గురువు ఎలా వుండాలి???

 గురువు ఎలా వుండాలి???

బ్రహ్మ సాక్షాత్కారానికి భగవన్నామమే చాలు, కానీ   భక్తి లేనిదే నామస్మరణ వల్ల లాభం లేదు...

భగవంతుని గురించి ఆలోచించాలి, సిరి సంపదలు, పేరు ప్రతిష్ఠలు, ఇవన్నీ అల్పమైనవిగా తెలుసుకోవాలి... 

త్రికరణ శుద్ధి గా దైవాన్ని నమ్మాలి... 

రామకృష్ణ పరమహంస, రాణీ రాసమణీ దేవిని, తమ ఉపన్యాసము శ్రధ్ధగా విన లేదని, సభలోనే, చెంపదెబ్బ కొడతారు... "ఇక్కడ నీ కోర్టు విషయాలు ఆలోచించకూడదు" , ఇక్కడ కూర్చుని వింటున్నట్లు నటిస్తున్నావని ఆమెను మందలిస్తారు...

రాసమణీదేవి తన తప్పు తెలుసుకుంది, ఆయన తన అతీంద్రియ శక్తితో తన మనస్సును పుస్తకంలా చది వారని తెలుసుకుంది...

తనలో పరివర్తన కలిగించడం కోసమే, ఈ చర్య తీసుకున్నారని గ్రహించింది...

" ఈనాడు గురువుల చేత ఆధ్యాత్మిక ఉపన్యాసము లిప్పించడం, వారి విద్వత్తును ప్రశంసించి సన్మానించడం పరిపాటి ఐపోయింది...

ఈరోజు పండితులు తమగ్రంధపాండిత్యము ద్వారా కేవలం " ఇన్ఫర్మేషన్ " అందిచ్చవచ్చు, కానీ ఇది ఎంతమంది వింటున్నారు, ఎంతమంది ఆచరిస్తున్నారు, అని ఎవరూ చూడడం లేదు...

అయితే, రామకృష్ణ పరమహంస వంటి జ్ఞానికి" ట్రాన్సఫర్ మేషన్ " కలిగించే శక్తి కూడా ఉంది..." ఈ యుగంలో ఇలాంటి గురువుల అవసరం ఎంతో వున్నది..