🙏🕉️ హరిఃఓం 🕉️🙏

  పూజ్యశ్రీ చిన్మయానందగారి "ఒక మహాత్ముని జీవనయానం"అనే గ్రంథం నుండి :-(286వ రోజు):--

     ప్రశ్న :- మతం జీవనానికి సంభం ధించిన ప్రశ్నలకు సమాధానం చెప్పే వేదాంతమని మీరన్నారు. కాని, భారత దేశంలోనే నివసిస్తూ హిందు వులమని చెప్పుకొనే వారిలో అధిక సంఖ్యాకులకు వేదాంతం గురించి తెలియదు. 

      స్వామీజీ :- ఔను, అది నిజమే. హిందూమతానిది చాలా విశాల మైన రంగభూమి. హిందువులకు ఆరాధనీయ మైన ఆదర్శాలన్నీ వేదాలూ, వాటి వెయ్యిన్నొక్క వ్యాఖ్యానాల లోనే కాక, పురాణా ల్లోనూ, ఇంకా ఎన్నో వేదాంత గ్రంథా ల్లోనూ నిక్షిప్తమై ఉన్నాయి. ఈ విస్తృత మైన వేదాంత సాహిత్యం సత్యం అనే సూక్ష్మమైన దేవాలయ పు సౌందర్యాన్నీ, మహత్తునూ దేవాలయపు ధ్వజం వెనుక మరుగు పరిచింది. 

         నిజానికి మతానికి రెండు ముఖ్య మైన అంగాలుంటాయి : ఆచార కర్మలకు సంబంధించిన ఆదేశాలు, వేదాంతపు ఆలంబన. మనలో చాలా మందిమి సాధార ణంగా మొదటిదే మతమను కుంటాము. కాని వేదాంత జ్ఞానం లేకుండా పాటించే ఆచారాలూ, లాంఛనాలూ అంధ విశ్వాసాలు గానే మిగులుతాయి ; బాహ్య ప్రపం చంలో ఆచరించే ఆచార కర్మలకు వేదాంతం చేయూతగా ఉండి వాటి కొక లక్ష్యాన్నీ, ఉద్దేశాన్నీ ఇస్తుంది. ఐనప్పటికీ, ఆచరణలో పెట్టని వేదాంతం ఉన్మాదంతో సమానమే. కర్మ, కారణం ఒకదాని కొకటి తోడుగా ఉండాలి. 

        మతం వస్తువుల సహజ స్వభా వాన్ని కాని, వాటి పొందికలో కాని మార్పును తెచ్చే మంత్ర దండం కాదు. ప్రపంచం ఉన్నదున్నట్టే ఉంటుంది ; పరిస్థితులన్నీ శాశ్వత మైన ప్రకృతి న్యాయాన్ననుస రించే ప్రవర్తిస్తాయి. ఎవరికైనా ఆధ్యాత్మిక దృక్పథం ఉన్నా లేకున్నా ఇది ఇలానే జరుగుతుంది. మతంలో విశ్వాసం కలవారికి మతం మానసిక సమ తౌల్యతనూ, ఆధ్యాత్మిక ప్రశాంతత నూ సమకూరుస్తుంది. దానివల్ల వారికి జీవితంలో తప్పనిసరిగా ఎదు ర్కోవాల్సి వచ్చే ఒడిదుడుకులను సమర్థవంతంగా ఎదుర్కొనే శక్తి వస్తుంది.

       ప్రశ్న :- ఐతే అన్యమతాలను నిందించే వారికి సరైన ఆధ్యాత్మిక దృక్పథం లేనట్లేనా ?

       స్వామీజీ :- ఔను అన్ని మతాల లక్ష్యమూ ఒక్కటే. ఈ లక్ష్యాన్ని అర్థం చేసుకున్న వ్యక్తి అన్యమతాలను దూషించడం కాని, తనదొక్కటే సరైన మార్గమని పట్టుపట్టడం కాని చేయడు. సత్యాన్ని గ్రహించిన వాని ముఖ్య లక్షణం నమ్రత ; మూర్ఖాభి మానం కాదు. మనమందరం ఒక్కటే దేముడు ఒక్కడే . 

      ప్రశ్న :- మీరు ప్రస్తావించిన విశ్వాసం ఎవరికైనా ఎలా వస్తుంది? 

        స్వామీజీ :- జ్ఞానం నుంచి విశ్వా సం జనిస్తుంది ; జ్ఞానం వల్లనే అది వృధ్ధి చెందుతుంది. అందుచేత వేదాంత గ్రంథ పఠనం ద్వారానూ, వాటిలో వెల్లడించిన భావాల గురించి పర్యా లోచన చేయటం ద్వారానూ దానిని పెంపొందించు కోవచ్చు. నమ్మిక పెరిగిన కొద్దీ, భగవత్ సాక్షాత్కారాను భవం పొందాలనే కోరిక కూడా పెరుగుతుంది. 

      ప్రశ్న :- విశ్వాసం నిజంగా అవ సరమా ?

       స్వామీజీ :- ఔను, ప్రపంచంలో ఏ యత్నానికైనా విశ్వాసం ఎలా అవసరమో, దీనికీ అంతే. మీరు చేస్తున్న పని భవిష్యత్తులో మంచి ఫలితాన్ని - అధమం జీతాన్నైనా - ఇస్తుందనే నమ్మకం మీకు ఉండి తీరాలి. కాని, అది అందరిలోనూ ఉన్నదే ; రాక్షస రాజైన రావణునికి కూడా తనకు ఘనమైన కీర్తి సంపా దించుకొనే శక్తి ఉన్నదనే నమ్మిక ఉంది. 

       అందుచేత, మీకు దేవునిలో విశ్వాస ముంటే, దేవుడు మీవాడౌ తాడు. విశ్వాసం అస్పష్టమైనదీ, చంచలమైనదీ కాకూడదు ; సాధిం చాల్సిన గమ్యం గురించిన వివేక వంతమైన అవగాహనే విశ్వాసానికి ఆధారం కావాలి. 

                       --***--

         🙏🕉️ హరిఃఓం 🕉️🙏

🙏👣శ్రీగురుపాదసేవలో👣🙏

               🌺 సరళ  🌺