ఏది శాశ్వతం.

ఏది శాశ్వతం.

ఈ రోజు మనం ఎలా ఉన్నామో, రేపు కూడా అలాగే ఉంటామా?

ఏదీ శాశ్వతం కాదు

ఒక ఆధ్యాత్మికవేత్త దేశాటన చేయడానికి కాలినడకన బయలుదేరాడు. రాత్రి బాగా పొద్దుపోయాక ఒక గ్రామంలో ఆనంద్ అనే వ్యక్తి ఇంట్లో బస చేశాడు.

ఆనంద్ ఆధ్యాత్మికవేత్తకు చాలా బాగా ఆతిథ్యం అందించాడు. మరుసటి రోజు, ఆనంద్ ఆధ్యాత్మికవేత్తకు చాలా బహుమతుల ఇచ్చి వీడ్కోలు పలికాడు.

ఆధ్యాత్మికవేత్త ఆనంద్ కోసం ఇలా ప్రార్థించాడు: "నీవు ముందుకు సాగడానికి భగవంతుని సహాయం నీకు ఎల్లప్పుడూ ఉండు గాక."

ఆధ్యాత్మికవేత్త చెప్పిన మాటలు విన్న ఆనంద్ నవ్వుతూ, "అధ్యాత్మిక వేత్త , ఇదేదీ శాశ్వతం కాదు" అన్నాడు.
అది విన్న ఆధ్యాత్మికవేత్త అవాక్కయ్యి, ఆనంద్ వైపు అలా చూస్తూ ఉండిపోయాడు. ఆపై నెమ్మదిగా అక్కడి నుండి వెళ్లిపోయాడు.

రెండు సంవత్సరాల తరువాత, ఆధ్యాత్మికవేత్త ఆనంద్ ఇంటికి తిరిగి వచ్చి చూడగా, అతని సంపద అంతా పోయింది. అక్కడికి దగ్గర్లోనే ఒక భూస్వామి వద్ద ఆనంద్ పని చేస్తున్నాడని తెలుసుకున్నాడు.

ఆధ్యాత్మికవేత్త ఆనంద్ ని కలవడానికి వెళ్ళాడు. ఏమిలేనప్పుడు కూడా ఆనంద్ ముఖంలో అదే ఆనందం. ఆనంద్ ఆధ్యాత్మికవేత్తకు సాదరంగా స్వాగతం పలికాడు. తన గుడిసెలో చిరిగిన చాప మీద అతన్ని కూర్చోబెట్టి, తినడానికి ఎండిన రొట్టెలు ఇచ్చాడు.

మరుసటి రోజు వెళ్ళేటప్పుడు, ఆధ్యాత్మికవేత్త కళ్ళలో నీళ్ళు తిరిగాయి.
"అయ్యో భగవంతుడా! ఎంత పని చేసావు?", అని బాధపడ్డాడు.

ఆనంద్ మళ్ళీ నవ్వుతూ ఇలా అన్నాడు, "అధ్యాత్మిక వేత్త , ఎందుకు బాధపడుతున్నావు? భగవంతుడు మనలను ఉంచిన స్థితికి కృతజ్ఞతతో ఉండాలని, అందులోనే సంతోషంగా ఉండాలని గొప్ప, గొప్ప వారు చెప్పారు కదా. కాలం ఎప్పుడూ మారుతూ ఉంటుంది.
ఇది కూడా శాశ్వతం కాదు కదా, స్వామి."

ఆధ్యాత్మికవేత్త ఆలోచనలో పడ్డాడు, " ఆనంద్, నేను రూపాన్ని బట్టి మాత్రమే ఆధ్యాత్మికవేత్తను. నువ్వే నిజమైన ఆధ్యాత్మికవేత్తవు."

రెండు సంవత్సరాల తరువాత, అధ్యాత్మిక వేత్త మళ్లీ తన ప్రయాణంలో ఆనంద్ ను కలిశాడు. ఆనంద్ ఇప్పుడు చాలా పెద్ద భూస్వామిగా ఉండడం చూసి ఆశ్చర్యపోయాడు.

ఆనంద్ పనిచేసిన భూస్వామికి సంతానం లేదని, మరణ సమయంలో తన ఆస్తినంతా ఆనంద్ కి ఇచ్చాడని తెలుసుకున్నాడు.
ఆధ్యాత్మికవేత్త ఆనంద్ తో, " చాలా మంచిది నాయనా, దారిద్య్ర సమయం గడిచిపోయింది. భగవంతుడు నిన్ను ఆశీర్వదించి, నువ్వు ఇలాగే ఎల్లప్పుడూ సుభిక్షంగా ఉండాలని కోరుకుంటున్నాను."

అది విన్న ఆనంద్ గట్టిగా నవ్వుతూ, "అధ్యాత్మిక వేత్త , నువ్వు ఇంకా ఇలానే చెబుతున్నావా ?.." అన్నాడు.

అధ్యాత్మిక వేత్త,"ఇది కూడా ఉండదంటావా?"

ఆనంద్ ఇలా బదులిచ్చాడు, "అవును, ఇది కూడా పోతుంది లేదా దీనిని తన స్వంతంగా భావించేవాడే స్వయంగా వెళ్లిపోతాడు. ఏదీ శాశ్వతంగా ఉండదు. శాశ్వతమైనది ఏదైనా ఉంటే, అది పరమాత్మ, ఇంకా ఆ పరమాత్మలో భాగమైన ఆత్మ మాత్రమే."

ఆనంద్ మాటలు శ్రద్ధగా విన్న ఆధ్యాత్మికత వేత్త అక్కడి నుంచి వెళ్లిపోయాడు.

ఏడాదిన్నర తర్వాత అదే గ్రామానికి తిరిగి వచ్చి చూడగా, ఆనంద్ భవనం అక్కడ ఉంది, కానీ అది పాడుబడి, పావురాలు ఆక్రమించుకుని ఉండడం గమనించి, ఆనంద్ మృతి చెందినట్లు తెలుసుకున్నాడు.

" స్వర్గలోకం పలుకుతోంది
ఆకాశం శూన్యంగా ఉంది.
మంచు బిందువులు రోదిస్తున్నాయి,
పూల పాన్పులు ఖాళీగా ఉన్నాయి.
ఎవరి రాజభవనాలలో,
రంగురంగుల దీపాలు వెలిగించారో,
నేడు అతని సమాధిపై పొదలు మాత్రమే ఉన్నాయి,
ఎక్కడా అతని జాడే లేదు."

అద్యాత్మికవేత్త ఇలా అంటున్నాడు, "ఓ మానవా! నువ్వు దేనిని చూసి గర్వపడుతున్నావు? ఎందుకు గొప్పలు చెప్పుకుంటావు? ఇక్కడ ఏదీ మిగలదు, దుఃఖం , సంతోషం - రెండూ శాశ్వతంగా ఉండవు.

ఇతరులు ఇబ్బందుల్లో ఉన్నారని, నేను ఆనందిస్తున్నానని నీవు అనుకుంటున్నావు. కానీ ఇది విను, సరదాలు నిలవవు, కష్టాలు నిలవవు.
ఆయనను తెలుసుకున్నవాడు మాత్రమే ఎల్లకాలం నిలిచి ఉంటాడు.

ప్రతీ పరిస్థితిలోను ఆనందంగా ఉండేవాళ్ళే నిజమైన జీవితాన్ని గడుపుతారు. వారికి సంపద వస్తే, వారు సంపదలో సంతోషంగా ఉంటారు. వారు నిరాశ్రయులైతే, వారు ఆ స్థితిలో కూడా సంతోషంగా ఉంటారు."

ఆధ్యాత్మికవేత్త తన మనస్సులో ఇలా చెప్పుకోవడం ప్రారంభించాడు, "ఆనంద్! నీ సహవాసం ధన్యమైనది, నీ గురువు ధన్యులు. నేను నకిలీ ఆధ్యాత్మికవేత్తను, నీ జీవితమే నిజమైన ఆధ్యాత్మికతత్వం. ఇప్పుడు నేను నీ చిత్రం వద్ద పువ్వులు సమర్పించి, ప్రార్థనలు చేయాలనుకుంటున్నాను."
ఫ్రీగా కలిసొచ్చే సంపద అది శాశ్వతంగా కష్టపడి సంపాదించిన మిగులుతుంది
ఆనంద్ చిత్రం కోసం ఆ స్వామి అవతలి గదిలోకి వెళ్ళినప్పుడు, దాని మీద ఇలా వ్రాసి ఉంది:

"చివరికి, ఇది కూడా శాశ్వతం కాదు."
ఈ విశ్వంలో మార్పు ఒక్కటే శాశ్వతమైనది.

సేకరణ. మానస సరోవరం 👏

సేకరణ