మునిమాణిక్యం
ఈ పేరు వినగానే...
కాంతం కథలే మెదులుతాయి స్మృతిపథంలో
సన్నని హాసరేఖ ప్రత్యక్షమౌతుంది మన పెదాలపై
కానీ ...
ఆయన 'మన హాస్యం' అనే
అరుదైన గ్రంథాన్ని కూడా రచించారు
ఇది తెలియదు అందరికీ
*******
"శృంగార హాస్య కరుణా....." అంటూ
మానవ మనుగడకు
ఆధారభూతమైన 'శృంగారం'
తరువాతి స్థానాన్ని
మనిషి జీవితాన్ని
సరళతరం చేసే 'హాస్యం' కే
ఇచ్చారు
మన లాక్షణికులు
అటువంటి హాస్య రస తాత్వికతను
విశ్లేషించి విశదీకరించే సిద్ధాంత గ్రంథం
అనదగ్గ రచన ఈ 'మన హాస్యం
********
ఇతరులను హీనంగా చూసే ...
తనని తాను గొప్ప వాడిగా భావించుకునే
ఓ డాబుసరి దర్పాలమారి పెద్దమనిషి
అరిటితొక్క పై కాలేసి జర్రను జారి మొత్తానికి నిలదొక్కుకున్నాడనుకోండి
పగలబడి నవ్వుతారు చుట్టూనున్నవారు
ఇది హాస్యం
అదే....
ఓ నిండు మూలాలు
జారి తడబడిందనుకోండి....
అయ్యో... అని చేయందించడానికి ముందుకురుకుతారు
చుట్టూ ఉన్నవారు
ఇదీ మానవత్వం
ఇటువంటి సందర్భంలో
ఎవరన్నా నవ్వారనుకోండి
అది అపహాస్యం బ్లేక్ కామిడీ
చీదరించుకుంటారు వాణ్ణి అందరూ
********
ఇలా....
హాస్యం అంటే ఏమిటి
ఆరోగ్యవంతమైన హాస్యం ఎలా పుడుతుంది
అది ఎన్ని రకాలుగా ఉంటుంది
ఇత్యాది విషయాలన్నీ
కూలంకుషంగానూ.... సోదాహరణంగానూ
అదే సమయంలో హాస్యస్ఫోరకంగాను చెబుతారు
మన ముని'మాణిక్యం' ఇందులో
- రత్నాజేయ్ (పెద్దాపురం)
No comments:
Post a Comment