*_అమృతమే కురిసింది_* 

*_ఆ రాత్రి..!_*

********""**"*****""""****

_దేవరకొండ తిలక్ జయంతి_

         01.08.1921

_______________________

*_(ఎలిశెట్టి సురేష్ కుమార్)_*

         విజయనగరం

        9948546286

________________________

_*తిలక్..*_

*యువకవిలోక ప్రతినిధి..*

*నవభావామృత రసధుని..*

*కవితాసతి నొసట* 

*నిత్యరసగంగాధర తిలకం..*

*స్వచ్ఛ స్ఫటికాఫలకం..!*

మహాకవి రాసిన ఈ మాటలు

తిలక్ అనే కవిని 

మెత్తగా మొత్తంగా చుట్టి 

మన చేతికి ఇచ్చిన 

రతనాల మూటలు..!

_శ్రీశ్రీనే ఒప్పించిన.._

_కాళోజీనే మెప్పించిన.._

_ఎవరినీ నొప్పించని_

సుకుమారుడు..

అక్షరాల రాకుమారుడు

దేవరకొండ 

బాల గంగాధర తిలక్..

భావుకత..ఆధునికత..

అభ్యుదయం కలగలిపిన 

కవి...తెలుగు సాహితీ 

వినీలాకాశంలో ఎప్పటికీ

అస్తమించని రవి..!

*మురికి కాల్వ మీద*

*ముసలితనం మీద*

*మృషా జగతి మీద*

*మహోదయం వికసించదు..*

*వసంతం హసించదని*

తేల్చి చెప్పిన కవి

*గదికి మదికి కూడా* 

*గవాక్షాలుంటాయని*

చాటించి మది గవాక్షాలను

బార్లా తెరచి కవితా కపోతాలను స్వేచ్చగా ఎగరేసిన భావుకుడు..

పదాల ప్రేమికుడు..!

*కాలం సవాలు లాంటిది..*

*సాహసవంతుడు అందుకుని*

*ముందుకు సాగిపోతాడని*

ప్రకటించి అలాగే ముందుకు సాగిన స్వేచ్ఛాక్షరాల జీవి..

చిన్న వయసులోనే 

కన్ను మూసినా 

కవితల్లో సదా బ్రతికి ఉండే

చిరంజీవి..రచనా ధన్యజీవి!

నువ్వు రాసే భాషే..

తిలక్ రాస్తే అదో అందం..

నీకు తెలిసిన విషయాలే

తిలక్ చెబితే ఓ గమ్మత్తు...

*చావుపుట్టుకల మధ్య*

*సందేహం లాంటి జీవితంలో*

*నలువైపులా అంధకారం* అంటూనే ఆ చీకటిని చేదించి

ఎన్నెన్నో రచనలు..

నీలో..నాలో వెలుగు నింపే

వచనలు..ప్రవచనలు!

పదాల వైచిత్రి..

అవకరాలు సరిచేసే చిత్రి..

వేనవేల భావాల గంగోత్రి

*_అమృతం కురిసిన రాత్రి.._*

ఈ ఒక్కటి చాలు తిలక్కును

ఆవిష్కరించే చమక్కు..!

మంచి గంధంలా పరిమళించే

మానవత్వం..తిలక్ తత్వం..

అందులోంచి పుట్టుకొచ్చినదే

మనస్సులను కట్టిపడేస

ఆయన కవిత్వం..

*ఏ దేశ సంస్కృతి అయినా*

*ఎన్నడూ కాదొక* 

*స్థిర బిందువు...*

*నైకనదాలు అదృశ్యంగా సంగమించిన* 

*అనంత సింధువు...*

నీకూ నాకే కాదు

కవులకైనా అందని 

ఆలోచనల విహారం..

మరో ప్రపంచపు సంచారం..

తిలక్కు మాత్రమే సాక్షాత్కారమైన

భావనల సమాహారం!

*వచన కవిత పాదాల పారాణి*

*పాపిట బొట్టు..*

*నుదుట తిలకం..*

*రసికతకు రాణింపు..*

*ధ్వనికి గుబాళింపు..*

*ట్రాన్స్పరెంట్ చీకటి..*

*వానికి వాడే సాటి..*

తిలక్ ను ఉద్దేశిస్తూ

ఇదీ కాళోజీ ధాటి!

_తరాలను ఊపేసిన_

_తారలను దింపేసిన_ 

_తీరాలను కలిపేసిన_

_అంతరాలను చెరిపేసిన.._

తిలక్ అంతలోనే 

తిరిగిరాని తీరాలకు

వెళ్లిపోతే...

అమృతం కురిసిన రాత్రి..

విషాన్ని వెళ్ళగక్కి..

విషాదాన్ని మిగిలిస్తే..

ఇలా వాపోయాడు శ్రీశ్రీ..

*గాలి మూగదై పోయింది..*

*పాట బూడిదైపోయింది...*

*వయస్సు సగం తీరకముందే*

*అంతరించిన ప్రజాకవి..*

*సభీస్సు సగం చేరక ముందే*

*అస్తమించిన ప్రజాకవి..*

ఇది అలవాటు ప్రకారం 

అలవోకగా సాగిన  

మహాకవి 

అక్షరాల కేళి కాదు..

గుండె లోతుల నుంచి

వెలువడిన నిజమైన నివాళి!

************************