****భక్తి, జ్ఞాన, శరణాగతి, &* *వైరాగ్యములు

 *ఆ నాలుగు ~~*

         *భక్తి, జ్ఞాన, శరణాగతి, &*

                 *వైరాగ్యములు*

                   ➖➖➖✍️

*ఈ సృష్టిని చేసి, దానిని ఒక పద్ధతిగా నిర్వహించే ఒకానొక ‘మహా శక్తి’ ఉంది.*

*దాని పేరే పరమాత్మ!*

*పరమాత్మకు రూపం కానీ, నామము కాని లేవు, గుణం కూడా లేదు. ఏవైనా ఉన్నాయి అనుకుంటే అది మన కల్పన.* 

*ఈ మహాశక్తికి మనం ‘శరణాగతి’ చెయ్యాలి.*

*అన్ని ఈ మహాశక్తికి నియమాలకు లోబడి నడుస్తున్నాయి.*

*మన వ్యక్తిగత అహంకారంతో వీటిని విభేదించి నడుచుకోవడం సరి అయిన విధానం కాదు.*

*దీనికి శిక్ష తప్పదు!*

*కాబట్టి మనం అహంకార నిర్ములన కావాలి అనుకుంటే దానికి చేయవలసినది, ‘శరణాగతి!’*

*విశ్వ నియమాలకు అనుగుణంగా, విశ్వఆలోచనలకు అనుగుణంగా _(Universal thought plan)_ మన వ్యక్తిగత ఆలోచనలు ఉండాలి. _(Individual thought plan)._* 

*దీనినే _role playing_ అంటారు.*

*అహాంకారం నాశనం కావాలి అనుకున్నవారు తమలో ఈ మార్పు తెచ్చుకోవాలి!*

*ఈ విశ్వంలో ప్రతిదీ,  మనతో సహా,    “ఈ విశ్వ ప్రణాళికకు అనుగుణంగా నడుచుకోవాల్సిందే", అన్న సత్యాన్ని మరువకూడదు.*

*ఇది శరణాగతి కి సంభందించిన అంశము.*

*ఇక పరమాత్మ(మాహాశక్తి)… ఈ సృష్టిని తనలోనుంచి సృష్టించిన  మాయ సహకారంతో సృష్టించారు.*

*మాయని ప్రకృతి అని కూడా అంటారు.*

*ఈ ప్రకృతి పంచ భూతాలు, త్రిగుణాలలో ఉంటుంది.*

*మాయ స్వతహాగా జడము, కదలిక లేనిది.*

*కానీ మాయ నిత్యము మార్పుకు లోను కావాలి కాబట్టి కదలిక అవసరం.*

*ఎలా అయితే రైలు పెట్టెలు స్వయంగా కదలవో, తాను కదులుతూ వాటిని కదిపే ఇంజిన్ ఉందో,*

*అలా పరమాత్మ తాను* *సృష్టించినదానిలోకి ప్రవేశించి దానిలో కదలిక ఏర్పరిచి, కావాల్సిన మార్పులు తెస్తున్నారు.*

*సృష్టిలో పరమాత్మ  ప్రవేశం ఒక ప్రతిబింబం లాగా ఉంటుంది.*

*అంటే ఆయన స్వయంగా స్థిరంగా ఒక చోట ఉండి* (ఆ చోటును పరంధామం అని అంటాము, భగవద్గీతలో ఈ చోటుకి చేరినవారు తిరిగి జన్మ తీసుకోరు అన్నారు) *ఈ సృష్టి లో ఉన్నారు.*

*ఎలాగైతే మిట్టమద్యాహ్నము సూర్యుడు భూమిమీద ఉన్న మట్టికుండలోని నీటిలో ప్రకాశిస్తున్నాడో, అలా ప్రతిబింబ రూపంలో అలా పరమాత్మ ఈ సృష్టి యావత్తు నందు ప్రతిబింబ రూపంలో ప్రకాశిస్తున్నాడు.*

 *ఆయన అన్నిటి యందు సమముగా ఉన్నారు కాబట్టి ఈ సృష్టి లోని ప్రాణి కోటి యావత్తు సమానమే,*

*ఎవ్వరు ఎక్కువ కాదు, తక్కువ కాదు.*

*ఈ అవగాహనే జ్ఞానము.*

*అంటే పరమాత్మ నీలో, నాలో, అందరిలో సమముగా తిష్ట వేసుకొని ఉన్నాడు.*

*ఈ జ్ఞానమును విష్ణు తత్వము అంటారు. _Omnipresence, omnipotent_ అంటారు.*

*ఈ అవహాగనకి ఒక రూపము కల్పించి,  ఆ రూపానికి అదే విష్ణు నామము జోడించి,  ఆయనను వైకుంఠంలో ఉంచాము మనము అజ్ఞానంతో.*

*విశ్వవ్యాప్తి అయిన పరమాత్మ మనలో కూడా  ఉన్నారు.*

*దీనిని స్వస్వరూపం అని అంటారు.*

*ఈ స్వస్వరూపమును ప్రేమించడము, ఆరాధించడం ‘భక్తి’ అంటారు.*

 *ఈ స్వస్వరుపమును మరచి, బాహ్యంగా ఆయనకు ఆరాధన చేయడం…*

*ఇంట్లో దైవాన్ని మరచి ఊళ్ళో దైవాలకి ఉత్సవాలు చేసినట్టు,*

*లేదా…* 

*ఇంట్లో ఉన్న భోజనాన్ని మరచి పక్కింటిలో భోజనం అడుక్కుంటునట్టు.*

*ఈ స్వస్వరూప అనుసంధానం భక్తి,*

*ఈ స్వరూపమునకి శరణాగతి చేయడం c"ఈశ్వర ప్రణీదానం",*

*ఈ స్వస్వరూపము పేరు…"ఓం".*

 *(తస్య వాచక ప్రణవః అన్నారు).*

 *ఓంకారనాదానుసంధానమే…,*

 *నిజమైన ఆరాధన, నిజమైన ప్రార్థన.*

*ప్రారంభములో "ఓం"ని నెమ్మదిగా ఉచ్ఛరిస్తు, దీర్ఘ నెమ్మది అయిన శ్వాసతో అను సంధానం చేస్తూ ఆ "ఓంకారము" తనంతట తానుగా మనకి వినబడే దశకు చేరుకోవడం ఈ …ఓంకారనాదానుసంధాన గమ్యం!*

 *ఇది భక్తి!*

*ఇక పరమాత్మ సృష్టించిన యావత్తూ మన జీవన సౌకర్యం కోసమే.*

*అంతే కాని అవి మనవి కావు,*

*మనం శాశ్వతంగా వీటితో  మార్పు లేకుండా ఉండలేము.*

*ఈ అవగాహనే వైరాగ్యాము.* 

*మనకి రాగము పంచభూతములతో ఏర్పడ్డ విషయములపై ఉంటుంది.*

*ఆ విషయములు శబ్దము, స్పర్శ, రూపము, రుచి, వాసన.*

*పంచభూతములతో ఏర్పడిన రూపం పట్ల రాగము ఉంటుంది.*

*రాగము ఉన్నచోట ద్వేషం కూడా ఉంటుంది.*

*ఈ రాగద్వేషాలని ‘సూక్ష శరీరం’ అంటాము.*

*ఈ సూక్ష శరీరం ఉన్నంత వరకు మనకి ముక్తి రాదు.*

*కాబట్టి వైరాగ్యం తప్పని సరి.*

*అహంకారము వల్ల బేధ దృష్టి ఏర్పడుతుంది.*

*ఇదే కారణం….    మనకి ముక్తి రాకపోవడానికి, లేదా బంధం ఏర్పడటానికి!*

*ఈ అహంకారమునకు విరుగుడు,  ఈశ్వర శరణాగతి.*

*రాగ ద్వేషాలు మమకారనికి హేతువులు,*

*దీనికి విరుగుడు వైరాగ్యం!*

*ఇదండీ నిజమైన భక్తి, జ్ఞాన, శరణాగతి, వైరాగ్యములు.