(252) (29.04.2025)

మనం కలిసి కాపురం చేసింది ఆరు నెలలు

ఆపై అందుకున్నాము విడాకులు

ఇక ముందు మనం ఆలుమగలం కాము

ఇంతకు ముందులా కబుర్లు చెప్పుకోలేము //

ఈ రోజు నుంచి నాది ఒంటరి జీవితము

ఒంటరి జీవితం గడపటం ఎంతో కష్టము

విడిపోవడానికి కారణాలు ఏమైనా కావచ్చు

ఇక మనము జీవితంలో కలవక పోవచ్చు //

పెళ్ళికి ముందు ఎన్నో ఊహాలు

పెళ్లి అయినాక అవి అన్నీ తీరని కలలు

తీపి గుర్తుగా మన పెళ్ళి వీడియోలు

వాటిని చూస్తుంటే ఆగకున్నవి కంటిచుక్కలు //

పెళ్ళికి ముందు ఏదేదో ఊహించుకుంటిని

ఆరు నెలల జీవితమని తెలుసుకోకుంటిని

ఆరు నెలలు ఆరు క్షణాలుగా గడిచాయి

చివరకు మీ జ్ఞాపకాలే నాకు మిగిలాయి //

6 నెలల కాపురంలో ఎన్నో అనుభవాలు

మీకు రుచి చూపిస్తిని ఎన్నో కొత్త వంటలు

చేతి వంట తిని నను కాదనుకున్నారో

ముందు ముందు నాతో కష్టం అనుకున్నారో //

చేతిలో విడాకుల కాగితాలు పెట్టినారు

ఆపై నను ఒంటరిని చేసినారు

మూడు ముళ్ళ ముచ్చట తీరలేదు

మీతో ఏనాడూ సరదాగా గడపలేదు //

ఇక నా మనసులోనికి పెళ్ళి ప్రసక్తి రానీయను

మీ తలంపులో వేరే వాడిని మనువాడలేను

ఊపిరి ఉన్నంత వరకు మీరే నా శ్రీవారు

ఊపిరి పోయినాక మనం ఎవరికి ఎవరు

ఈ జన్మకి ఈ పెళ్ళి ముచ్చట చాలు

మరిచిపోదామన్నా మరువలేని గాయాలు //

మధిర వెంకట రమణ, హైదరాబాద్