కైతదార్లు

 *కైతదార్లు*

ఏశంమారి మోసంనేర్సి

బాస రుసి మార్న నాల్కె బొంకుడు నేర్సి

బదలు దెచ్చుకున నవ్వులు కుండపోతోలె కుర్సి

ఆపచ్చన పెర్గిన మతి

కుతిదీరక పొగడ్తల ఊదుపొగ శాల్వలకు మరిగి

కైత రాతలన్ని సట్టకాతైంది

కైకిలి కవనదార్లకు గిట్టుబాటైదిగాని

జాతి  గోస గాసాన్ని ఉద్దెరకే కుద్వబెడ్తన్లు

ముసల్తనాన్కి మీసాలకు రంగేసి

వయ్సిమీద బమను బైటవడకుండ

పెండ్లి సుాపులమురిపెం

అసలు బత్కు రాతలు పట్నం వల్సల పురిటినొప్పులు

చీకటి కాల్చె పొద్దుకొర్రయి పుట్టుకను తేలకుంటజేసి

పల్సబడ్డ పొత్తం సెత్రికింద సలికి వన్కుతుండ్రు

 సక్కదనపు కోడల్కు ఊరుకప తిరిగి పోవాలని నీతిజెప్పి

అత్త పట్నంతీర్న సింగారానికోయినట్టు

బుద్ధిగల్లెద్దు సేంన్లవడి కోతకచ్చి పంట కడ్పునిండమేసిందంట

పిర్రలొత్తకపోని మెత్తసీటుకింద ముండ్లుగుచ్చినని తంతె మీదున్నోని ఎతలే కత లని రాతరాస్తుండ్రు కైతదార్లు

దొరగడీలెక్కున్న అపార్ట్మెట్ల బవంతుల బజనెంతకాలం 

బజార్నపడ్తేంది బల్మీటికైనా పట్నం బాసింగంనిడ్సి

పల్లెబత్కుచరితరాయి

పుట్లకొద్ధి లైకులు పొతం పంటకో గిట్టుబాటు రాకున్న సాహిత్యసాగుదారివైతవు సాలు కైతదారి

డా.మహేందర్ కట్కుారి