అధ్యవసాయము అనే పదానికి వివరణ ఏమిటి?

 అధ్యవసాయము అనే పదానికి వివరణ ఏమిటి? (27-05-24)

అధ్యవసాయము అనే పదాన్ని వివిధ సందర్భాలలో వాడుతున్నారు.

1. శ్రీమన్నారాయణుని శ్రీపాదములకు తలను చేర్చి ‘ నువ్వు తప్ప వేరు గతి లేదని ‘ పరిపూర్ణ విశ్వాసమును ప్రకటించటము శరణాగతి అని చెప్పబడింది ఇది మహా విశ్వాసము , అధ్యవసాయము అని శాస్త్రము చెబుతున్నది.

2.• గొప్ప మిత్రుడెవరు ? 

• ఉద్యమము, ఉత్సాహము, అధ్యవసాయము. 

3.ఐదు లక్షణములు శిష్యునకు ఉండాలి. 

1) అనన్యసాధ్యత్వము

2) ఆర్తి

3) అధ్యవసాయము

4) ఆదరము

5) అనసూయ

1) అనన్యసాధ్యత్వము : సాధ్యాసాధ్యాలయందు ఆసక్తి లేకుండా తాను ఆశ్రయించినగురువు/ఆచార్యుని ద్వారా ఏది పొందవలెనో దానిమీదనే దృష్టి పెట్టి ఉండేలక్షణము:

2) ఆర్తి : ఎట్టి పరిస్థితులలోనూ తాను పొందవలసిన దానికి దూరముగా జరుగక,వ్యతిరిక్త పరిస్థితులలో కూడా తాను పొందవలసిన దానిపైననే ధ్యాస తప్ప ఇంకొకమార్గముపై ధ్యాసలేకుండుట.

3) అధ్యవసాయము : తాను ఏది పొందవలెనని ఆచార్యుని ఆశ్రయించాడో అదియే తానుతప్పక పొందవలెనన్న గట్టిపూనిక కలిగి ఆ పూనికను రోజు రోజుకూ గట్టిపరచుకునేలక్షణము కలిగు ఉండుట.

4) ఆదరము : తాను తెలుసుకోవలసిన విద్య లేదా పొందవలసిన దానిని గూర్చిన విషయపరిజ్ఙానము సంపాదించుకొనే పథంలో ఆ విషయములను ఎవరు చెప్పిననూ చెప్పినవాడుతక్కువ వాడా లేక ఎక్కువ వాడా అన్నది ఆలోచించక ఆదరముతో వినుట. వినయముతో

ఉండుట.

5) అనసూయ : తాను తెలుసుకోవలసినది తెలుసుకోలేకపోయినను, పొందవలసినదిపొందలేకపోయినను, తానది పొందలేకపోయాను కాబట్టి దానియందు దోషములనెంచక దానిగుణములను కీర్తించుట. ఇతరులు పొందిన గుణములను చూసి సంతోషించిప్రోత్సహించుట.

ఈ పై ఐదు లక్షణములు కలవారు ఆచార్యుని పొందటానికి సంపూర్ణ అర్హులు,యోగ్యులు.

4. అధ్యవసాయము అంటే నిశ్చయము

5. అధ్యవసాయము=ఉత్సాహము

-తాడేపల్లి పతంజలి 🙏🏻