*_కిమ్స్ సవీర, కన్సల్టెంట్ ఇన్వాసివ్ కార్డియాలజిస్ట్ డాక్టర్ బాలకిషోర్_*

_కాన్సర్ కన్నా ఎక్కువ మరణాలు హృదయ సంబంధ వ్యాధుల  వల్ల కలుగుతున్నాయంటే ఎంత ప్రమాదకమో అర్థం చేసుకోవచ్చు. మిగతా వ్యాధులలో మాదిరిగా స్పష్టమైన సంకేతాలు కబడినా.. అవగాహన లోపం వల్ల వాటిని హృదయ సంబంద సమస్యలుగా గుర్తించడం లేదు. గుండె జబ్బు అంటే మనకు గుండె పోటు ఒక్కటే గుర్తుకొస్తుంది. గుండెపోటు అతి పెద్ద సమస్యే కానీ వాస్తవానికి గుండెకు సంబందించి అదొక్కటే కాదు. మరికొన్ని కీలక సమస్యలు ఉన్నాయని ఈ నెల 29న ప్రపంచ హృదయ దినోత్సవం సందర్భంగా కిమ్స్ సవీర, కన్సల్టెంట్ ఇన్వాసివ్ కార్డియాలజిస్ట్ డా.ఎస్.బాలకిషోర్ పేర్కొన్నారు. ఈ సందర్బంగా ఆయన మాట్లాడుతూ.. గుండెకు ఆపరేషన్ అంటే మనకు చాతీ మొత్తం తెరచి చేసే బైపాస్ ఆపరేషన్ ఒక్కటే గుర్తుకొస్తుంది. కానీ వాస్తవానికి అత్యాధునికి విజ్ఞానం విస్తరిస్తున్న కొద్దీ ఛాతీ తెరవాల్సిన అవసరం లేకండానే బైపాస్ సర్జరీని ముగించే విధానాలు మన ముందుకోస్తున్నాయి. గుండెలో విద్యుత్తు మన గుండె కొ పంపూలా పనిచేస్తూ శరీరంలోని అన్ని భాగాలకు రక్త సరఫరా చేస్తుంటుంది. మన గుండె నిరంతరం కోట్టుకోవటానికి సైనో ఏట్రియల్ నోడ్, ఏట్రియో వెంట్రిక్యూలర్ నోడ్, నుంచి నిరంతరం విద్యుత్ ప్రేరేపణలు వెలువడుతుంటాయి. దాంతో రక్తం వేగంగా నెట్టినట్టుగా కింది గదులైన జఠరికల్లోకి, ధమనులోలకి పంప్ అవుతుంది. ఇదంతా ఒక క్రమపద్దతిలో లయాత్మకంగా, నిరంతరాయంగా జరుగుతుంది. అయితే కొన్ని సార్లు రకరకాల సమస్యల కారణంగా ఈ విద్యుత్ ప్రేరణలు గతితప్పి, గుండెలయ దెబ్బతినొచ్చు._

*_వేగం తగ్గితే..?_*

_రక్త సరఫరా తగ్గటం వల్ల మెదడుకు తగినంత రక్తం అందదు. శ్వాస తీసుకోవటం ఇబ్బందిగా ఉంటుంది. అలసట, నిస్పత్తువగా అనిపిస్తుంది. నాడీ చాలా నెమ్మదిగా కొట్టుకుంటుంది._

*_వేగం పెరిగితే..?_*

_గుండె దడ వస్తుంది. పూర్తి సామర్థ్యంతో గుండె కొట్టుకోలేకపోవటం వల్ల రక్తం అన్ని అవయావాలకు చేరదు. ఫలితంగా విఫరీతమైన ఆయాసం వస్తుంది. కొన్నిసార్లు గుండెలో కొద్దిపాటి నొప్పిగా కూడా ఉండొచ్చు. తల చాలా తేలికగా ఉన్నట్లు, తిరిగినట్లు అనిపిస్తుంది. సృహ తప్పటం వంటింటి జరగొచ్చు._

*_వ్యాధి నిర్ధారణ పరీక్షలు:-_*

_ఈసీజి, 2డి ఎకో, హోల్టర్ పరీక్ష(24 గంటల పాటు గుండె పనితీరుని తెలుసుకోవటానికి చేసే ప్రత్యేక ఈసీజీ పరీక్ష ) అవసరమైతే ఎలక్ట్రో ఫిజియోలజీ పరీక్షనూ చేయాల్సి ఉంటుంది._

*_చికిత్స:-_*

_గుండె వేగం తగ్గినపుడు ఛాతీ పైభాగంలో చర్మం కింద పేస్ మేకర్ అమర్చి సరిదిద్దుతారు. వీటిల్లో సింగిల్ చాంబర్, డబుల్ చాంబర్ పేస్ మేకర్లతో పాటు_ _అత్యాధునికమైన ట్రిపుల్ చాంబర్ పేస్ మేకర్లు కూడా అందుబాటులో ఉన్నాయి. గుండె వేగం పెరిగినప్పుడు బీటా బ్లాకర్స్, గుండెలయను క్రమబద్దీకరించే మందులు ఇస్తారు._

_బరువు పెరగకుండా చూసుకోవాలి. క్రమం తప్పకుండా వ్యాయామం చేయాలి. మధుమేహాన్ని నియంత్రణంలో ఉంచుకోవాలి. తగినంత నిద్ర పోవాలి. ఒత్తిడిని దరిజేరనీయరాదు. ప్రపంచ వ్యాప్తంగా ఏటా సుమారు 1.71 కోట్ల మంది గుండె జబ్బుల కారణంగా మరణిస్తున్నారు. వీరిలో 80శాతం మంది అభివృద్ధి చెందుతున్న దేశాలకు చెందినవారే. మన దేశంలో చిన్న వయసులోనే ముఖ్యంగా 30,40 ఏళ్ల వయస్సు ఉన్న ఎంతో మంది గుండెపోటు బారిన పడుతున్నారు. మనకున్న అలవాట్లే మనల్ని జబ్బులకు గురిచేస్తున్నాయి. నిరంతరాయంగా పనిచేసే గుండెకు మనమే హాని తలపెడుతున్నాం. అనారోగ్యకరమైన ఆహారపు అలవాట్లు, శారీరక శ్రమలేని జీవనశైలి. ధూమాపానం, వ్యాయామం చేయకపోవడం వల్ల గుండె జబ్బుల బారిన పడుతున్నాం. ప్రతి ఏడాది సెప్టెంబర్ 29న ప్రపంచ హృదయ దినోత్సవం నిర్వహిస్తారు. ఈ సందర్భంగా గుండె ఆరోగ్యం గురించి సామన్యుల్లో అవగామన కల్పించాల్సిన అవసరం ఎంతైన ఉంది._