Quotes

 _______________________

🔥మందు అలవాటు పడిన వారికి వద్దురా బాబూ అని ఎంత చెప్పినా...

రాత్రి వింటాడు..

పొద్దున షరామామూలే..

చీకటి పడ్డాక 

మళ్లీ షరాబీ మామూలే ..!

_______________________

🔥జూదం ఆడేవాడిని ఆడని వాడు gambler అనుకుంటాడు..

ఆడేవాడు మాత్రం తనో

*GAME* blar అనుకుంటాడు..!

_______________________

🔥ఖైనీ వేసుకునే అలవాటున్న వాడు నువ్వు చెప్పినప్పుడు విన్నట్టే అనిపిస్తాడు...

కాసేపయ్యాక మళ్లీ ఖైనీ వేసుకోవాలనిపిస్తే కానీ

అనేసుకుంటాడు..!

_______________________

🔥రేసులాడేవాడు అలా రాసుకుంటూనే ఉంటాడు..!

_______________________

🔥పూర్వం చెయ్యి తడిపితే లంచం అనేవారు..

ఇప్పుడు చెయ్యి 

కదిపితే చాలు..

లంచం ఇచ్చెయ్యాల్సిందే..!?

_______________________

🔥వేశ్యల దగ్గరికి వెళ్తే విటుడు అంటారు కదా..

మరి అజ్ఞాతంగా 

వేశ్యా వాటిక నడుపుతూ వేశ్యలకు ఆశ్రయం ఇచ్చే వాడిని విరాటుడు అనాలా..అనలేమేమో..!

భారతం బాధపడుద్ది..!!

_______________________

🔥అప్పు చేసేటప్పుడు ప్రామిసరీ నోటు రాస్తారు..

ఎగ్గొట్టాలనుకునేవాడు

దానిని ప్రా"మిస్"అరీ నోటు అనుకుంటాడు..

ఎలాగైనా తీర్చాలనుకునే వాడు అది "హామి"సరి 

నోటుగానే గౌరవిస్తాడు..

రాయించుకునే వాడు మాత్రం 

దానిని ప్రా"మిసైల్"గానే పరిగణిస్తాడు..!

_______________________

🔥అప్పుతో చెలగాటం నిప్పుతో చెలగాటం కంటే ప్రమాదకరం..!

_______________________

🔥ఎందుకో గాని పూర్వం అప్పిచ్చు వాడు వైద్యుడు 

అనేవారు..

ఇప్పుడు మాత్రం చికిత్స పూర్తయ్యాక చిప్పిచ్చు వాడే వైద్యుడు..(మంచి డాక్టర్లకు

క్షమాపణలతో..

ఎవరైనా ఉంటే సుమీ..!)

_______________________

🔥గుడిని,గుడిలో లింగాన్ని మింగితే దేవాంతకులు..

గుడిని,గుడిలో లింగాన్ని కూల్చితే దైవాంతకులు..!

_______________________

         _సురేష్ కుమార్..ఇ_