*ఆత్మజ్ఞానం.....*

*ఆత్మజ్ఞానం పొందడం కోసం మనం చేయవలసిందల్లా అది ఎక్కడో లేదు మనలోనే ఉందని తెలుసుకొని అంతరంగంలో చూడడమే... ఇది కష్టమైనదీ కాదు. “ఆత్మజ్ఞానం అతి సులభం” అని అంటున్నారు.. భగవాన్ రమణ మహర్షి గారు...*

*అంటే... సృష్టిలో ఉన్న అన్నింటిలోకీ ఆత్మజ్ఞానం తేలికైనది అని... అది నిజానికి అంత తేలికైనది కూడా... ఇది కేవలం మీరు ఒకే సమయంలో సుముఖంగానూ విముఖంగానూ ఉండడం వల్ల ఇలా జరుగుతోంది. ఈ సంఘర్షణ అన్నది మీది.. ఇది కష్టమైనది కాదు. మీలో ఉన్న దానిని అనుభూతి చెందడానికి మీరు ఏ కష్టమైన పనులు చెయ్యాలి...*

*కాని... మీరు ఎలాంటి మార్గాన్ని ఎంచుకున్నారు అన్నది ప్రశ్న... మీరు ఆ ప్రక్క గదికి వెళ్లాలంటే, మీకు వున్న బిల్డింగ్ గురించి కొంత తెలిస్తే, మీరు ఇలా తిరిగి అలా వెళ్లిపోతారు. అదే... మీకు ఆ బిల్డింగ్ ఎలా కట్టారో తెలియకపోతే మొత్తం అలా చుట్టూ తిరిగి వస్తారు. ఆ విధంగా కూడా* *ఆ గదిని చేరుకోవచ్చు. కాకపోతే బిల్డింగ్ అంతా చుట్టూ తిరిగిరావలసి ఉంటుంది. ఇది కూడా ఒక విధంగా ప్రయాణం చెయ్యడమే.*

*కానీ... బిల్డింగ్ అంతా చుట్టి రావడం అనేది ఒక మూర్ఖమైన పని. అవునా... కాదా... మీరు అలా బిల్డింగ్ అంతా చుట్టి రావాలి అనుకుంటే, మీకు మధ్యలో ఎన్నో ఆటంకాలు ఎదురౌవ్వవచ్చు. మీరు ఏదో ఒక రోజున ఇటువంటి ఎరుకను తెచ్చుకొని, ఒక్కసారి వెనుదిరుగుతారని నేను అనుకుంటున్నాను. అప్పుడు ఇది ఎంతో సరళం, ఎంతో తేలిక...*

*ఒకానొక సమయంలో యూరప్ లో కొన్ని వేలమంది ప్రజలు, ఇండియాను కనుగొనాలని బయలుదేరారు. చాలామంది మార్గమధ్యంలోనే రాలిపోయారు. వారు సముద్రంలో మునిగిపోయారు. కేవలం ఒక్క వాస్కోడీగామా మాత్రమే రాగలిగారు. ఎవరైతే సముద్రంలో మునిగిపోయారో, మనం వారి గురించి ఎప్పుడూ విననేలేదు. వారి పేర్లు కూడా మనకి తెలియదు. కానీ ఎవరైతే వచ్చారో వారినే మనం ఇప్పటికీ గుర్తుపెట్టుకున్నాం. కానీ ఆ వేల సంఖ్యలో ఉన్నవారు ఎవరైతే సముద్రంలో మునిగిపోయారో, వారు తుడిచిపెట్టుకు పోయారు.*

*అందుకని ఆ ప్రక్క గదికి వెళ్లడానికి బిల్డింగ్ అంతా చుట్టి వెళ్లాలనుకుంటే, ఆ గదికి వెళ్లగల అవకాశం ఎంతో తక్కువ. మీరు అక్కడికి వెళ్లలేరని కాదు... కానీ అందుకు అవకాశం ఎంతో తక్కువ. ఎందుకంటే ప్రయాణం ఎంతో కష్టంగా ఉంటుంది కాబట్టి... మీరు కూడా ఈ విధంగానే వెళ్లాలనుకుంటున్నారు కానీ గది ఇక్కడే ఉంది. కేవలం మీరొకసారి వెనుదిరిగారనుకోండి, అంతే...*

*ఉదాహరణకి... ఇక్కడ మీ ఎదురుగుండా మీ నీడ ఉందనుకోండి. మీరు ఎలా అయినా సరే, దాన్ని దాటి వెళ్లాలనుకొని మొదట త్వరగా నడవడం మొదలు పెడతారు. అప్పుడు మీ నీడ మీకంటే తొందరగా నడుస్తుంది... ఆ తర్వాత మీరు పరుగెట్టడం మొదలు పెడతారు. ఇప్పుడు మీ నీడ మీకంటే వేగంగా పరుగెడుతుంది... కానీ మీరు కనుక ఒక్కసారి వెనుదిరిగారనుకోండి, మీ నీడ మీ వెనక్కి వెళ్లిపోతుంది. అంతెనా... మీరు చెయ్యవలసినదల్లా అదే...*

*┈┉━❀꧁గురుభ్యోనమః꧂❀━┉┈*

         *SPIRITUAL SEEKERS*

🍁🧘‍♂️🍁 🙏🕉️🙏 🍁🧘‍♀️🍁