💝 మన పురాణాల్లో పద్నాలుగు లోకాల ప్రస్తావన పదేపదే వస్తుంది.

 ॐశ్రీవేంకటేశాయ నమః

💝 మన పురాణాల్లో పద్నాలుగు లోకాల ప్రస్తావన పదేపదే వస్తుంది.

❤️ ఇవి విరాట్ పురుషుని శరీర అవయవాలని వేదం చెబుతున్నది.

💞 శ్రీమద్భాగవతంలోని ద్వితీయ స్కంధంలో  చతుర్దశభువనాల వర్ణన కనిపిస్తుంది.

💖 లోకాలు మూడని కొందరు, ఏడని కొందరు, పదునాల్గని కొందరు అంటుంటారు.

💓 బ్రహ్మాండ శరీరానికి అవయవాలుగా లోకాలను భావిస్తే

💕 ఒక భావన ప్రకారం కటి నుండి పై భాగం వరకు ఏడు అవయవాలుగా, క్రింది భాగం ఏడు అవయవాలుగా మొత్తం పదునాల్గులోకాలవుతాయి.

💞 మరో భావన ప్రకారం…

💕 భూలోకం పాదాలు

💕 భువర్లోకం నాభి

💕 సువర్లోకం హృదయము

💕 మహర్లోకం ఉరోభాగం

💕 జనలోకం కంఠం

💕 తపోలోకం పెదవులు.

💕 బ్రహ్మలోకం మూర్ధం.

💓 ~బ్రహ్మాండ శరీరానికిలా అవయవాలు రూపొందాయి.

💞 ఇంకొక భావన ప్రకారం…

💕 భూలోకం పాదాలు

💕 భువర్లోకం నాభి

💕 స్వర్లోకం శిరస్సుగా

💞 ~మూడే లోకాలు ఉన్నాయి.

💝 ఊర్ధ్వ లోకాలు :~

💕 భూలోకం,

💕 భువర్లోకం,

💕 సువర్ణలోకం (దేవలోకం ఇంద్రుడు ఉండే లోకం ) అంటే స్వర్గం

💕 మహార్లోకం,

💕 జనోలోకం,

💕 తపోలోకం,

💕 సత్య లోకం(మోక్ష దశ..పుట్టుక మరణం లేని దశ అదే బ్రహ్మ దశ )

💝 అధోలోకాలు ( 7) :~

💓 అతల..బలి చక్రవర్తి ఉండే చోటు 

💕 సుతల..బలి చక్రవర్తి చోటు 

💕 వితల..శివుడు అంశం 

💕 తలాతల…మయుడుండే చోటు 

💕మహాతల..నాగులుండే చోటు

💕 రసాతల..రాక్షసులుండే చోటు

💕 పాతాళం.. వాసుకి ఉండే చోటు హిరణ్యకశపుడు.

💖 మానవ దేహంలో 14 లోకాలు :~

💞 మన శరీరంలోనే ఈ 14 లోకాలను పదునాలుగు భిన్న చైతన్య స్థితులకు సూచనగా చెప్పే సంప్రదాయం కూడా ఉంది.

💓 మన శరీరంలో మూలాధారం నుంచి పైకి క్రమంగా స్వాధిష్టాన,  మణిపూరక, అనహత, విశుద్ధి, ఆజ్ఞ చక్రాలనే 6 చక్రాలు ఉన్నాయి.

💖 వాటికి పైన ఉన్నది.

💞 సహస్రారం/ సహస్రపద్మం.

💝 ఇవన్నీ కలిపి ఏడు.

💖 మూలాధారానికి దిగువన కూడా ఏడు చక్రాలున్నాయని కొన్ని ఆగమాల్లో కనిపిస్తుంది.

💝 ఈ మొత్తం  కలిపి 14 వ్యక్తి యొక్క చైతన్యం ఉన్న స్థాయిని అనుసరించి అతడి మానసిక స్థాయి ఏ లోకంలో ఉందో తెలుసు కోవచ్చ 

1.మూలాధారం :~

💞 వెన్నుపూస అంత్య భాగంలో ఉంటుంది. ధారణశక్తికి కేంద్రస్థానం. మహాగణపతి అధిదేవత. ఇదే మానవుడు ఆధ్యాత్మికంగా ఎదగడానికి తొలిమెట్టు.

💖 2. స్వాధిష్టానం :~

💞 బొడ్డు క్రింద, జననేంద్రియాల వద్ద ఉంటుంది. వివేకము దీని లక్షణం.

💖 3. మణిపూరం :~

💞 నాభిలో ఉంటుంది.  సంకల్పశక్తికి కేంద్రస్థానం.

💖 4. అనాహతం :~

💞 హృదయం దగ్గర ఉంటుంది. అపరోక్ష జ్ఞానానికి స్థానం.

💖 5. విశుద్ధం :~

💞 కంఠంలో ఉంటుంది. దివ్యప్రేమ/ దైవం పట్ల ప్రేమకు స్థానం.

💖 6. ఆజ్ఞ :~

💞 కనుబొమ్మల మధ్యన ఉంటుంది. దీన్నే మూడవ నేత్రం అంటారు.దివ్యదృష్టికి కేంద్రస్థానం.

💖 7. సహస్రారం :~

💞 తలమీద ఉంటుంది. ఆత్మజ్ఞానానికి, దైవానికి స్థానం.

💝 నరకాలు పాతాళ లోకాల గురించి పరిశీలిద్ధాం :~

💖 1. అతలం :

💕 అగాధ ప్రాంతానికి చెందిన చక్రమిది. తుంటి భాగంలో ఉంటుంది. భయం, కామము దీని లక్షణాలు.

💖 2. వితలం :

💕 నిరసించడం లక్షణంగా కలిగిన చక్రమిది. ఇక్కడ సుఖం ఉండదు, విపరీతమైన కోపముంటుంది.తొడల భాగంలో ఈ చక్రం ఉంటుంది.

💖 3. సుతలం :

💕 బాగా లోతైన అనే అర్దంలో చెప్పే చక్రమిది. అసూయ దీని లక్షణం.

💖 4. తలాతలం :

💕 అంధకారం, తామసికం దీని లక్షణం. పిక్కల్లో ఉంటుంది. క్రింది స్థాయి చక్రం ఇది. గందరగోళం, అస్పష్టమైన ఆలోచనలకు, అమితమైన మొండి తనానికి ఇది స్థానం.

💖 5. రసాతలం :

💕 కాలిచీలమండల ప్రాంతంలో ఉండే చక్రం. స్వార్ధపరత్వం, ఆధిపత్య ధోరణి, కేవలం తన గురించి మాత్రమే ఆలోచిస్తూ ఉండడం దీని లక్షణo.

💖 6. మహాతలం :

💕 అవివేకము దీని లక్షణము. పాదాల్లో ఉంటుంది.అవివేకం అంటే ఏది మంచి, ఏది చెడు, ఏది ధర్మం, ఏది అధర్మం, ఏది సత్యం, ఏది అసత్యం, ఏది శాశ్వతము, ఏది అశాశ్వతము అనేవి తెలుసుకోలేక అసత్యమైన వాటి వెంటపడే లక్షణం. నరక లోకం యొక్క తీవ్రత ఇక్కడి నుంచే మొదలవుతుంది.

💖 7. పాతాళం :

💕 కాకోలం అనే నల్లని విషంఉండే ప్రాంతం. పతనమైన, లేదా పాపిష్టి పనులకు మూలం ఇది. దుర్బుద్ధి, దుష్టభావాలకు నిలయం.  అరికాలులో ఉంటుంది. ఇక్కడుండే జీవులు వినాశనం కోసం వినాశనం చేస్తారు, హింసించటం కోసం హింసిస్తారు, చంపడం కోసం చంపుతారు.

💝 అర్దం చేసుకుని మనలో ఆ క్రింద చక్రాల్లో ఏ ఏ లక్షణాలు ఉన్నాయో, అవన్నీ వదులుకుంటే కాస్తంతైన ఆధ్యాత్మికాభివృధ్ధికి మొగ్గు చూపగలుగుతాం.

❤️ ॐశ్రీవేంకటేశాయ నమః

~శ్రీరామ్ లక్ష్మీనారాయణ మూర్తి