*జీవితాంతం పిల్లల కోసం తపిస్తూ..*

*వారి అభివృద్ధి కోసం పాటుపడే వ్యక్తి తండ్రి.*

*తన పిల్లల కోసం జీవితంలో ఎన్నో  కోల్పోతాడు తండ్రి.*

 

*ఎందుకంటే..నాన్న ఎవరికీ చెప్పడు.*

*పిల్లలకి, భార్యకి అసలు చెప్పడు.*

*అమ్మలా ప్రేమను బయటికి చూపించడం నాన్నకు రాదు. నాన్న ఇంటికి ఎప్పుడో వస్తాడు, వెళ్లిపోతాడు.*

*బిజీగా ఉన్న నాన్న రాత్రి పూట ఇంటికి వచ్చి మంచం మీద ఎదుగుతున్న పిల్లల్ని చూస్తుంటాడు..*

 

*"ఎప్పుడూ పనేనా..? కాస్త ఇంటి దగ్గర ఉండొచ్చుగా.." అని చిరాకు పడుతున్న అమ్మ మాటలు వింటుంటాం.*

*పిల్లలు కూడా నాన్నను మిస్‌ అవుతుంటారు.*

*నిజానికి నాన్నను నాన్నే మిస్‌ అవుతుంటాడు.*

*పెళ్లై, పిల్లలు పుట్టగానే నాన్న జీవితం నాన్న చేతుల్లో ఉండదు.*

 

*మనందరి కోసం నాన్న రాత్రి, పగలు పనిచేయాలి. చదువులు, సమస్యలు, బంధువులు, పండగలు, బర్త్‌డేలు, ఆసుపత్రులు.. వీటన్నింటితో నాన్న నలిగిపోతుంటాడు.*

*ఆయనకు ఆరోగ్య సమస్యలు వస్తుంటాయి.*

*వృద్ధాప్యం వల్ల అని పిల్లలు అనుకుంటారు.*

*వృద్ధాప్యం ఇంకా రాలేదు..*

*మీ కోసం అనుక్షణం కరిగిపోతూ, కాలిపోతున్న నాన్నకి లోపల ఆరోగ్యం ఎంత దెబ్బ తింటోందో తెలియదు. నాన్న డాక్టర్‌ను కలిసిన విషయం కూడా మనకు తెలియదు.*

*ఎందుకంటే..ఆ రిపోర్ట్‌లు తీసుకుని ఇంటికి రాడు.*

*కొన్ని వందల సార్లు అమ్మ ఏడ్వడం చూశాం కానీ, నాన్న ఏడ్వడం ఎప్పుడైనా చూశారా..?*

*నాన్న కూడా ఏడుస్తాడు.*

*కానీ మీ ముందు ఏడ్వడం ఆయనకు ఇష్టం ఉండదు. ఎక్కడో ఒంటరిగా కూర్చుని ఏడుస్తాడు.*

 

 *ప్రతి కొడుకు ఏదో ఒక సమయంలో నాన్నను ఏడిపిస్తాడు.* 

నాన్న గుండెల పై తంతాడు. అప్పటికి ఏడ్వడానికి నాన్నకు కన్నీళ్లు కూడా మిగలవు.

అవి ఎప్పుడో ఆవిరైపోయుంటాయి.*

 

*మీ కోసం రిస్క్‌ తీసుకోలేక, ధైర్యం సరిపోక మీ నాన్న తన కెరీర్‌ను నాశనం చేసుకున్నాడు.*

*మీ మూలంగానే మీ నాన్నలో ఉన్న ఎనర్జీ పోయింది. ఎక్స్‌ట్రార్డినరీ అవ్వాల్సిన ఎంతో మంది నాన్నలు జీవితంలో తమ పిల్లల కోసం ఆర్డినరీగా మిగిలిపోయారు..*

*అమ్మానాన్నలు బ్రతికున్నంత వరకు బాగా చూసుకోండి*