ప్రేమ ఎప్పుడూ అద్భుతమే!

💖💖 ప్రేమ ఎప్పుడూ అద్భుతమే!💖💖

💓 అంత అద్భుతమైన భావాన్ని మాటల్లో చెప్పాలంటే కష్టం. ధ్యానం లో ఉన్నప్పుడు మాత్రమే ప్రేమ ను అనుభవించడం జరుగుతుంది.

అవును నిజం. మీరనుకుంటున్న ప్రేమ అసలు ప్రేమే కాదు.ఒకరిని ప్రేమించడం అత్యంత కష్టతరమైనది. ఎందుకంటే ప్రేమించాలి అంటే నేను అనేది చావాలి.

ఓషో అంటారు, ప్రేమించడం అనేది బలవన్మరణం లాంటిది అని. అవును ఒకరిని ప్రేమించడం అంటే పూర్తిగా అహంకారాన్ని వదులుకోవడం అని. ఒకరిని ప్రేమిస్తున్నాను అంటే విశ్వంలో ప్రతీ విషయాన్ని, వ్యక్తిని, ప్రేమించినప్పుడు మాత్రమే అది నిజం. మరి విశ్వం లో ప్రతి దాన్ని పూర్తి ప్రేమతో చూడటం కేవలం ధ్యాన స్థితిలో ఉన్నప్పుడు మాత్రమే సాధ్యం. అదే పూర్తి ప్రేమ, మిగతాది అంతా అహంకారమే.

expectations ఉండటం, ఇలా ఉంటేనే ప్రేమిస్తాను, నేను ప్రేమిస్తున్న కాబట్టి నువ్వు ఇలాగే ఉండాలి, నిన్ను ప్రేమిస్తున్నా అంటూ ఒకరితో చెప్తూ, ఇంకొకల్లని ద్వేషిస్తూ ఉండటం ప్రేమ కానేకాదు, అది అహంకారం మాత్రమే.

అహంకారం ఎప్పుడైతే ఉండదో అక్కడ ప్రేమ, శాంతి నెలకొంటుంది.సంబంధ బాంధవ్యాలు పెరుగుతాయి. నేను, నా ప్రపంచం హాయి హాయిగా, ఆనందంగా ఉంటుంది.

దానికి ఏకైక మార్గం ధ్యానం. ధ్యానం వలన ఆలోచనా విధానం మారుతుంది, దృక్పథం మారుతుంది, మాట మారుతుంది, అహంకారం తొలగిపోతుంది, ప్రేమ పుడుతుంది, అన్నింటి మీద, అందరి మీద, ఎటువంటి అంచనాలు లేకుండా, ఎటువంటి నియమాలు లేకుండా ప్రేమ పెరుగుతుంది, అదే విశ్వ శాంతికి మూలం అవుతుంది.

ఇంత జ్ఞానాన్ని సంపాదించేందుకు కారణమైనది, నన్ను నన్నుగా ప్రేమించే నేను నిన్ను నీలా, నాలా ప్రేమిస్తున్నాను అని చెప్పడానికి గర్వపడుతున్నాను.

ప్రేమించే ప్రతివారు తెలుసుకోవలసిన విషయం ఇది, కృతజ్ఞతలు!!🙏