💦ఆనందమే ఆదర్శం

💦ఆనందమే ఆదర్శం

ఈలోకంలో ప్రతీది నాకు ఆదర్శమే...!

పడగొట్టిన వాడి పైన పగ పట్టకుండా దారం దారం పోగేసుకొని మరో గూడు కట్టుకొనే సాలెపురుగు నాకు ఆదర్శం...!

ఎన్ని సార్లు పడినా పౌరుషంతో మళ్ళీ లేచే అలలు నాకు ఆదర్శం...!

మొలకెత్తడం కోసం భూమిని సైతం చీల్చుకొనివచ్చే మొక్క నాకు ఆదర్శం..!

ఎదురుగా ఏఅడ్డంకులున్నా లక్ష్యం వైపే దూసుకెళ్లే బాణం నాకు ఆదర్శం...!

ప్రత్యర్ధి పెద్దదైనా సరే సూర్యుడిని సైతం కప్పి ఉంచే మేఘాలు నాకు ఆదర్శం...!

అసాధ్యం అని తెలిసినా ఆకాశాన్ని అందుకోవాలని ప్రయత్నించే గాలిపటం నాకు ఆదర్శం...!

బురదలో పుట్టినా తానున్న పరిసరాల చుట్టూ పరిమళాలు నింపే కమల పువ్వు నాకు ఆదర్శం...!

ఎంతటి వేడిని అయినా తాను భరిస్తూ మనకు మటుకు చల్లని నీడనిచ్చే చెట్టు నాకు ఆదర్శం...!

తన మూలంగా లోకం చీకటి అవకూడదు అని రోజంతా వెలుగునిచ్చే సూర్యుడు నాకు ఆదర్శం...!
తను ఎంత చిన్నదైనా తన వంతు భూదాహాన్ని తీర్చే చినుకు నాకు ఆదర్శం...!

చుట్టూ చీకటే ఉన్నా చల్లని వెన్నెల పంచే చంద్రుడు నాకు ఆదర్శం...!

ఒక్క సారి అన్నం పెడితే జన్మంతా విశ్వాసంగా ఉండే శునకం నాకు ఆదర్శం..!

జీవించేది కొంత కాలమైనా అనుక్షణం ఆనందంగా ఉండే సీతాకోకచిలుక నాకు ఆదర్శం...!

ప్రతి దానిలో మంచిని మాత్రమే గ్రహించాలని చెప్తూ పాలనీటి మిశ్రమంలో పాలను మాత్రమే తాగే హంస నాకు ఆదర్శం...!!!

ధర్మం తప్పక నడుచుకుంటే మనం ఈ లోకానికి ఆదర్శం....!

🙏లోకా సమస్తా సుఖినోభవన్తు!🙏

సేకరణ. మానస సరోవరం 👏