గాజుకుప్పెలోన గడఁగుచు దీపంబ

 దెట్టు లుండు జ్ఞాన మట్టులుండు

 దెలిసినట్టి వారి దేహంబులందును

 విశ్వదాభిరామ! వినుర వేమ!

భావం: గాజు బుడ్డిలో ఏవిధముగా దీపము నిలకడతో వెలుగుతుందో అదే విధముగ తెలివిగల వారియందు జ్ఞాన దీపము ప్రవేశిస్తుంది.

 అన్న మిడుటకన్న అధిక దానంబుల

 నెన్ని చేయనేమి యేన్నఁబోరు

 అన్న మెన్న జీవనాధార మగునయా

 విశ్వదాభిరామ! వినుర వేమ!

భావం: ఇతర దానములు ఎన్ని చేసిననూ అన్నదానముతో సాటిగావు. లేలోచించినచో అన్నమే యీ లోకములో జీవనాధారము.

 ఇహరంబులకును నిది సాధనంబని

 వ్రాసి చదివిన విన్నవారికెల్ల

 మంగళంబు లోనరు మహిలోన నిది

 నిజము విశ్వదాభిరామ! వినురవేమ!

భావం: ఈ లోక మందును, పరలోక మందును గూడసుఖపడుటకు మార్గముగ, నుందునని ఈ శతకము వ్రాసితిని. దీనిని చదివిన వారికిని విన్నవారికిని శుభములు కలుగును. ఇది నిజము.