*"త్రికరణశుధ్ధి లోపం కూడా ఒక పాపమే!!..."*

ఒకానొక సమయంలో ఆది శంకరుడు దిగ్విజయ యాత్ర సలిపి, పుణ్య క్షేత్ర మైన కాశీ పట్టణాన్ని చేరుకున్నాడు.

    అక్కడ కాశీ విశ్వనాథుని ప్రార్ధించాడు. 

    ఏమని? - "  ఈశ్వరా, నాపాపములను పరిహారం కావించుకునే నిమిత్తమై, నేను ఇక్కడకు వచ్చాను. " అన్నాడు. " 

    ఆదిశంకరులు సాక్షాత్తు పరమేశ్వర స్వరూపులుకదా! ఏమి పాపం చేశాడు? ఈయన 

    ఆధ్యాత్మిక మార్గంలో  జీవితాన్ని సార్థకం చేసుకున్నారు కదా! ఈయన పాపం చేయటమేమిటని? " శిష్యులు అనుకున్నారు. 

    "నేను మూడు పాపములు చేశాను.!శంకరా ,అవి పరిహారము గావించుకొనుటకు వచ్చాను. " అన్నాడు. 

*మొదటి పాపము-*

     భగవంతుడు మనస్సు కు వాక్కుకు అతీతమైన వాడని  తెలుసుకుని, ఆచరణలో   పెట్టలేక  పోయాను... నిన్ను వర్ణింప డానికి ప్రయత్నిస్తున్నాను. 

తలచి నది, చెప్పి నది వేరు వేరు గా ఉండటం చేత అది పాపమే, ...! అన్నాడు. 

    *మరి రెండవ పాపం -*

" ఈశా వాస్య మిదం సర్వం, " వాసుదేవ స్సర్వమిదం" అని చెబుతున్నాను, విశ్వసించాను, కానీ, నిన్ను దర్శించడానికి కాశీ వచ్చాను. 

    నేను చెప్పే దొకటి, తలచేదొకటి, చేసేది వేరొకటి, ఇది కూడా పాపమే కదా".... ! 

    *ఇంక మూడవ పాపమే మిటి?* 

" నీయందు, నాయందు ఉన్నది ఒకే ఆత్మ. 

ఏకాత్మ సర్వభూతాంతరాత్మ ". దీనిపై నాకు విశ్వాస ముంది. 

నీవు, నేను ఒకటే అని  విశ్వసించి ఉపన్యాసాలు చేశాను. 

కానీ నిన్ను భిన్నంగా చూస్తున్నాను, ఇది మూడవ పాపం. 

     ఈ మూడు పాపాలను పరిహారం చేసి నాకు అద్వైత త త్వాన్ని ప్రసాదించు, అని కోరాడు. 

    చూశారా...! పాపమంటే కేవలం పరులను నిందించడం, పరులను దూషించడం, మాత్రమే కాదు. 

    తలచి నది ఒక్కటి, చెప్పడం మరొకటి, చేయడం వేరొకటి -- ఇదే పాపము. 

    మానవుని ఉన్నత స్థాయికి తీసుకుపోయేదీ, అధో స్థాయికి  నెట్టునదీ కూడా మనస్సే. కనుక మనస్సు ను స్వాధీనము చేసుకోవాలి. 

      _Be a master mind_

              *_☀️శుభమస్తు☀️_*

 🙏సమస్త లోకా సుఖినోభవంతు 🙏సేకరణ భక్తీడిభేట్ BD బూరుగు దశరదకుమార్