🕉️చిత్త శుద్ధి కలిగి చేసిన పుణ్యంబు

 కొంచమైన నదియు గొదవుగాదు

 విత్తనంబు మఱ్ఱి వృక్షంబునకు నెంత

 విశ్వదాభిరామ! వినురవేమ!

భావం: మంచి మనసుతొ చేసిన చిన్న పనియైన మంచి ఫలితాన్నిస్తుంది. పెద్ద మర్రిచెట్టుకి కూడా విత్తనము చిన్నదేకదా!

 🕉️ఆత్మశుద్ధి లేని యాచారమది యేల

 భాండశుద్ధి లేని పాకమేల?

 చిత్తశుద్ధిలేని శివపూజలేలరా?

 విశ్వదాభిరామ! వినుర వేమ!

భావం: మనసు నిర్మలముగా లేనట్లయితే ఆచారములు పాటించడంవల్ల ప్రయోజనం లేదు. పాత్రలు శుభ్రముగాలేని వంట, మనసు స్థిరముగా లేని శివ పూజ వ్యర్థములే అవుతాయి. ఏమీ ప్రయోజనముండదు.