****కుండలిని సిద్ధ మహా యోగము🌹: నా ఆజ్ఞా చక్ర అనుభవాలు, అనుభూతులు

 🌹కుండలిని సిద్ధ మహా యోగము🌹:

నా ఆజ్ఞా చక్ర అనుభవాలు, అనుభూతులు

మూలం : కపాల మోక్షం అనే మోక్ష సాధనా గ్రంథం

అనుభవం , అనుభూతి : శ్రీ పవనానంద సరస్వతి

...ఈ చక్రానుభవాలు, ఈ దైవికవస్తువులు అనేవి మీకు మీ చక్ర సాధనను బట్టి వస్తాయి. చక్ర ఆరాధన అనగా... నిరాకార ఆరాధన అయితే మీకు ఈ చక్రానుభవాలు మాత్రమే కలుగుతాయి, అదే మీది విగ్రహారాధన అయితే ఈ చక్రానుభవాలతోపాటుగా ఈ చక్ర దైవికవస్తువులు వస్తాయి. లేదా ఈ వస్తువులున్న క్షేత్ర దర్శనాలైన కలుగుతాయని గ్రహించండి. కాని తప్పని సరిగా ఈ చక్రానుభవముతోపాటుగా, ఈ చక్రదైవిక వస్తువు ఏదో ఒకటి తప్పని సరిగా సాధకుడు పొందవలసి ఉంటుంది. ఈ చక్రానుభవాలు అలాగే ఈ చక్ర దైవికవస్తువులు అనేవి మీ గతజన్మ సాధన బట్టి ఈ చక్ర జాగృతి, శుద్ధి, ఆధీన, విభేదనలకి సంబంధించి ఆయా సాధన స్ధితిని బట్టి వస్తాయని సాధకులు గ్రహించగలరు.

డిసెంబరు 6: ఈ రోజు నుండి ఆజ్ఞా చక్ర ధ్యానం చేయటం ఆరంభించాను.నా దృష్టి అంతా భృకుటి స్థానం మధ్యలో వుంచి ధ్యానం చేయమని నా గురుదేవుడు చెప్పినారు.

 

డిసెంబర్ 12: అనుకున్నంతగా నేను ధ్యానం చేయటం లేదని,  సరియైన ఏకాగ్రత కోసం నా నాసికాగ్రము మీద దృష్టి ధ్యానము చెయ్యమని మా గురుదేవులు చెప్పారు.

 

డిసెంబర్ 18: ఆయనేమో నాసికాగ్రం మీద ధ్యానము చేయమంటే నేను నాసికా రంధ్రాలు ఉన్నచోట దృష్టి పెడుతున్నాను అని అది తప్పు అని నాసికాగ్రం అంటే ముక్కు మొదలు అయిన భృకుటి స్థానం అని మా గురువులు చెప్పేదాకా నాకు తెలియ రాలేదు.

డిసెంబర్ 25: ఈ రోజు ఉన్నట్టుండి నాకు విపరీతమైన కామోద్రేకం కలిగినది. కారణం తెలియరాలేదు. ఈ రోజంతా ప్రతి చిన్న విషయానికి నా మర్మాంగం ఉద్రేకము చెంది ఇబ్బంది పెడుతూనే ఉన్నది.

డిసెంబరు 27: మూలాధార చక్రములో ఎలా అయితే అధిక కామోద్రేకాలు కల్గినాయో అలాంటివి కలుగుతున్నాయని నాకు అనిపిస్తుంది.నా సాధన ముందుకి వెళుతుందా క్రిందకి వెళుతుందా ఎవరికి ఎరుక ! 

జనవరి 18: ఈరోజు నాకు ధ్యానంలో పాములు కాపలా కాస్తున్న గుప్తనిధులు కనిపించాయి. అవి నిజమేనా. ఏమో ఎవరికి తెలియాలి....!

జనవరి 20: ఈ రోజు నాకు ధ్యానంలో గుప్తనిధుల కాపలా కాస్తున్న తాంత్రిక దేవతలు కనిపిస్తున్నారు. కారణం తెలియదు....!

జనవరి 22: ఈ రోజు నాకు మణులను మణికాంతులను ఇస్తున్నఒక పెద్ద భోషాణము లీలగా విచిత్రంగా ధ్యానమునందు కనిపించినది. ఇది నిజమేనా?

జనవరి 25: నాకు కలిగే అనుభవాలు గూర్చి గురుదేవుడిని అడిగినప్పుడు... “నాయనా! ఇవి అన్నియు కూడా ఆజ్ఞా చక్ర జాగృతి అనుభవాలే. అలాగే వీటి మాయలో అనగా కామమాయ, ఐశ్వర్యమాయ, గుప్త నిధులు మాయలో నీ మనస్సు పడుతుందా లేదా అని ప్రకృతి నీకు యోగ పరీక్షలు పెడుతుందని గ్రహించు. అలాగే ఈ చక్రమునకు అనుసంధానంగా మూలాధార చక్రం ఉంటుందని గ్రహించు. అందులో మానవ సంబంధాలు ఉన్న నగ్న స్త్రీలు కామమాయ పెడితే ఈ చక్రము నందు నగ్న దేవతా స్త్రీలు అనగా రంభ, మేనక, ఊర్వశి, లజ్జా గౌరి ...ఇలాంటి వారు కామ మాయ పరీక్షలు పెడతారని గ్రహించు. వీరిని చూస్తూ కలలో కూడా నీవు వీర్యస్కలనం కాకుండా చూసుకోవాలి. లేదంటే నీ కుండలినీ శక్తి మణిపూరక చక్రము దగ్గరికి వెళ్లి పోతుందని గ్రహించు.  

మార్చి 16: ఈ రోజు రాత్రి మేడ మీదకి వెళ్ళి పడుకోగానే, ఉగ్ర స్వరూపముగా నా గుండెల మీద త్రిశూలముతో పొడుస్తున్న ఒక దివ్య దేవతా స్వరూపము కనపడినది. 

మార్చి 22: ఈ రోజు ఎందుకో దుర్గా యంత్రమును పూజ చేస్తుంటే నా భృకుటి స్థానము నుండి వేడి వేడి ఆవిర్లు బయటికి వస్తున్నట్లుగా విపరీతంగా అనిపించసాగింది.

ఏప్రిల్ 10: ఈరోజు విచిత్రంగా నా శరీరము నుండి వేడి వేడి ఆవిర్లు తో నా శరీరము ఉడికిపోయింది. యంత్ర శక్తిని నా శరీరము తట్టుకోలేకపోతుందా ! ఏమో....!

ఏప్రిల్ 15: ఈరోజు జ్వరం తగ్గించే టాబ్లెట్లు పది వేసుకున్న కూడా నాకున్న వేడి ఆవిర్లు తగ్గటం లేదు. పైగా నోటిలో తెల్లని పొక్కులు కూడా వస్తున్నాయి. మాట స్పష్టంగా రావడం లేదు. గొంతు నొప్పిగా ఉంది. విపరీతమైన తలపోటుగా ఉంది.

ఏప్రిల్ 20: ఈరోజు నాకున్న శరీర ఈతి బాధలు గురించి మా గురుదేవులకి చెప్పేసరికి “నాయనా! ఈ శరీర నొప్పులు ప్రారంభమైతే నీకు ఆజ్ఞా చక్ర శుద్ధి ఆరంభమైనట్టే. గత జన్మలో నీవు చేసిన పాప కర్మల వలన ఈ బాధలు కలుగుతున్నాయి.

 వీటి నివారణ కోసం శరీరానికి విభూది లేదా గంధము బాగా పట్టించాలి. మల్లెపూలు వాడాలి లేదా సుగంధ పువ్వుల మాల వేసుకోవాలి. పంచలోహ నిర్మిత కడియము వేసుకోవాలి. స్వచ్ఛమైన స్పటిక మాలలు ధరించాలి. అప్పుడే ఈ ప్రకృతిలోని పంచభూత శక్తులు నీ మీద ప్రభావం చూపటం తగ్గిస్తాయి. వీటి ఆధీనము కోసము వీటి ప్రభావము నీ మీద ఉండకుండా ఉండటానికి నీవు నాలుగు ఉప చక్రాలు అయిన గుణ, కర్మ, కాల, బ్రహ్మ చక్రాల సాధనలను తాంత్రిక విధానంలో చేయాల్సి ఉంటుంది. దీనికి తాంత్రిక స్త్రీ మూర్తిని ఒక గురువుగా ప్రకృతి ఏర్పాటు చేస్తుంది. ఈమెకి నీవు యోని పూజ చేసి ఆమె కామమాయ దాటితే ఉప చక్రాలు ఆధీనమై ఈ ప్రకృతి మాత సాక్షాత్కారమవుతుంది.ఆపై ఒక సద్గురువు దర్శనము పొందాల్సి ఉంటుంది. ఇది ఎందుకు ఏమిటి అనేది ఆ స్త్రీ  వచ్చినప్పుడు నీకు చెబుతాను.

అప్పటిదాకా విభూది పూసుకో” అని చెప్పినారు.

 ఏప్రిల్ 28:ఈ రోజు నాకు ధ్యానమునందు ఉండగా నోటి నుండి పులి గాండ్రింపు శబ్దం రావడం గమనించాను. విచిత్రంగా అనిపించింది...!

మే 2: ఈ రోజు కూడా నా నోటి నుండి జంతువుల అరుపులు వచ్చినాయి. ఎందుకో...!

మే 10: ఈ రోజు కూడా నా నోటి నుండి రకరకాల జంతువుల అరుపులు వచ్చినాయి. ఈ శబ్దాలకి నాకు ధ్యానము భంగం అవుతోంది.ఈ మధ్య తరచుగా నా నోటి నుండి జంతువుల అరుపులు వస్తున్నాయి. కారణము తెలియరాలేదు....

మే 18: ఈ జంతువుల అరుపులుకి నా చుట్టూ ఉన్న వాళ్ళు భయపడుతున్నారు. అచ్చముగా వాటిలాగానే నేను అరుస్తున్నానని నాకు చెబుతుంటే నాకు సిగ్గు, భయం కలుగుతున్నాయి.

మే 20: ఈ రోజు మా గురుదేవుని కలిసి నా నోటి నుండి వచ్చే జంతువుల అరుపులు గూర్చి అడగగా...

 “అవియు నా గత జన్మ సంస్కారాలని ఆయా జన్మలు అంతరించి పోయేటప్పుడు ఇలాంటి శబ్దాలు రూపంలో వస్తాయని వాటి గూర్చి కంగారు పడవద్దు” అని చెప్పినారు.

మే 25: జంతువుల అరుపులు ఆగటంలేదు. నా ధ్యానము ఆగటంలేదు. విచిత్రంగా ఉంది.