ప్రతిరోజూ…

శ్రీ కంచి పరమాచార్య వైభవమ్…    

నడిచే దేవుడు…

🍀🌺🍀🌺🍀🌺🍀🌺🍀

పరమాచార్య పావన గాధలు…

   *నిద్రమత్తు - ఆత్మ విముక్తి*

              ➖➖➖✍️

```

ఒకసారి ఒక భక్తుడు మంత్రాలయ రాఘవేంద్ర స్వామి వారి బృందావనం దర్శించాలని మద్రాసు నుండి ‘బాంబే మెయిల్’లో ప్రయాణం చేస్తున్నాడు. అతను చాలా నిద్రమత్తులో ఉన్నాడు. ఆ ట్రైను ఒక స్టేషన్లో ఆగగానే తను దిగవలసిన స్టేషన్ అనుకుని గాబరాగా దిగేసాడు. 

ట్రైను వెళ్ళిపోయిన తరువాత తీరా తను దిగిన స్టేషను బోర్డు చూస్తే అది ‘గుంతకల్లు’ అని ఉంది.

“అరెరె! దేవుడా ఎంత పని అయిపోయింది. నేను ఇక్కడే దిగేసాను” అనుకున్నాడు.

శ్రీమఠం భక్తుడు జోషి, అతని మిత్రబృందము కూడా అదే ట్రైన్ లో వచ్చారు. వారు అలా కంగారుగా నిలబడియున్న భక్తుణ్ణి “విషయం ఏమిటని?” అడుగగా,

“నేను నిద్ర మత్తులో ఇక్కడ దిగిపోయాను. నేను మంత్రాలయం వెళ్ళాలి” అని చెప్పాడు.

అప్పుడు పరమాచార్య స్వామి వారు హగరిలో(బళ్ళారి జిల్లా) మకాం చేస్తున్నారు. జోషి బృందం మహాస్వామి వారి దర్శనం కోసమే వెళ్తున్నారు.

అపుడు జోషి ఆ భక్తునితో, “నువ్వు ఆదమరచి తత్తరపాటులో ఇక్కడ దిగలేదు. ప్రశాంత స్థితిలోనే దిగావు. సరే హగరికి వెళ్ళి మహాస్వామి వారి దర్శనం చేసుకుందాం పద” అని అతణ్ణి తమతో పాటు తీసుకునివెళ్ళారు.

జోషి బృందం మహాస్వామి వారికి సాష్టాంగం చేసి ఒక పక్కగా నిలుచున్నారు వేరేవాళ్ళకు దర్శనం చేసుకునే వీలు కొరకు. 

స్వామి వారు ఎప్పటిలాగానే వచ్చినవారందరి వివరాలు అడిగి తెలుసుకుంటున్నారు. మంత్రాలయం భక్తుడు రాగానే మహాస్వామి వారు జోషితో, “ఇతను ఇక్కడికి రావాల్సిన వాడు కాదు. మీరు తీసుకుని వచ్చారా?” అని అడిగారు.

ఆ భక్తుడు కొద్దిగా భయపడుతూ, “మీ దర్శనం చేసుకోకుండా మంత్రాలయం వెళ్ళాలనుకున్నాను. అందుకనే వెళ్ళలేకపోయాను” అని చెప్పాడు.

మహాస్వామి వారు అతణ్ణి దగ్గరికి పిలిచారు. చాలాసేపు అతనితో చిన్నగా మాట్లాడారు. అప్పుడప్పుడు ఆ భక్తుడు అవునన్నట్టు తల ఊపుతున్నాడు.

ఆ భక్తుని తల్లిగారు బావిలో పడి ఆత్మహత్య చేసుకున్నారు.

“అలాగా?” అని అడిగారు స్వామివారు. 

“అవును” అని బదులిచ్చాడు. 

“వెంటనే నీవు గయకు వెళ్ళి మీ తల్లిగారికి శ్రాద్ధం పెట్టు. ఆవిడ ముక్తిపొందుతుంది” అని చెప్పారు.

తరువాత ఆ భక్తుడు మావద్దకు వచ్చి జరిగిన విషయమంతా మాతో చెప్పి పరమాచార్య స్వామి వారు ఇలా ఆజ్ఞాపించారు అని చెప్పాడు.

అప్పుడు జోషి వాళ్ళతో, “బావిలో పడి చనిపోయిన ఆమె ఆత్మ మహాస్వామి వారివద్ద తన వ్యథను చెప్పుకొని ఉంటుంది. అందుకే మహాస్వామి వారు వాళ్ళ అబ్బాయిని గుంతకల్లులో దిగేట్టు చేసి, తమ దర్శనానికి రప్పించుకున్నారు” అని చెప్పాడు.

నిజం ఈ సర్వేశ్వరునికి ఆత్మల భాష కూడా తెలుసనుకుంటా. లేదంటే ఆమె అలా బలవంతంగా ప్రాణాలు తీసుకుందని వారికెలా తెలుస్తుంది. సామాన్యులం మనం మనకేం తెలుసు!!!✍️```

*అపార కరుణాసింధుం జ్ఞానదం శాంతరూపిణం।*

*శ్రీ చంద్రశేఖర గురుం ప్రణమామి ముదాన్వహం॥*

```

 “కంచిపరమాచార్యవైభవం”🙏

🙏 *సర్వం శ్రీకృష్ణార్పణమస్తు*

🙏 *లోకా సమస్తా సుఖినోభవన్తు!*

🍀🌺🍀🌺🍀🌺🍀🌺🍀