అరుణాచలం:

ఓం నమో భగవతే శ్రీ రమణాయ🙏🏻

             ఒక భక్తుడు : 

    భగవాన్! ఆత్మను సాధించే మార్గము ఏమిటి?

              మహర్షి :

    మనస్సును నిలిపి, అది ఏమిటో విచారించు. ఇంతకూ మనసు అంటే ఏమి? అదీ ఆత్మ ప్రసరింప చేసినదే. అది ఎవరికి గోచరిస్తుందో, అది ఎక్కడ పుడుతుందో చూస్తే, దాని మూలకారణం, 'అహం' భావన అని తెలుస్తుంది. 

   ఇంకా లోతుకు పో; “అహం” భావన అదృశ్యమై అనంతంగా విస్తృతమైన ఆత్మచైతన్యం మిగులుతుంది. దానినే 'హిరణ్యగర్భ' అంటారు. దానికి పరిధులు కల్పిస్తే, వ్యక్తిగా గోచరిస్తుంది.

"ఆత్మసిద్ధి" అంటే అజ్ఞాన నాశనం. దానికి ఒక్కఅక్షరం కలపవలసిన అవసరం లేదు, తొలగించవలసిన అవసరం లేదు.

🦚జ్ఞానప్రసూనాలు🚩

1) .రైలు కదలికకు కారణం పైనున్న తీగలు టచ్ అవడమే. ఆ విధంగానే దేవుని టచ్ వలనే మనం కదులుతున్నాం.

2) మార్పులకు గురయ్యే తాను వేరే మార్పులను చూస్తూ ఉండే తాను వేరే. ఇద్దరూ ఒకరే అనుకోవడం పొరబాటు.

3) రామ కృష్ణాదులు మాత్రమే కాదు.మనందరి వేషాల్లో ఉన్నది భగవంతుడే.భగవంతుడు కాకుండా ఇప్పటి వరకు ఎవరూ ఏ వేషమూ వేయలేదు.

4) .మీరు ఉంటే మీ నీడ పడుతుంది గాని మీరు లేకుండా ఎట్లా పడుతుంది? ప్రపంచం కూడా మీ నీడ లాంటిదే. మీరుంటేనే ఉండేది.

5) దేహమే ద్వారబంధం లోపలున్నది శివుడు వెలుపలున్నది పార్వతి. ఇదే అర్థనారీశ్వర తత్వం.

6) అప్పా అంటే శివుడు పలుకుతాడు అమ్మా అంటే పార్వతి పలుకుతుంది. ఊరికే ఉంటే ఇద్దరూ పలుకుతారు.