నిద్రపోవడం అంటే తాను ఉండడం.
మేలుకోవడం అంటే తాను అనేకం అవడం.
వెరసి తానొక్కడే ఉండేది.
"ఒక్కడు"గా ఉండడం ఆనందం. నిద్రలో ఒక్కడుగా ఉన్నప్పుడు ఉన్న ఆనందాన్ని మెలకువలో వెతకడమే "జీవితం" అయ్యింది. మూడూ ఒకటైతే తప్ప సుఖం దొరకదు.
ఈ కొంతే నేను అని ఉన్నప్పుడు నీవు కలలో ఉన్నట్టు.
❤️💖❤️
అంతా నేనే అని ఉన్నప్పుడు నీవు మెలకువలో ఉన్నట్టు.
కల ఉంటే తాను - సర్వసాక్షి, కల లేకుంటే తాను - కేవలసాక్షి.
ఎక్కణ్ణుండి ఏకంగా ఉన్న తాను మూడుగా అయినాడో, మళ్ళీ ఆ కేంద్రానికి చేరుకుని "ఒకటి" అయితేగాని ఆ "హాయి" అనేది, సుఖం అనేది అనుభవానికి రాదు. గాఢనిద్రే ఆ కేంద్రం.
మెలకువ అనేది పరిధి.
నువ్వు దేనినైతే మనస్సు అంటున్నావో అది సాక్షాత్తు ఆత్మయే.
నువ్వు దేనినైతే ప్రపంచం అంటున్నావో అది సాక్షాత్తు బ్రహ్మమే.
నువ్వు మార్చవలసిందిగాని, రిపేర్ చేయవలసిందిగాని ఏమీలేదు.
నువ్వు పోగొట్టుకోవలసిందిగాని, పొందవలసిందిగాని ఏమీలేదు.
No comments:
Post a Comment