*కొంటెగాడ్ని కట్టుకో...!! 🥀 🦋*

*ముద్దూ ముచ్చట్లు తెలియని*

*"ఏదో, వెంగళప్పని కాదు..*

*ఎక్కడ మీటాలో..*

*ఏ రాగాన్ని ఏ విధంగా శృతిపర్చాలో*

*తెలిసిన కొంటెవాడ్ని రసజ్ఞత యందు..*

*చక్కని కళాభినివేశం ఉన్నవాడ్నీ*

*కట్టుకో  "నీ భర్తగా.."*

*అంతరార్థం:*

*వాడు చెప్పాడని వీడు చెప్పాడని*

*ఆస్తిపాస్తులున్నాయనీ కాదు..*

*నీ అంతరంగానికి అభిరుచులకు*

*అన్నివిధాలా సరైన వాడినే యోగ్యుడినే ఎంచుకో..*

*కలకాలం నీతో అన్యోన్యప్రదంగా*

*విలసిల్లే భాగ్యస్వామిగా.. జీవన సహచరునిగా..*

*కొంగుకేసి చుట్టుకో.. "కోటి వన్నెలున్న దాన.."*

*బావా అని పిలుస్తావో మామా అని పిలుస్తావో*

*శ్రీవారూ అంటావో లేక "ఒరేయ్ మై డియర్ పతిదేవా"*

*అంటూ సంభోదిస్తావో నీ ఇష్టం.*

*ఎలా పిలిచినా ఏ విధంగా పలుకరించినా..*

*తగు ప్రేమాభిమానాలతో పట్టూవిడుపులతో*

*రసరమ్యమైన నీ వన్నెచిన్నెలతో ఒక్కింత*

*చాకచక్యంగా శృంగార భరితంగా సర్వేసర్వత్రా*

*నీ భర్త నీకు "తోడూనీడై.."* *నిలిచేలాగున మలుచుకో..*

*తియ్యని నీ ఆడతనంతో*

*జాణతనంతో..*

*అందమంతా ఇచ్చుకో..*

*కళ్ళకు కాటుకే పెట్టుకుంటావో*

*కాళ్ళకు పారాణే దిద్దుకుంటావో*

*విరిసే నగవులను విరవని..*

*నలిగే పెదవులను నలగని..*

*తనువంతా నఖదంతక్షతాల జ్ఞాపకాలతో నిండని..*

*మల్లెలు బరిచిన "శయ్యని.."*

*చిరుచెమటల స్వేదబిందువులతో తడిచిపోని..*

*ముత్యాల సరులు దాగున్న నీ తనువులోని*

*అణువణువును "అందంగా"* *అనురాగభరితంగా*

*యథేచ్ఛవై - సమర్పించుకో  "ఓ రసగంగవై.."*

*అందినంత పుచ్చుకో "వాలుకళ్ల పిల్లదాన.."*

*వాయువు సైతం జొరబడని తీరుగ*

*నీ ప్రాణేశుని నీ బహుబంధపు* *డోలాయ గీతిలో వోలలాడించి, తియ్యని తహతహల తాకిళ్ళ*

*నడుమ నీ క్రీగంటి నయనాల పదనిసల నడుమ,*

*నీ ప్రియసఖుడి హృత్సీమలో* *నెలకొనెడి ప్రతీ భావాన్నీ*

*అనురాగ ఝరిని, నీ తలపుగా నీ శ్వాసగా మార్చుకో..*

*తీరాలి అచ్చట్లు సాగాలి ముచ్చట్లు*

*సిగ్గుల్లో జారిపోవాలీ "చీకట్లు.."*

*జవ్వాది అలదిన తనువుతో*

*కలువలవంటి నయనాలతో*

*గోరింట పూసిన పదములతో*

*తాంబూలం పండిన పెదవులతో*

*బిగికూడిన కుచముల నర్తనలతో..*

*రారమ్మని కవ్వించే నడుమొంపులతో..*

*మల్లెవై, మధురిమవై, మయూరవై*

*సుస్వర రసఝరీ నయనాల కోమలాంగివై..*

*తనుమరచి నిన్ను నీవే మరచి*

*మనసైన మగనితో సంగమించే వేళ..*

*నలిగే కౌగిళ్లు ముడివీడక నీ చిరుసిగ్గుల*

*నగవుల్లో కనుమరుగై పోవాలీ, నిశికాలమంతా..*

*ఎరుపెక్కిన నీ కనులు అరుణోదయ*

*కాంతులతో తళుక్కుమనే వరకూ..*

*సూర్యచంద్రాదులు ఈ జగతిన విలసిల్లే వరకూ..*

*అనునిత్యం నవ వసంతమై..*

*నిత్యశోభనమై వర్ధిలాలి మీ దాంపత్యం..*

*కమ్మని కౌగిళ్లలో ప్రతీరాత్రి ఓ మధురజ్ఞాపకమై*

*రసకిరణమై నిలిచిపోవాలి మీ సుమధుర జీవనం...!!! 🦋*