లోకమంతా "ఈశ్వర లీల" అని, అంతా "బ్రహ్మమే" అని అంటారు కదా! అయితే ఈ చెడుగుణాలు, చెడుఅలవాట్లు కూడా పోగోట్టుకోవాలి అని అంటారు ఎందుకు ?

 భక్తుడు :

స్వామి! లోకమంతా "ఈశ్వర లీల" అని, అంతా "బ్రహ్మమే" అని అంటారు కదా! అయితే ఈ చెడుగుణాలు, చెడుఅలవాట్లు కూడా పోగోట్టుకోవాలి అని అంటారు ఎందుకు ?

మహర్షి :

ఎందుకా! చెప్తాను విను. శరీరం ఉంది కదా! దానికి ఎక్కడో ఒక వ్రణం ( పుండు ) పుడుతుంది అని అనుకో! అది శరీరంలో ఒక భాగమే కదా అని ఊరుకుంటే, బాధ కలిగిస్తుంది. సాధారణ చికిత్సకు పోలేదంటే వైద్యుడు వచ్చి, కత్తితో ఆ భాగం కోసి, చెడు రక్తం తీసివేసి మంచి రక్తం బయటకి పోకుండా రక్షణగా ఒక కట్టు కట్టడం లేదా?

అట్లాగే ఇది కూడా.

ఆ వ్రణం కోయకుండా వదిలితే, లోపలంతా కుళ్లుతుంది. కోసిన తరువాత కట్టు కట్టలేదంటే, చీము పడుతుంది. మానవుని విషయంలోనూ అంతే.

చెడుగుణాలు, చెడుఅలవాట్లు మానవుల విషయంలో పుండు లాంటివి. కోసి వేయకుంటే క్రిందకు దిగజారిపోతారు. ఎలాంటి వ్యాధో, అలాంటి చికిత్స చేయాలి.