*పిండప్రదానం అందరూ చేయవలసిందేనా?*

‘‘నాకు బ్రాహ్మణులు అంటే అసహ్యం. వారు డబ్బు మనుషులు. డబ్బు కోసం పీక్కు తింటారు. కనుకనే చాలా మంది ఇతర మతాల్లోకి వెళిపోతున్నారు. చనిపోయిన వారి పేరుతో డబ్బులు వసూలు చేసుకునే దోపిడీ దందా వారిది. చచ్చినోళ్ళు మనం పెట్టే పిండాలు తింటారా? కాకులకు పెడితే పోయినోళ్ళకు ఎలా చెందుతుంది? కాకులు కన్నా రాబందులు గద్దలు ఆకాశంలో ఎక్కువ దూరం ఎగురుతాయి. ఇవేం నరకం వరకూ ఎగరవు. మీరు చెబుతున్న పితృదేవతార్చనపై మాకు నమ్మకం లేదు. మీ దగ్గర సహేతుకమైన వివరాలుంటే చెప్పమని సవాల్ చేస్తున్నాము‘‘ అని ఒకరు గురుదేవులను సవాల్ చేయడం జరిగింది.

గురుదేవులు ఆంధ్రవ్యాస ఏలూరిపాటి అనంతరామయ్యగారు వారిని ముందుగా కూర్చోమని బంట్రోతు చేత కాసిని నీళ్ళు తెప్పించి తాగమని అన్నారు. ఆ తరువాత ఆతని వివరాలు కనుక్కున్నారు. ఆ వ్యక్తి రాబోయే ముందుగా తాను చేస్తున్న పని ముగించిన తరువాత ఈ విధంగా చెప్పారు.

‘‘బ్రాహ్మణుల గురించి మీరు అన్నవాటికి సమాధానం చివరిగా చెబుతాము. ఇక చనిపోయిన వారికి పిండములు పెట్టాలా? అని అన్నారు. మాకు తెలిసినంత వరకూ, మా పురాణపీఠ పరిశోధనల వరకూ తన మన భేదం లేకుండా అందరూ చనిపోయిన పితరులకు పిండప్రదానం చేయవలసిందే. ఇందులో ఎటువంటి సందేహం లేదు.

పిండప్రదానం 5 విధాలుగా ప్రధానంగా ఉంటుంది. అది చనిపోయిన వ్యక్తి 12 రోజులలో చేసే పెద్దకర్మలు మొదటి పిండ వర్గంలోకి వస్తాయి. దాని తరువాత ఏడాది పూర్తి అయినప్పుడు చేసే సపిండీకరణం రెండవ వర్గ పిండదానం. దాని తరువాత ప్రతీ ఏడాది తెలుగు పంచాంగం ప్రకారం ఆ చనిపోయిన తేదీన పెట్టేది నైమిత్తిక పిండం. ఇది మూడో వర్గం. అంటే ప్రతీ ఒక్కరూ ప్రతీ ఏడాదీ పెట్టి తీరవలసినది. ఇది కచ్చితంగా ఆరోజునే అందరూ చనిపోయిన వారికి పెట్టి తీరవలసినది. దీనికి మినహాయింపు ఎవరికీ లేదు. ఆ తరువాత కొన్ని ముఖ్యమైన రోజులలో పెట్టాలి. అంటే పితృపక్షాలు అనే పితరులు భూమి మీదకు వచ్చే రోజుల వంటివి. అలాగే షణ్ణవతులు అనే 96 రోజులుపైగా ఉన్నరోజులు. ఇవన్నీ ముఖ్యమైన రోజులే. అందరూ తమ పెద్దలకు పిండప్రదానం చేసి తీరాలి. ఇక ఐదోవర్గంలో ఉన్నవి కామ్యపిండప్రదానాలు అంటారు. అంటే మనం క్రీస్తును, అల్లాను, రాముడు కృష్ణుడు వంటి వారిని పూజించినట్టుగా మన పెద్దలను మనం పూజించాలి. మనకు ఉన్న కోరికలు తీర్చే బాధ్యత ఈ క్రీస్తు, అల్లా, రాముళ్ళకు లేదు. మనం పుట్టడానికి ప్రత్యక్షకారణం అయి రక్తమాంసాల దేహం ఇచ్చేవరకూ విస్తరించి ఉన్న పితృదేవతా డిపార్టుమెంటు పని మనం కోరే కోరికలు తీర్చడం అనే ప్రధాన బాధ్యత. ఈ పరలోక ప్రభువులు రామకృష్ణాదులు అంతా జగత్తుకు పితరులు. ఈ భేదాన్ని అంతా తెలుసుకోవాలి. 

కనుక మన కోరికలు తీరాలంటే అర్చించాల్సింది ఇచ్చే అధికారం ఉన్న పితరులను కానీ ఇతరులను కాదు. ఏ విధంగా అర్చిస్తే వీరు కోరిన కోరికలు ఇస్తారు? అంటే దీనికి శాస్త్రం కొన్ని విధి నిషేధాలను చెప్పింది.

అశరీరులు, అయోనిజులు అయిన దేవతాదులను పూజించే విధానం వేరు. అంటే పరమేశ్వరుడు యోని సంభవుడు కాదు. ఓంకారవ్యక్తరూపుడు. కేవలం లింగస్వరూపుడు. ఆయన పుట్టలేదు. కనుక గిట్టడం అనేది లేదు. ఆయన కేవలం ఉద్భవించాడు. ప్రభవించాడు. అంటే సూర్యుడు ప్రతీ రోజు పుట్టడం లేదు. భూమి తిరుగుతూ ఉండడం వలన సూర్యుడు ఉదయిస్తున్నాడు అని మనం అనుకుంటున్నాము. కానీ ఆయన సుస్థిర స్థానంలో ఉన్నాడు. కానీ మనమే వెలుగూ చీకట్లు పొందుతూ సూర్యుడు ఉదయిస్తున్నాడు, అస్తమిస్తున్నాడు అనుకుంటున్నాము.

దేవతామూర్తులు కూడా ఈ విధంగా ఉన్నవారే. అయితే వీరికీ పరమేశ్వరుడికీ ఉన్న తేడా జన్మించడం దగ్గర ఉంది. మహేశ్వరుడు వ్యక్తం అయ్యాడు అంతే కానీ విష్ణువు నుంచీ ఇతరులు ఆయన నుంచీ జన్మించిన వారు. సృష్టికోసం, పోషణ కోసం వారిని తన సహాయకులుగా జన్మనిచ్చాడు. వీరంతా మనలాగా యోని సంభవులు కాదు. కనుక వారిని ఎలా అర్చించాలి అనే విధానం పూజా విధానంగా ఉంది.

ఇక రక్తమాంసాలతో జన్మించిన వారిని ఎలా పూజించాలి అని తెలిపేవి అపరకర్మలు. నిత్య నైమిత్తిక కామ్యకర్మ ప్రయోగాలు. అవ్యక్తమైన పరమాత్మ లింగరూపుడు నుంచీ రక్తమాంస నిర్మిత శరీరాలతో పుట్టిన అమ్మానాన్నల వరకూ అనేక వ్యవస్థలతో శరీర నిర్మాణాలు జరిగాయి. ఇందులో మానవులకు ఐదు మరియు ఐదు ఇంద్రియాలు మనసు బుద్ధి చిత్తం అహంకారాదులతో శరీర నిర్మాణం జరిగింది. ఈ భౌతికమైన శరీరంలో రక్తమాంసవసమజ్జాది సప్తధాతువులు ఉన్నాయి. వీటి ఉత్పత్తి పోషణ నాశనం ఆహారం ద్వారా జరుగుతుంది.

తీసుకునే ఆహారం శుక్రశోణితాలుగా ఆడ, మగ వారిలో జనిస్తుంది. ఆడదాని అండం, మగవారి వీర్యం శారీరక కలయిక ద్వారా యోనిలో వీర్యాన్ని నిక్షిప్తం చేయడం వలన ప్రాణి జన్మపరంపరలు కొనసాగుతాయి. వీరిని యోనిజులు అంటారు. అలాగే చనిపోయినప్పుడు మరలా ఆహారం నుంచీ వచ్చిన శరీరం ఆహారంలో కలసి పోగా శరీర నిర్మాణంలో ఉన్న మనోబుద్ధిచిత్త అహంకారాలు అనేక శరీరాలు పొందుతాయి. వీటినే యాతనా శరీరం అంటారు. కారణ శరీరం అంటారు. ఇలా ఒక వ్యక్తి చనిపోయినప్పుడు అనేక శరీరాలు ఏర్పడతాయి. వీటిలో ముఖ్యమైన శరీరాలు రెండు. యముడి చేత బాధలు పడడానికి యాతనా శరీరం ఏర్పడుతుంది. అంటే చనిపోయినప్పుడు గాలి రూపంలో యమపాశంలో చిక్కుకున్న ప్రాణికి స్పర్శాలు కలిగించి నరకబాధలు ఏర్పడడానికి యాతనా శరీరం ఏర్పడి తీరాలి. ఇలా నరకశిక్షలు అనుభవించకుండా ప్రాణికి పాపనాశనం కలుగదు. అలాగే స్వర్గంలో సుఖాలు అనుభవించాలన్నా ఈ యాతనా శరీరం ఏర్పడి తీరాలి. అప్పుడే స్వర్గలోక సుఖాలు రక్తమాంసశరీరాల మాదిరిగా అనుభవించగలుగుతారు. అలాగే కారణ శరీరం ఏర్పడి మరోజన్మలో మరో చోట జన్మించడం జరుగుతుంది.

ఇక్కడ ప్రధానమైన ప్రశ్న ఈ యాతనా శరీరం ఎలా ఏర్పడుతుంది? మరో జన్మకారణం ఎలా ఏర్పడుతుంది? అనేవి చాలా ముఖ్యమైన ప్రశ్నలు.

దీనికి సమాధానమే పెద్దదినాలు పేరుతో అందరూ చేసే అంత్యేష్ఠిలో ఉంది.

చనిపోయిన ప్రతీవ్యక్తికీ 12 రోజులపాటు ప్రతీ రోజు కులాచారాల ప్రకారం పిండం పెట్టడం లేదా పాలు పోయడం వంటివి చేస్తారు. ఇదే ప్రేతపిండప్రదానం అంటారు. అంటే చనిపోయిన వ్యక్తికి చేసే పిండప్రదానం. ఇలా చేసే సమయంలో చదివే మంత్రాలు ఇవి.

1) ప్రథమదినే మూర్థాక్షి దంతాపయవభూత్యైదేహసిద్ధ్యర్థం అని మంత్రం ఉంది. అంటే మొదటి రోజున చనిపోయిన వ్యక్తి మరోజన్మలో మరో శరీరంలో తలకాయ, కళ్ళు, దంతములు మొదలైన అవయవములు కలుగాలని మొదటి పిండం పెడతారు.

2)చక్షుశ్రోతనాసముఖావయసిధ్యర్థం అని మంత్రం చదువుతారు. రెండో రోజు పిండం వలన మరోజన్మలో ఆ వ్యక్తికి ముక్కు, చెవులు, మూతి, దృష్టి, ముఖం వంటివి ఏర్పడతాయి.

3) కరాంసభువక్షో నిష్పత్యర్థం అనే మంత్రం చదువుతారు. ఇది చాలా ముఖ్యమైనది. మూడో పిండం ద్వారా మరుజన్మలో చేతుల, వక్షాదులు కలుగుతాయని, కలుగాలని మంత్రించిన పిండం వదులుతారు. నేడు 20వ శతాబ్దంలో మీ ఆంగ్లవైద్యులు లింగనిర్ధారణ 3వ మాసం నుంచీ మొదలవుతుందని  అన్నారు. కానీ అది ఎప్పుడో కచ్చితంగా చెప్పడమే కాక చన్నులు అనే దానితో మొదలవుతుందని పిండప్రదానం ద్వారా అవి మరోజన్మలో కలుగడానికి అవసరమైన పోషణలను మూడో పిండం ద్వారా పంపుతారు.

4) నాభిలింగగుదనిష్పత్త్యర్థం అని లింగనిర్ధారణ జరిగాక మగవారికి పురుషాంగం, ఆడవారికి యోని నాభి నాలుగోరోజు పిండం వలన నిర్మితం అవుతాయని మంత్రం జపించి పిండప్రయోగం చేస్తారు. దీనితో మరోజన్మలో ఆవ్యక్తికి లింగావయవములు ఏర్పడతాయి.

5) జానుజంఘపాదావయవ సిధ్యర్థం అని ఐదవ రోజున పిండప్రదానం చేస్తారు. మృతుడికి మరో జన్మలో ఐదవ నెలలో తొడలు, పిర్రలు, పాదాలు వంటివి ఏర్పడడానికి అవసరమైన పోషణల కోసం ఐదవ పిండాన్ని ఇస్తారు.

6) సర్వమర్మావయవనిష్పత్యర్థం అని ఆరోరోజు పిండప్రదానం చేస్తారు. అంటే యోనిలోని గర్భాశయం, పురుషాంగం దగ్గరి వీర్యగ్రంథులు వంటి ముఖ్యమైన పునరుత్పత్తి అవయవాలు ఏర్పడడానికి అవసరమైన పోషణలను ఆరోపిండంతో మంత్రించి వదులుతారు.

7) మజ్జామేధోమాంసానాడీరూపావయవనిష్పత్యర్థం అని శరీరంలో ఎముకలు నాడులు, మూలుగ, మాంసం వంటి సప్తధాతు వృద్ధికీ ఏడవ పిండం ఏడోరోజు వదల బట్టీ తల్లి శరీరంలో ప్రవేశించిన మృతుడికి మరోజన్మలో ఎదుగుదల వచ్చి గర్భిణికి గర్భం బయటకు వస్తుంది.

8) దంతలోమనముఖావయవ నిష్పత్యర్థం అని రూప నిర్మాణం జరుగుతుంది. మరోజన్మలో 8వ పిండం వలన.

9) వీర్యావయవ వనిష్పత్యర్థం అనే తొమ్మితో పిండం ద్వారా శుక్రశోణిత వ్యవస్థ పరిపూర్ణత్వం కలుగాలని మంత్రిస్తారు.

10) దేహపూర్ణత్వ తృప్తతాక్షుద్వి పర్య సిద్ధ్యర్తం అని పదో రోజు వదిలే పదో పిండం మృతునికి మరోజన్మలో సంపూర్ణ శరీరం ఏర్పడాలని వదులుతారు.

చాలా ఆశ్చర్యమేమంటే ఈ పిండప్రయోగాల ద్వారా చెప్పిన శరీరనిర్మాణశాస్త్రం నేడు 20శ శతాబ్దంలో ఆంగ్లవైద్యులు తెలుసుకోవడం.

ఎవరైతే చనిపోయిన వారికి ఈ పదిరోజులు పిండాలు వదలరో వారి అమ్మానాన్నా మరో జన్మలో ఆ అవయవలోపంతో పుట్టి తమ వారసులను నాశనం కావాలని శపిస్తారు. అవే పితృదోషాలుగా సంప్రాప్తం అవుతాయి.

ఇది మొదటి పది రోజుల పిండప్రదానం ఆవశ్యకత.

ఇక పెద్దదినం తరువాత వచ్చే మాసికాలు మృతుడిని భూమి నుంచీ లక్షల కిలోమీటర్ల దూరం ఉన్న యమపురికి తీసుకువెళ్ళే ప్రయాణంలో మృతుడి యాతనా శరీరానికి ఆహారంగా వదులుతారు. ఇలా మాసికములలో ఏటిసూతకం రోజువరకూ వదలక పోతే మృతుడు ఆకలితో దాహంతో అలమటిస్తాడు‘‘ అని చెప్పిన గురుదేవులు చివరిగా ఇలా చెప్పారు.

‘‘మీకు కోపం ఉంటే బ్రాహ్మణ అనే పదం ఉపయోగించి తిడితే మీ సమస్త పుణ్యాలు హరించుకుపోతాయి. బ్రాహ్మణులు ఈ అపరకర్మలలో అనేక పరీక్షలు పెడతారు. వాటిని నెగ్గుకొని చేయడమే మీరు చేయాల్సింది. ఎందుకంటే పితరుల అర్చనలు పాడు చేయడానికి అనేక భూత ప్రేత పిశాచాదులు దాడులు చేస్తాయి. ఇవి ఆవహించినవారు శ్మశానాల్లో పశువుల్లాగా, రాక్షసుల్లాగా హత్యలు చేసుకోవడానికి కూడా వెనుకాడరు. బ్రాహ్మణులను అనే ముందుగా మన బతుకులు ఉత్తమమైనవా అనే ప్రశ్న వేసుకోండి. ఎప్పుడో చచ్చి శ్మశానంలో ప్రశాంతంగా ఉన్నవారికి కూడా నిద్రకరువు చేస్తూ మీరు చేసే నికృష్టమైన పనులు చూసి భూతప్రేతపిశాచాలు కూడా హడలిపోయి వెళిపోతాయి. 

అన్నిటికీ మించి ఆ సమయంలో కర్తకు కంటి వెంట నీరు కానీ, నోటి వెంట కఠినమైన పదాలు కానీ రాకూడదు. ఏ మాత్రం కోపం వచ్చినా కార్యం భ్రష్టమై మృతుడికి చెందకుండా, అనాథప్రేతపిశాచాలకు చెందుతుంది. అలాగే ధనలోపం చేసినా భక్తిలోపం చేసినా, శ్రద్ధాలోపం చేసినా కర్మ చంకనాకిపోతుంది. మృతుడు చింతచెట్టుకు వేళాతాడు. అటు నరకానికి పోడు, ఇటు శ్మశానం విడిచి వెళ్ళలేక ఆకలి దప్పికతో అలమటిస్తాడు.

రక్తమాంసాలతో జన్మించిన పితరుల అర్చన చేయించడం చాలా కష్టం. ఆ సమయంలో మీకు బ్రాహ్మణుల మీద కోపం రావడానికి కారణం బ్రాహ్మణులు కాదు. మీకు పట్టిన శని. మిమ్మల్ని పట్టిన భూతప్రేతపిశాచాలుగా తెలుసుకోండి. అవి ఆ కార్యం నాశనం చేయడానికి మిమ్మల్ని పట్టుకొని బ్రాహ్మణ ద్వేషాన్ని కలిగిస్తాయి. 

కనుక తస్మాత్ జాగ్రత్త. మీ పని చచ్చిన వారికి భక్తి శ్రద్ధలతో పిండప్రదానం చేయడం. బ్రాహ్మణుల గుణగణాలు పరీక్షించడం కాదు.‘‘

======================== 

శ్రీక్రోధి నామ సంవత్సరం, దక్షిణాయనం, గ్రీష్మ ఋతువు ఆషాఢ మాసము కృష్ణ పక్షము   

31 జులై 24

*బుధవారం*

తాతముత్తాతలు, అమ్మానాన్నలను అర్చించి వారి ఆశీర్వాదం బుధవారం తీసుకుంటే సర్వవిజయాలు సొంతం అవుతాయి. ప్రతి వారం ఏ ఏ కోరికలు తీరడానికి పెద్దలను అర్చించాలో చెప్పారు. ఈ జాబితాలో లేని కోరికలు తీరడానికి కొన్ని తిథి వార నక్షత్రాలు చెప్పారు. అందులో బుధవారం ఒకటి. ఈ రోజు మనసులో ఏ కోరికలు ఉన్నా పెద్దలు తీరుస్తారు. కనుక ఏ కోరికలు తీరాలనుకున్నా దగ్గరలో ఉన్న గోశాలకు వెళ్ళి ఆవుకు ప్రతి బుధవారం మేత వేయాలి.

 *ఏకాదశి సాయంత్రం 5.05 వరకూ*

ఏకాదశిలో అమ్మానాన్నలను అర్చిస్తే రత్నాలు, పగడాలు, మాణిక్యాలు, రాగి, కంచు వంటి లోహధనరాశులు అన్నీ పొందుతారు. అందుకని ఏకాదశి వచ్చిన రోజున తప్పని సరిగా ఆవులకు మేత వేసి పెద్దలకు నమస్కరించుకోవాలి.

*రోహిణి మధ్యాహ్నం 12.23 వరకూ ఉంది.*

సంతానాన్నిచ్చే నక్షత్రాలలో రోహిణి ఒకటి. కనుక

సంతానం కావాలనుకున్నవారు ప్రతీ సారి రోహిణీ నక్షత్రం వచ్చినప్పుడు దగ్గరలో ఉన్న ఆవులను సేవించి మేత వేసి నమస్కరించి తమ పితరులను  ప్రార్థించాలి.

 కనుక ఈ రోజు పెద్దలను అర్చిస్తే ఈ ఫలాలు వస్తాయి. అంతేకాక ఎవరికైన పైన చెప్పిన కోరికలు ఉంటే అవి వారం ఇస్తే ఆ వారం పెద్దలను అర్చించాలి. అలాగే తిథి, నక్షత్రం కూడా.

============================

మేము నిర్వహిస్తున్న గోసేవానిధికి క్రింది విధంగా పంపవచ్చు.    అనంతసాహితి సంస్థ నిర్వహిస్తున్న గోసేవానిధికి గోగ్రాస నిమిత్తం సెల్ ఫోన్ ద్వారా పంపవచ్చు. మేము సామూహికంగా గోగ్రాసం వేస్తాము.భారత ప్రభుత్వ భీం ఫోన్ ఆప్, మీ బ్యాంకు ఆప్ ల ద్వారా క్రింది వాటిని ఉపయోగించి పంపవచ్చు. 

for paytm, Phonepay, googlepay, Gpay

9247821505

7842224469

9652224469

9642224469

ఈ పితృదేవతా పంచాంగాన్ని ఒక రోజు ముందుగా ఆరోజు విశేషాలతో ఇస్తాము. ప్రతిరోజూ వచ్చే ఈ సమాచారం కోసం మా అనంతసాహితి ప్రచార బృందాల్లో చేరడానికి, పితృదేవతా గోదేవతా స్తోత్రాలు పొందడానికి 7842224469కి వాట్సప్ చేసి వివరాలు పొందండి. 

*ముఖ్యగమనిక: అనంతసాహితి సాధికార నెంబర్లు ఇవి మాత్రమే. వేరు నెంబర్లు మీ దృష్టికి వస్తే దయచేసి మాకు తెలుపప్రార్థన. వారిపై కఠినమైన చర్యలు తీసుకోవడానికి అనంతసాహితి సర్వసన్నద్ధతతో ఉంది. మీరు గోసేవానిధికి ద్రవ్యం పంపి మాకు 7842224469 వాట్సప్ ద్వారా మీ గోత్రనామాలు తప్పని సరిగా పంపండి. అలాగే స్వధా, పితృదేవతా, గోదేవతా స్తోత్రాలు చదవడమో వినడమో ఈ రోజుల్లో  తప్పని సరిగా చేయాలి. ఇవి లేని వారు మాకు వాట్సప్ చేయండి.*

================================

స్వామి అనంతానందభారతి

అనంతసాహితి ఆశ్రమం

హైదరాబాద్, గుంటూరు