*పక్కలో బల్లెం*

ఒక అందమైన భార్య పని అంతా ముగించుకుని బెడ్ రూమ్ లోకి వచ్చేసరికి  అప్పుడే టీవీ లో వస్తున్న వార్తలను చూసి కొంచెం విసుగ్గా ఆ దరిద్రపు రష్యా కు ఏమైంది.... చూడు వాళ్ళు ఎంత ఇబ్బంది పడుతున్నారో అని అంటాడు భర్త  తన భార్యతో

సెల్ లో వీడియో చూస్తూ...

ఆమె ఏమీ మాట్లాడకుండా మౌనంగా వెళ్లి పక్క సర్దుకుంటూ... అప్పటికే పడుకున్న పిల్లలకు దుప్పటి బాగా విదిలించి  కప్పుతుంది... అతడి మాటల్ని వినీ విననట్లుగా....

నిన్నే వాడు అలా రెచ్చిపోతుంటే ప్రపంచ దేశాలు ఏమి చేస్తున్నాయి... నీవేంటి అలా దిబ్బ రొట్టె ముఖం వేసి చూస్తున్నావు.... వాడిష్టం వాడు నాటో లో చేరుతాడో... ఇంకోదానిలో చేరుతాడో వీడికేంటి... వీడికేమవసరం... అలా రెచ్చిపోతాడా అని ఉక్రోష పడతాడు...  భర్త భార్య మీద... నటుడు పృద్విరాజ్ లెవెల్లో... అదేదో సినిమాలాగా....

ఇవేవీ పట్టించుకోకుండా పాపం ఆమె అటు తిరిగి పడుకుంటుంది... రేపు ఉదయం మళ్లీ తొందరగా లేవాలని... పిల్లలకి బాక్స్ లో ఏమి చేయాలి అని ఆలోచిస్తూ....

రష్యా  ఉక్రెయిన్ మీద దాడి చేసిన దానికన్నా ,తన భార్య తనకు సమాధానం చెప్పకుండా నిర్లక్ష్యంగా పడుకోవడం అసలు సహించలేక పోతున్నాడు... అతను...

 అసలే ఉదయం నుంచి ఎన్నో పేపర్లు,యూ ట్యూబ్ ఛానళ్లు,చర్చా వేదికలు వినీ వినీ తన పాండిత్యాన్ని భార్య దగ్గర చూపించాలని ముచ్చట పడుతుంటే ఆమె అలా సింపుల్ గా అతడి మాటలు పట్టించుకోకుండా పడుకోవడం అతనికి ఎక్కడో బాధించింది... 

అతడి మీద అతడికి ఎక్కువ నమ్మకం.... అక్కడికి తనేదో గొప్ప విజ్ఞానఖని అని... సమస్తం అతడికి తెలుసని... భార్యకి ఏమీ తెలియని వెర్రి బాగుల్ది అని ప్రగాఢ విశ్వాసం. కొంత అయినా ఆమెను ఎడ్యుకేట్ చేయాలని అతడి తాపత్రయం..

ఆ ఫ్రస్టేషణ్ లో అసలు వాడ్ని కాదే నిన్ను నిన్ను అనాలి  కనీసం అవగాహన లేకుండా , తిన్నామా, పడుకున్నామా అని కాదే..  మన చుట్టూ ఏమి జరుగుతుందో  తెలుసుకునే పనిలేదా... 

అందుకే పేపర్ చదవ్వే, కొద్దిగా వార్తలు చూడవే, నాలాంటి వాడితో అప్పుడప్పుడు చర్చించవే.... అని నెత్తీ నోరు కొట్టుకునేది... వింటేగా... ఆమాత్రం పరిజ్ఞానం లేని దాన్ని  నాకిచ్చి పెళ్లి చేసావేమయ్యా అని  ఒకసారి పైకి చూసి మళ్లీ ఏదో గొణుక్కుంటూ కూర్చుంటాడు సెల్ తీసుకుని వాట్స్ అప్ ఓపెన్ చేసి....

చూసింది చూసింది.... అతడి గొణుగుడికి అంతూ పంతూ లేదు... కోపం వచ్చి విసురుగా లేచి అతడిని సీరియస్ గా చూసి  వంటింట్లోకి  వెళ్లి  పెద్ద కత్తి తెచ్చుకుని , పక్కన పెట్టుకుని అలా మంచం మీద పడుకొని లైట్ ఆర్పేసి అదోలా చూస్తూ వచ్చి పడుకోండి అని అంటుంది మురిపెంగా...

అదంతా చూసిన మొగుడికి అప్పటికే  ముచ్చెమటలు పోస్తాయి... ఎక్కడెక్కడో తడిచిపోతుంది.... మెల్లగా టవల్ తో తుడుచుకుంటూ....

అదేంటే అంత పెద్ద కత్తి తెచ్చుకుని అలా పెట్టుకుని పడుకుంటే నీ దగ్గర నేను ఎలా పడుకునేది.... అంటాడు భయం భయంగా... అటూ ఇటూ చూస్తూ...

ఒక్కసారి అతడిని పైకి కిందికి ఎగాదిగా చూసి

నీ భార్యనైన నేనే ఒక కత్తి తెచ్చుకుని ప్రక్కన పెట్టుకుని పడుకుంటే నీవు ధైర్యంగా పడుకోలేక పోతున్నావే... మరి అమెరికా కు అమ్ముడుపోయి నాటో లో చేరాలని ఉవ్విల్లూరుతూ, రష్యా కు పక్కలో బల్లెంలా తయారయిన ఉక్రెయిన్ ని పక్కలో పెట్టుకుని రష్యా ఎలా ప్రశాంతంగా ఉండగలుగుతుంది అని చెప్పి అటు మల్లి పడుకుంటుంది భార్య...

ఇంకేం గింగిరాలు తిరుగుతాడు... అప్పుడు తెరిచిన నోరు ఇంకా మూసుకోలేదు భర్తకు... పాపం....

తెలుసుకోండి: ఆడవారిని తక్కువగా అంచనా వేయవద్దు....