*ఒకడికి డబ్బు అవసరం వచ్చి అటు ఇటు తిరుగుతున్నాడు ..!* 

అది గమనించిన వేరే వ్యక్తి అతన్ని ఆపి, 

ఒక పరిక్ష పెట్టాడు..!

'' నువ్వు ఈ ఎండలో ఆ బండ మీద 10 నిమిషాలు నిలబడితే 1000 ఇస్తా అన్నాడు కనిపించే ఒక బండను చూపిస్తూ ..!

అవతలి వ్యక్తికి డబ్బు అవసరం గనుక కాళ్ళు కాలుతున్నా సరే అలానే నిలబడ్డాడు..!

అతను ఈసారి 5 నిమిషాలకే 1000 ఇస్తా నిలబడమన్నాడు ..!

వాడు సరే అని కాళ్ళు ఎర్రగా కందిపోతున్నా అలానే నిలుచున్నాడు ..!

ఈ సారి అతను 1 నిమిషానికి 1000 అన్నాడు ..!

అప్పటికే అవసరమైనంత డబ్బు వచ్చేసింది, పైగ స్పృహకోల్పోడానికి సిద్దంగా ఉన్నాడు ‌. అయినా సరే డబ్బు మీదా ఆశతో బలవంతంగా అలానే నిలుచున్నాడు ..!

చివరిగా ఈ సారి సెకనుకి 100000 అన్నాడు ..!

ఒంట్లో శక్తినంతా కూడదీసుకొని నిలబడటానికి ప్రయత్నించి ఆ ఎండ తీవ్రతకు తట్టుకోలేక చచ్చిపోయాడు. . !

అవసరానికి, ఆశకి మధ్య కంటికి కనిపించేంత చిన్న దారం ఒకటి ఉంటుంది., ఆ దారాన్ని మనం సరిగ్గా చూసుకోకుండా దాటామో. .? 

మనల్ని ఇంకెవరో చూసుకోవల్సిన పరిస్ధితి వస్తుంది. . .!

ఒక ముద్దకు మించి మనం నోరు తెరవలేం..!

పాదాలు సాగినంత వరకే మన అడుగులు వేయగలం..!

అలాంటిది మన ఆశను మాత్రం హద్దు ఎందుకు దాటనివ్వాలి ..!

హద్దు లేని ఆశ. , తెడ్డు లేని పడవ కుదురుగా ఉండలేవు ..! ఏదో రోజు మనల్ని ముంచేస్తాయి. . .!!! 😊💐