శ్రీ మూక పంచశతి:

శ్రీ మూకశంకర విరచిత 

మూక పంచశతి

శ్రీకామాక్షి పరదేవతా వైభవ వర్ణన

స్తుతి శతకం

🙏🌸🙏🙏🙏🌸🙏

 

శ్లోకము:-

*యస్యా వాటీ హృదయకమలం కౌసుమీ యోగభాజామ్*

*యస్యాః పీఠీ సతతశిశిరా శీకరైర్మాకరందైః|*

*యస్యాః పేటీ శృతి పరిచలన్ మౌళిరత్నస్య కాంచీ*

*సా మే సోమాభరణ మహిషీ సాధయేత్కాంక్షితాని||77||*

 

భావము:

యోగులయొక్క హృదయకమలము ఎవరకు పుష్పములకు సంభందించిన ఉధ్యానమో! ఎవరియొక్క పీఠము ( సహస్రారము) తేనెకు సంభందించిన తుంపరలతో ఎల్లప్పుడూ చల్లనైనదో! వేదములపై చరించు శిరోరత్నమైన ఎవరకు కంచి పేటికయగునో! చంద్రుడాభరణముగాగల పట్టమహిషియగు కామాక్షి నాయొక్క కోరికలను సాధించుగాక!

 

శ్లోకము:-

*ఏకా మాతా సకలజగతాం ఈయుషీ ధ్యానముద్రామ్*

*ఏకామ్రాధీశ్వరచరణయోః ఏకతానాం సమింధే|*

*తాటంకోద్యన్మణిగణరుచా తామ్రకర్ణప్రదేశా*

*తారుణ్యశ్రీ స్తబకితరుచా తాపసీ కాపి బాలా||78||*

 

భావము:

చెవుల ఆభరణముల అతిశయించిన సముదాయము యొక్క కాంతితో ఎర్రబడిన చెవుల ప్రాంతము కలిగినట్టియు యౌవనశోభతో పుంజీభూతమైన కాంతిగలిగిన తపస్వినియైన ఒకానొక నవయువతి (కామాక్షి) సమస్త జగత్తులకు ఒకే ఒక తల్లియై ధ్యానముద్రను పొందినదై ఏకామ్రనాధుని పాదములందు ఏకాగ్రత కలదిగా ప్రకాశించుచున్నది;

 

🔱 ఆ తల్లి 

పాదపద్మములకు నమస్కరిస్తూ 🔱 

🙏🌸🌸🌸🌸🌸🙏.