*_నీ పాటలే_* 

_*పరమపదానికి బాటలు!*_ 

--------------------------------------

తెలుగు పదానికి జన్మదినం

జానపదానికి జ్ఞానపధం..

అన్నమయ్య కీర్తనలతోనే

*_నిత్యం ప్రతిధ్వనించు_*

*_విష్ణుపథం..!_*

ఒకటా..రెండా..

ముప్పై రెండు వేల సంకీర్తనలు..

శ్రీనివాసుని ప్రాంగణంలోనే

ఆ పదకవితా 

పితామహుని నర్తనలు..

నీకైనా..నాకైనా తిరుమలగిరులను 

అల్లంత దూరాన 

దర్శించగనే 

గుర్తొచ్చే పాట

*_అదివో అల్లదివో శ్రీహారివాసము.._*

*_పదివేల శేషుల_* 

*_పడగల మయము..._*

అన్నమయ్య కీర్తనలతోనే

వేంకటపతి వశము..

ఆలపించినంతనే

ఒడలు పరవశము..!

తిరుమల గిరులలో

ప్రతి చెట్టు.. 

మహారుషుల ప్రతిరూపాలట

అక్కడ ఎల్లెడలా

కనిపించేది 

*_అన్నమయ్య ఉనికే.._*

వినిపించేది 

*_అన్నమయ్య పాటే..!_*

తాళ్ళపాక వారి కీర్తనతోనే

తిరుమల ప్రవేశం...

అలిపిరిలో మొదటి మెట్టు 

అధిరోహం..

అన్నమయ్య పాట ఆరోహం..

శేషాద్రి..నీలాద్రి..గరుడాద్రి..

అంజనాద్రి..వృషభాద్రి..

నారాయణాద్రి..

కడపటిగా వెంకటాద్రి..

ఒక్కో కొండా ఎక్కుతూ

ఆ కడపరాయుడి కీర్తనలతోనే వేంకటరాయుని

స్తుతి..ప్రస్తుతి..సన్నుతి..

అంతిమంగా 

ఆదుకొమ్మనే విన్నుతి..

మానవ జీవితానికి పరిణితి!

తెలిసీ తెలియని వయసులోనే తెలియకుండా 

మనమంతా వినలేదా

అమ్మ పాడుతుంటే

అన్నమయ్య పాట..

*_చందమామ రావే.._*

*_జాబిల్లి రావే.._*

జీవితాన ఏదో ఒక దశలో

వచ్చే ఆలోచన ఆ కీర్తన

*_అలల చంచలమైన_* 

*_ఆత్మలందుండ నీ అలవాటు చేసెనీ ఉయ్యాల.._*

*_పలుమారు ఉచ్వాసపవనమందుండ_* 

*_నీ భావంబు_* 

*_తెలిపెనీ ఉయ్యాల.._*

అన్నమయ్య కీర్తన 

నీ రుజువర్తన..

నీ బ్రతుకున ఆలన..

నీ కష్టాన లాలన..

నీ భక్తి భావన..

మొత్తంగా నీ జీవితానికే

ఆలంబన..!

*కొండంత దేవుని* 

*కొండంత భక్తితో* *కొలవలేకపోయినటుల*

*ముప్పై రెండు వేల కీర్తనల*

*పదకవితాపితామహుని*

*జయంతి సందర్భంగా*

*చంద్రునికి నూలుపోగులా*

*ఓ చిరు అక్షరమాల!*

**********************

 *_ఎలిశెట్టి సురేష్ కుమార్_*

    *_9948546286_*