(243) (20.04.2025)

మిత్రమా బ్రహ్మచారి జీవితాన్ని వదిలి పెట్టు 

నీకు నచ్చిన – నిను మెచ్చిన అమ్మాయి మెడలో తాళి కట్టు

ఎన్నాళ్ళు ఇలా ఒంటరిగా ఉంటావు

అన్న-వదినని ఎందుకు కష్ట పెడతావు //

బ్రహ్మచారి జీవితం కూజా లాంటిది

కొద్ది రోజులే చల్లగా ఉంటుంది

పెళ్ళైన జీవితం MAAZA లాంటిది

తాగిన కొద్దీ తాగాలని అనిపిస్తుంది //

బ్రహ్మచారి జీవితంలో నీ బాధను పంచుకునేది ఎవరు

అదే పెళ్ళైతే నీ బాధను పంచుకోకుండా ఉండేది ఎవరు

బ్రహ్మచారి జీవితం ఒంటరిగా గడపాల్సి రావొచ్చు

అదే పెళ్ళైతే ఇల్లాలు-పిల్లలతో గడపొచ్చు //

ఒంట్లో నలతగా ఉన్నా

ఇంట్లో ఏమి తోచకున్నా

ఇల్లాలు-పిల్లలు నీకు తోడుగా ఉంటారు

నిను కంటి రెప్పలా చూచుకుంటారు //

బ్రహ్మచారి జీవితంలో ఆరోగ్యం బాగుండకున్నా

వంట చేసుకునే ఓపిక లేకున్నా

అన్ని పనులు నీవే చేసుకోవాలి

నీకు నీవే సమాధానం చెప్పుకోవాలి  //

మందు అలవాటు ఉంటే బ్రహ్మచారి జీవితం హాయి అనుకుంటావు

ఇంట శ్రీమతి ఉన్నా ఎటువంటి ఆటంకం ఉండదని తెలుసుకోవు

బంధుగణంతో ఇల్లు ఎప్పుడూ కళకళ లాడుతుంటుంది

అదే బ్రహ్మచారి ఇల్లు ఎపుడూ వెల వెల పోతుంది //

ప్రతి రోజూ చేయి కాల్చుకుంటూ

ఉడికి-ఉడకంది తింటూ

రోజులు నెట్టుకు రావాలి

లేకుంటే ప్రతి రోజూ పస్తులు ఉండాలి //

పెళ్ళి చేసుకుంటే ఇల్లాలు వేడి వేడి భోజనం వడ్డిస్తుంది

గోరు ముద్దలు – లేత ముద్దులు కలిపి తినిపిస్తుంది

ఇంత కన్నా అదృష్టం ఉంటుందా

బ్రహ్మచారి జీవితంలో ఇలాటి అదృష్టం కలుగుతుందా //

ఇంటికి రాగానే నాన్న అంటూ పిల్లల పిలుపులు

ఏమండి అంటూ ఆప్యాయంగా పిలిచే ఇల్లాలు

కప్పు కాఫీతో ఎదురు వస్తుంది

నీ అలసటను పోగొడుతుంది //

శ్రీమతి నీ పక్కనే కూర్చొని నీ వంటి మీద చేయి వేయగానే

ఏమండి అంటూ ప్రేమగా నిను పిలువగానే

ముందుగా నీ ఫ్యూజులు ఎగిరి పోతాయి

నీ ఒళ్ళు – కాళ్ళు గాలిలో తేలుతాయి //

బ్రహ్మచారి జీవితంలో ఇటువంటివి కానరావు

డబ్బులు ఇచ్చి కొనుక్కుందామన్నా బజారులో దొరకవు

ఇల్లాలిని పక్కన పెట్టుకుని పక్క వాళ్ళని లైనులో పెట్టొచ్చు

అదృష్టం ఉంటే ఇంకో చిన్న ఇల్లు కూడా ఏర్పాటు చేసుకోవచ్చు //

నీవు ఆరోగ్యంగా ఉండాలన్నా

నీ జీవితంలో అనారోగ్యం రాకూడదని అనుకున్నా

ముందుగా పెళ్ళి చేసుకో

ఇల్లాలితో MAAZA పంచుకో //

బావమరదులు ఉంటే నీ పంట పండినట్టే

నీవు ఉన్న ఊళ్ళో ఉంటే నీకు సగం ఖర్చు తగ్గినట్టే

అవసరానికి నిను ఆదుకుంటారు

హాచ్ కుక్కలా ఎపుడూ నీ వెంటే ఉంటారు //

ఇప్పటికైనా నీ మనసు మార్చుకో

పెళ్ళి చేయమని నీ వాళ్ళని బ్రతిమలాడుకో

నీకు కాబోయే పిల్ల ఎక్కడో పుట్టే ఉంటుంది

నీవు ఊ అంటే నీ ఇంట్లో కాలు పెడుతుంది //

మధిర వెంకట రమణ, హైదరాబాద్