంటే అర్ధం
ఏమిటి ?
సమాధానం :
పదాన్ని జాగ్రత్తగా పరిశీలించి గ్రహిస్తే ఆ పదమే అర్ధాన్ని చెప్తుందని గురుదేవులు చాలా సార్లు చెప్పారు .
జగత్ +గురు ( గు +రు )= జగద్గురు .
జాయతి గఛ్చతి ఇతి జగత్ . వచ్చి పోయేదని అర్ధం . ప్రతిక్షణం పరిణామశీలం .కనుక
జగత్తు సత్యం కాదు . కనిపిస్తున్నది కనుక లేనిదీ కాదు .
ఉన్నది కాదు . ఉన్నట్లున్నది .
సత్యం కానిది . మాయ . ఆభాస .
సత్యం వస్తు సిద్ధం . మాయ ( ఆభాస , అజ్ఞానం ) బుద్ధిసిద్ధం .
ఉన్నట్లున్నది తొలగితేనే ఉన్నది తెలుస్తుంది .
బ్రహ్మ సత్యం జగమిధ్య
మిధ్యం ఎలాతొలగుతుంది .
జ్ఞానం ద్వారానే .
దృష్టిం జ్ఞానమయంకృత్వా పశ్యేత్ బ్రహ్మ మయం జగత్ .
చీకట్లో వస్తువు లేనిది కాదు . చీకటి వలన ఉన్నది కనిపించుట లేదు . వెలుగు ( జ్ఞానం ) వస్తే ఆవరించిన ఆ చీకటి పోయి ఉన్నది ఉన్నట్లుగా కనిపిస్తుంది .
చీకటి అనగా " గు "
తొలగించేవారు " రు "
అంటే
జగత్ అనే చీకటిని తొలగించే వారే
జగద్గురువు .
జీవ , జగత్ , ఈశ్వర భేదం ; జీవేశ్వర భేదం ,ఇంకా జగత్ సత్యమని చెప్పే ఏ సంప్రదాయపు గురువైనా , వారు ఎంతటి వారైనా జగద్గురువు కారు ,కాలేరు .
అద్వైతామృత జ్ఞానదాత
కృష్ణం వందే జగద్గురుం
" జ్ఞానీతాత్మైవమేమతం " కనుక
ఆ పరంపరలో వచ్చిన జ్ఞానే
జగద్గురువు
ఓం
No comments:
Post a Comment