🌹☘️🌹☘️🌹☘️🌹☘️🌹

*శివుడికి శిరస్సుపై చంద్రరేఖ ప్రసిద్ధం. కాని సరస్వతీ  దేవికి నెత్తిపయిన చంద్రరేఖ ఉందని శంకరులు ఎందుకన్నారు?* 

*జవాబు* 

*శివుడు చంద్రరేఖను (శాశ్వతమైన కళ) ధరించడం ద్వారా కాలాతీతమైన స్వరూపాన్ని పొందినవాడని చెప్పబడింది*.

*ఆయన అమృతత్వం, సమస్త జ్ఞానం ఇవ్వగలిగినవాడు, సాక్షాత్తుగా పరతత్త్వమై నిలబడినవాడు.*

*కాలం యొక్క స్వభావం:*

*కాలంలో వచ్చిన ప్రతి వస్తువు పడిపోతుంది* *(నశిస్తుంది) మరియు అది కాలాతీతంగా ఉండదు*.

*ఉదాహరణకు, శంకరాచార్యులవారి ఉపాధి (శరీరం) 32 సంవత్సరాలకే వెళ్లిపోయింది*.

*ఉపాధి కాలంలో వస్తుంది, కాబట్టి కాలంలో వెళ్లిపోతుంది*. *అయినప్పటికీ, వారు ఆత్మగా ఎప్పుడూ ఉంటారు*.

*చంద్రరేఖ - కాలానికి గుర్తు*:

*శుక్లపక్షంగా, కృష్ణపక్షంగా నడిచే కాలానికి ఆధారం* *మరియు గుర్తు ఈ చంద్రరేఖ*.

*పరమశివుడు ఆ చంద్రరేఖను ధరించడం ద్వారా, నశించిపోయే కాలానికి అతీతమైన స్థితిని సూచిస్తాడు*.

 *"శరజ్జ్యోత్స్నాశుద్ధాం శశియుతజటాజూటమకుటామ్"   ( సౌందర్యలహరి 16 వశ్లోకం)   అనే వాక్యం ద్వారా సరస్వతీ దేవి కూడా పరమశివుడిలాగే తన జటాజూటంలో (కొప్పులో) నెలవంకను ధరించి ఉంటుందని  శంకరులు చెప్పారు*. 

 *సరస్వతీదేవి పేర్లలో శారద అనే పేరు* *శంకరాచార్యులవారికి పరమప్రీతికరమైనది*.

 

*శంకరులు స్థాపించిన పీఠాలకు కూడా శారదా పీఠాలు అనే పేర్లు పెట్టారు. ఉదాహరణకు, శృంగేరి పీఠానికి శారదా పీఠం అనే పేరు ఉంది*

.

*శంకరులు సాధారణంగా సరస్వతీదేవిని శారదా, శారదా అని సంబోధిస్తూ ఉంటారు*

.

 *ఉత్తర భారతదేశంలో కొందరు 'శారద' ను 'సారద' అని పలుకుతారు* 

 *ఈ ఉచ్చారణ కూడా ఒక విధంగా యథార్థమే అని పరమాచార్యులవారు (మహాస్వామివారు) వివరించారు*.

*'సారద' అంటే: 'సార ద' అంటే జ్ఞానాన్ని ఇచ్చే తల్లి (సారమును ఇచ్చేది)*. *అందుకని ఆవిడ శారద*.

*అటువంటి శారదను ఎలా ఉపాసన చేయాలో, ఆమె అనుగ్రహం ద్వారా* *జ్ఞానమెలా పొందాలో చెప్పడానికి, శంకరులు ఆ సరస్వతీదేవి స్వరూపాన్ని శరజ్జ్యోత్స్నాశుద్ధాం శశియుతజటాజూటమకుటామ్ అను  శ్లొకంలో మనముందు ఆవిష్కరిస్తున్నారు.*🙏🙏