శ్రీ మూక పంచశతి:

శ్రీ మూకశంకర విరచిత 

మూక పంచశతి

శ్రీకామాక్షి పరదేవతా వైభవ వర్ణన

స్తుతి శతకం

🙏🌸🙏🙏🙏🌸🙏

 

శ్లోకము:-

*యేన ఖ్యాతో భవతి సగృహీ పూరుషో మేరుధన్వా*

*యద్దృక్కోణే మదననిగమ ప్రాభవం బోభవీతి|*

*యత్ప్రీత్యైవ త్రిజగదధిపో జృంభతే కింపచానః*

*కంపాతీరే స జయతి మహాన్ కశ్చిదోజో విశేషౌ||75||*

భావము:

మేరువు ధనుస్సుగా గల ఆ మహాపురుషుడు ప్రసిద్దుడయిన గృహస్థుడగునో! ఎవరి( ఎవతె) చూపుకొనయందు కామశాస్త్రముయొక్క ప్రభుత్వము ఎక్కువగుచున్నదో ఎవరి(ఎవతె) యొక్క ప్రీతితోనే దరిద్రుడు ముల్లోకములకు అధిపతిగా విజృంభించునో అటువంటి ఒకానొక గొప్ప విశిష్టమైన తేజస్సు కంపానదీతీరమున విలసిల్లుచున్నది;

 

శ్లోకము:-

*ధన్యా ధన్యా గతిరిహ గిరాం దేవి కామాక్షి కామే*

*నింద్యాం భింద్యాత్ సపది జడతాం కల్మషాదున్మిషంతీం|*

*సాధ్వీ మాధ్వీరసమధురతా భంజినీ మంజురీతిః*

*వాణీవేణీ ఝటితి వృణుతాత్ స్వర్ధునీ స్పర్ధినీ మామ్||76||*

 

భావము:

ఓ కామాక్షీదేవీ ప్రస్థుతము ఒకానొక నాయొక్క మిక్కిలి ధన్యమైన వాక్కులగతి కలుషము నుండి బయటపడినదై నిందనీయమయిన జాడ్యమును వెంటనే భేదించును గాక! మధురరసము యొక్క మాధుర్యమును భగ్నముచేయునట్టియు సాఫీయైనదియు ఆకాశగంగతో పోటీపడినట్టియు సరస్వతీకేశపాశమునదగిన మనోహరమగు శైలి నన్ను వెంటనే వరించుగాక!

 

🔱 ఆ తల్లి 

పాదపద్మములకు నమస్కరిస్తూ 🔱 

🙏🌸🌸🌸🌸🌸🙏.