శివుడు గొప్పా? లేక విష్ణువు గొప్పా?

 🙏 *శివుడా!! కేశవుడా!!!*🙏

🌺🌺🌺🌺🌺🌺🌺🌺🌺🌺🌺

✳️ సాధారణంగా శివుడు గొప్పా? లేక విష్ణువు గొప్పా? అనే సందేహం లోకంలో కలుగుతూ ఉంటుంది. 

✳️ అందుకు సంబంధించిన ఒక అధ్బుతమైన కధ ఉంది.

అదేమిటంటే....?

✳️ ఒకప్పుడు దేవతలకు "రామేశ్వరం" అనే పదం ఏ సమాసానికి చెందినది అనే సందేహం కలిగింది. 

✳️ *'రామస్య ఈశ్వరః'* అని అంటే రామునికి ఈశ్వరుడు (ప్రభువు) అని అర్ధం వస్తుంది. అది శివాధిక్యం (శివుడే గొప్పవాడని) చెబుతుంది. 

✳️ శివ ధనస్సు విరిచిన రాముడు శివుని కంటే ఏ విధంగా తక్కువ? 

✳️ విష్ణుమూర్తిని అడిగి సందేహ నివృత్తి చేసుకుందాం అని వైకుంఠం వెళ్ళారు దేవతలు. విషయం చెప్పారు, మీరు మరియు శివుడిలో ఎవరు గొప్ప!? అని అడిగారు. 

✳️ దానికి సమధానంగా విష్ణువు ఇంత చిన్న విషయానికి ఇంతదూరం వచ్చారు? ఈ పదాన్ని చూస్తేనే తెలుస్తోంది. *రామస్య ఈశ్వరః, ఈశ్వరుడే రామునికి అధికారి. "నాకంటే శివుడే గొప్పవాడు"* అని అన్నాడు విష్ణువు. 

✳️ ఈ విష్ణువు వినయంతోనో, అహంభావం ఉండకూడదనే ఉద్దేశ్యంతోనో, మొహమాటం తోనో ఇలా చెప్పి ఉంటాడు అని దేవతలు భావించి, తమ సందేహ నివృత్తి కోసం కైలాసానికి బయలుదేరారు. దానికి సమాధానంగా శివుడు ఇందులో సందేహించడానికి ఏముంది? *"రాముడే ఈశ్వరుడుగా గలవాడు అంటే  (విష్ణువు) తనకు అధికారి అని, "విష్ణువు తనకంటే గొప్ప అని అన్నాడు శివుడు"..*

✳️ వీళ్ళిద్దరితో పెట్టుకుంటే కుదరదు అని, దేవతలు బ్రహ్మగారి దగ్గరికి వెళ్ళారుట. వీరి బాధ విన్న బ్రహ్మగారు - *"రామేశ్వరుడంటే రాముడొకడూ, ఈశ్వరుడొకడు అని అర్దం కాదయ్య, రాముడే ఈశ్వరుడు, ఈశ్వరుడే రాముడు"* అన్నారు. 

*విష్ణుస్తత్పురుషం బ్రూతే బహువ్రీహిం మహేశ్వరః |*

*ఉభయోరప్యతృప్తానా మాత్మభూః కర్మధారయమ్ ||*

✳️ అసలు వీళ్ళిద్దరికి బేధం లేదు అని బ్రహ్మగారు సెలవిచ్చారు. 

*శివాయ విష్ణురూపాయ శివరూపాయ విష్ణవే |*

*శివస్య హృదయం విష్ణుః విష్ణోశ్చ హృదయం శివః ||* 

✳️ శివుడే విష్ణువు, విష్ణువే శివుడు, శివుడి హృదయం ఏమిటని పరిశీలన చేస్తే విష్ణువు ఉంటాడు, విష్ణు హృదయాన్ని పరిశీలిస్తే శివుడు ఉంటాడు. అందుకే శాస్త్రం శివుడిని దూషిస్తే అది విష్ణువుకు కోపం కలిగిస్తుందని, విష్ణువును దూషిస్తే, వారు శివుని ఆగ్రహానికి లోనవుతారని చెప్తుంది..✅

✳️ శివుడు, విష్ణువు రెండుగా కనిపిస్తున్న ఒకే శక్తి. ఇద్దరూ ఒక్కటే. శివుడు నిత్యం కళ్ళు మూసుకుని విష్ణువును ధ్యానిస్తే, విష్ణువు నిత్యం 

శివనామస్మరణ చేస్తాడు. 

🙏వారిద్దరిని కలలో కూడా వేరుగా భావించరాదు.🙏

🙏 *సర్వే జనాః సుఖినోభవంతు* 🙏🌺🪷✍️

🌺🌺🌺🌺🌺🌺🌺🌺🌺🌺🌺