******🧘‍♂️విచక్షణా జ్ఞానం🧘‍♀️

*🧘‍♂️విచక్షణా జ్ఞానం🧘‍♀️*

*ఓం నమశ్శివాయ*🙏🙏🙏

 *తల్లి గర్భంలో ఉన్నంతసేపు తను ఆత్మను అని భావించిన శిశువు తల్లి గర్భము నుండి భూమి మీదికి రాగానే తను అంటే దేహము అని అనుకుంటున్నాడు*

*_మనుష్యులు పుట్టుకతోనే ఇది కావాలి, అది వద్దు అంటూ రాగద్వేషములతో పుడుతున్నారు.*

 *వీటి వ్యామోహములో పడి మనిషి తన విచక్షణా జ్ఞానము కోల్పోతున్నాడు.* 

*అజ్ఞానములో పడిపోతున్నాడు. రాగద్వేషముల వలన కలిగే సుఖములను దు:ఖములను అనుభవిస్తున్నాడు._*

*_మనుషులకు పుట్టుకతోనే రాగద్వేషములు, ఇష్టాఇష్టాలు, సుఖదు:ఖాలు సంక్రమిస్తాయి. ఇవి అన్నీ ప్రకృతిలో ఉన్న సత్వ, రజస్, తమో గుణముల సమ్మేళనమే. ఇవి అన్నీ చేరి ఆత్మకు, మనసుకు మధ్య అడ్డుగోడలా నిలుస్తాయి. దానినే వ్యామోహము, మాయ, అజ్ఞానము, తెలియని తనము అంటారు._*🙏🙏🙏

*_ఆ కారణం చేత మానవులు తమ జీవితమంతా ఈ ద్వంద్వాలలో పడి కొట్టుకుంటూ, తమలో ఉన్న ఆత్మస్వరూపమును గురించి తెలుసుకోలేక పోతున్నారు.*🙏🙏🙏

*తమలో ఉన్న ఆత్మానందాన్ని విడిచిపెట్టి, సుఖం కోసం, ఆనందం కోసం బయట వెతుక్కుంటూ ఉంటారు._*

*_సామాన్య మానవుడు ధనంలో, ఆస్తిలో, బంధువులలో, పరాయి స్త్రీలసంగమంలో, పదవిలో, ఇలా రకరకాలుగా బయట ఉన్న ఆనందాని కొరకు నిరంతరం వెతుకుతూనే ఉంటాడు. వాటి కోసం నానాపాట్లు పడుతుంటాడు._*

*_సుఖం కోసం పరుగు.*

 *దు:ఖాన్నుండి తప్పించుకోడానికి పరుగు.*

*పదవి కోసం పరుగు.*

 నిరంతరం పరుగెడుతూనే ఉంటాడు. ఈ *పరుగులో పడి పరమాత్మను తెలుసుకోలేక పోతున్నాడు.*

*దీనినే “ద్వన్ద్వమోహేన" అంటే ద్వంద్వాల వల్ల కలిగే మోహం._* అంటారు 

*_ఇది సామాన్యమైన మోహం కాదు. దట్టమైన మోహం. ఈ మోహానికి తగ్గట్టు అన్నీ నేనే చేస్తున్నాను అనే అహంకారం ఒకటి. దీనితో పాటు లెక్కలేనన్ని కోరికలు. వాటిని తీర్చుకోడానికి అడ్డమైన పనులు చేయడం._*

*_అవితీరకపోతే కోపం. ద్వేషం, పగ, మనసు అల్లకల్లోలం కావడం. అటువంటప్పుడు ఎలా ఏకాగ్రత కుదురుతుంది. ఏకాగ్రత లేనిదే ధ్యానం కుదరదు. ధ్యానం చేస్తేనే కానీ ఆత్మస్వరూపం అర్థం కాదు. కాబట్టి చూచిందల్లా నాదవ్వాలి అనే కోరికలను వదిలిపెట్టాలి._*🙏🙏🙏

*_దీని తరువాత వచ్చేది ద్వేషము. తనకు ఇష్టంలేని వస్తువుల మీద, మనుషుల మీద ద్వేషం పెంచుకోవడం. ఆ ద్వేషము కోపంగా మారుతుంది. ఆ కోపంతో కలిగే విషపరిణామాలు మనం చెప్పుకున్నాము. కోపం వలన సమ్మోహము, దానివలన స్మృతి విభ్రమము కలుగుతుంది. దాని వలన బుద్ధినాశనం అవుతుంది. తుదకు జరిగేది సర్వనాశనం.అందుకేఇచ్ఛాద్వేషములు అనే ద్వంద్వములను వదులుకోవాలి అని పరమాత్మ చెప్పాడు._*🙏🙏🙏

*_ఇవన్నీ కూడా పుట్టుకతోనే వస్తాయి. మధ్యలోరావు. పూర్వజన్మ సంస్కారం వలన వస్తాయి. వాటిని అధిగమించడానికి ప్రయత్నించాలి కానీ వాటి వ్యామోహంలో పడి పోకూడదు. వివేకం పెంపొందించుకోవాలి !_*🙏🙏🙏

*ఆత్మ జ్ఞానం ఆత్మ జ్ఞానం ౹ మోక్ష మార్గం ౹ సృష్టి రహస్యం ౹ ఏడు జన్మలు ఏమిటి ?*

*నేను అంటే ఎవరు ? మరి అన్ని దేహాలలో వున్న ఏకైక ఆకారం లేని “చైతన్యానికి” నేనువేరు వాళ్ళు వేరు అనే భేదం ఎక్కడుంటుంది. ఆకారం లేనిదంతా ఒక్కటే అని గ్రహించడమే ముక్తి.*🙏🙏🙏

అలా కాకుండా ఈ శరీరం ‘నేను’ తదితర శరీరాలు ‘ఇతరులు’ అని భావించేదంతా అజ్ఞానం చేత మానవుని మనసులో ఏర్పడిందే తప్ప అది సత్యం కాదని గ్రహించాలి. ఒక గ్రామంలోని గృహాలను చూసినప్పుడు ఇది పుల్లయ్య గృహం, ఇది ఎల్లయ్య గృహం, ఇది బలరాముడి గృహం అని చెప్పుకుంటాం. అంతేగాని ఆ గృహాల పైన ఉన్న ఆకాశాన్ని చూపించి ఇది పుల్లయ్య ఆకాశం, ఇది ఎల్లయ్య ఆకాశం, ఇది బలరాముని ఆకాశం అని చెప్పలేం కదా!ఎందుకంటే గృహాలకు ఆకారం ఉంది. ఆకారాల మధ్య భేదం ఉంది.

భేద దృష్టిని అనుసరించి ఆకారాలను చూసినప్పుడు ఇది ఎల్లయ్యది, ఇది పుల్లయ్యది అని భావిస్తున్నాం. ఆకాశానికి ఆకారం లేదు. ఆకారం లేనిదానికి భేదం ఎక్కడుంటుంది?భేదం లేనప్పుడు ఇక ఇది అతడిది అది ఇతడిది అనే విభజన ఎలా చెయ్యగలం. *భేదం లేనిదంతా ఒక్కటే అని గ్రహించడమే జ్ఞానం.*

*మరి మనిషి అంటే ఆకారం లేని ‘ఆత్మచైతన్యం’ అయినప్పుడు మనిషికి మనిషికి మధ్య భేదం ఎక్కడుంది?అజ్ఞాన దృష్టిచే అనేకంగా కనిపించేదంతా వాస్తవానికి అనేకం కాదు అంతా ఒక్కటే అని గ్రహించడమే జ్ఞానం.అట్టి దృష్టి పరమ పవిత్రం. మంగళకరం...*🙏🙏🙏 

*కాబట్టి ఈ ప్రపంచమంతా అజ్ఞాన దృష్టికి అనేక శరీరాలుగాను ఆకారాలుగాను కనిపించవచ్చుగాని వాస్తవానికి అన్నింటిలో వున్నది ఏకైక నిరాకార“చైతన్యమే” అని గ్రహించడమే సత్య దృష్టి..*

ఈ ప్రపంచంలో 

ఎవరు ఆనంద స్వరూపుడు అంటే,  

*కేవలం తనను తాను తెలుసుకున్న వారు మాత్రమే.*

*నిత్య ఆనందం ఆయనకే ఉంటుంది.*

*బ్రహ్మానందం ఆయనకే సొంతం.*

*నిత్య తృప్తి అనే పదం ఆయనకే చెందుతుంది.*

*(ఆయనే సర్వజ్ఞాని)*🙏🙏🙏

*ఈయన ఏదో ఉండడం వల్ల ఆనందంగా ఉండడు.*

*ఈయన ఏదో దక్కడం వల్ల తృప్తి చెందడు.*

*ఈయన ఏది ఉన్న ఏది లేకున్నా నిత్యం ఆనందంతో తృప్తితో ఉంటాడు.*

కానీ మామూలు మనుషులు అలా కాదు 

*ఏదో ఉంటేనే సంతోషంగా ఉంటారు. ఏదో ఉంటేనే ఆనందంగా ఉంటారు. ఏదో లేకపోతే దుఃఖంతో బాధతో ఉంటారు.ఒకదానిమీద ఆధారపడేవారు మామూలు మనుషులు.*

*ఏది లేకున్నా నిత్యం ఆనందంతో తృప్తిగా ఉండేవారు మాత్రమే జ్ఞానులు*🙏🙏🙏

 *అందుకొరకే   మిమ్మల్ని జ్ఞానులు అవ్వండి అని     మొత్తుకునేది.*

*మీకు జ్ఞానం కలుగుతే*

*మీరు ఇక జీవితంలో దేనికొరకు ఆరాటపడరు.  పోరాటం చేయరు.* 

*దేహ భావన విడవండి*

 *ఆత్మజ్ఞానులు కండి*🚩

🕉️ *సర్వేజనా సుఖినోభవంతు*🕉