సైకిల్ ప్రయాణం

 *సైకిల్ ప్రయాణం*

మనిషి అవసరాలను తీర్చ

మనిషి బుర్రలో తేజమై

పరిశ్రమ కడుపు పేగుబంధమై

పురుడోసుకుంది సైకిల్....

ఒకప్పుడు ఉన్నోడు ఉపయోగించే ఉత్సుకతై

ఇంతింతై ఎదిగి ప్రతి వాడికి నేస్తమై

ప్రపంచమంతా తన బెల్ చప్పుడు మోగించింది సైకిల్...

హట్టహాసంగా ఆరంభమై

అందరి అవసరాల నేస్తమై

చేరువ దూరాలకు చిరునవ్వై

ప్రయాణపు ప్రియబంధువై

సమాజాన చిందులేసింది సైకిల్...

చిన్న పిల్లల లక్ష్య సంపదై 

చదువులో ఆసక్తికి పెంచి

అమ్మ నాన్నల చేత బహుమతిగా

చేరుకుని 

బాల్యానికి బంగారువనమై

ఊరంతా ఉరకలెత్తించే ఉత్సాహపు నది సైకిల్...

కూలోడికి గుడిసెకు 

గుండెకాయై

పనికి దారి చూపి 

పేదరికపు పొట్టనింపిన 

ఆత్మీయ బంధం సైకిల్...

చమురులేకుండా కదిలి

మనిషి ఉత్సుకతే చమురై

ఎన్నో జ్ఞాపకాలను నెమరువేసే నేర్పును ఇచ్చింది సైకిల్...

కాలుష్యపు కోరలను అరికట్టే 

ప్రకృతమ్మ మెచ్చిన విజ్ఞాన యంత్రం 

సైకిల్...

అనారోగాలను తొలగిస్తూ

ఆరోగ్యాన్ని పెంచుతూ

అందరి అభివృద్ధికి 

ఆనందాల తోడై

ఆహ్లాదకర మనుగడకు 

అడుగులను వేయించిన ఇంజనీరింగ్ మంత్రం సైకిల్...

సైకిల్ ప్రతి మనిషిని ముద్దాడిన సత్తువ...

సైకిల్ ప్రతి దేశం దిశాదశను మార్చిన విప్లవ వెల్లువ...

సైకిల్ ప్రతి దగ్గరి దూరాలను, దూరం చేసిన వేకువ...

సైకిల్ తెలిపింది స్వచ్ఛమైన మానసిక ప్రశాంతత విలువ

సైకిల్ కాలుష్య వాహనాల పరుగులో 

చిక్కుకుని పోగొట్టుకుంటున్నది తన తోవ...

నిస్వార్ధ నేస్తమైన సైకిల్

నీతో నా అనుబంధం

మరచిపోలేని జ్ఞాపకం...

నా బాల్యంపాటు నిన్ను పోగొట్టుకున్నా

నా పిల్లల బాల్యాన్ని నీతోనే ఆనందమయం చేయగలను...

కాలంతోపాటు 

మార్పులకు లోనైన సైకిల్ 

కలకాలం నీవు బాగుండు

నీదైన కల్మషం లేని ప్రయాణంతో....

*సైకిల్‌ను వాడిన ప్రతి ఒక్కరికి సైకిల్ దినోత్సవ శుభాకాంక్షలు...*

*అభిరామ్  9704153642*

★★★★★★★★★★★★

*మీకు పుట్టినరోజు మరియు పెళ్ళిరోజు...లేదా సందర్భం ఏదైనా* *కవిత  లేదా వ్యాసం, పాట  వ్యక్తిగతంగా కావాలంటే కింది నా* *నెంబర్ను సంప్రదించగలరు...*

                     *అభిరామ్ 9704153642*

◆◆◆◆◆◆◆◆◆◆◆◆◆◆