*1.మిమ్మల్ని మీరు మోసం* *చేసుకోకండి*

                    --- డోంట్ వర్రీ

మనల్ని మనం ఇతరులతో పోల్చుకోవద్దని జెన్ బోధిస్తుంది

"మిమ్మల్ని మీరు మోసం చేసుకోకండి" అని జెంగో లేదా జెన్ చెబుతోంది.

మరింత స్పష్టంగా చెప్పాలంటే, "భ్రమలు కలిగి ఉండకండి" అని అర్థం.

భ్రమలు ఊహల యొక్క ఎన్ని కల్పనలనైనా అందిస్తాయని మీరు అనుకోవచ్చు.

కానీ జెన్లో, మాయ అనే భావన చాలా లోతైన, విస్తృతమైన అర్థాన్ని కలిగి ఉంది.

మీ మనసులో ఏదైతే ఉందో, అది మీ హృదయాన్ని అంటిపెట్టుకుని ఉండడం, నిర్బంధించడం -ఇవన్నీ భ్రమలు.

ఇదిగో అదిగో అనే స్వార్థపూరిత కోరికలు. మనం వదులుకో కూడదనుకునే అనుబంధాలు -ఇవి కూడా భ్రమలే.

ఇతరుల పట్ల అసూయ, ఆత్మన్యూనతా భావాలు -ఇవి కూడా భ్రమలే.

వాస్తవానికి, మన మనస్సుని పట్టుకున్న ప్రతి మాయ నుండి మనల్ని మనం విడిపించుకోవడం అసాధ్యం. అది బుద్ధుడు సాధించిన స్థితి, మనిషిగా, మన హృదయాలలో, మనస్సులలో ఎల్లప్పుడూ భ్రమలు ఉంటాయని మనం అంగీకరించాలి.

ముఖ్యమైన విషయం ఏమిటంటే, మనకు వీలైనంత వరకు ఈ భ్రమలను తగ్గించుకోవడం. మనమందరం ఈ సామర్థ్యాన్ని కలిగి ఉన్నాము. కానీ అలా చేయాలంటే, ముందుగా మన భ్రమల, నిజమైన స్వభావాన్ని గుర్తించాలి.

సను నుండి ఒక ప్రసిద్ధ కోటేషన్ని ఇక్కడ ఉల్లేఖిస్తాను. "మీ శత్రువును గురించి తెలుసుకోండి, మీ గురించి తెలుసుకోండి, మిమ్మల్ని గురించి మీరు తెలుసుకుంటే వంద యుద్ధాలకు కూడా భయపడరు." అంటే, మీ శత్రువు గురించి తెలుసుకోక పోతే అతన్ని ఏ విధంగా ఎదుర్కోవాలో మీకు అర్థం కాదు.

ఈ భ్రమలకు మూలం ఏమిటి?

వ్యతిరేకంగా ఉండే విషయాలను చూసే ఆలోచనా విధానం ఇది.

ఉదాహరణకు, మేము జీవితం, మరణం, గెలుపు, ఓటములు, అందం, వికారాలు, ధనిక, పేద, లాభం, నష్టం, ప్రేమ, ద్వేషం వంటి పరస్పర విరుద్ధ మైన అంశాలను పరిష్కరిస్తాము.

మరణం జీవితంతో సంఘర్షణ చేస్తున్నట్టు కనిపిస్తుంది. రెండింటినీ పోల్చినప్పుడు, మనం జీవితాన్ని పవిత్రమైనది. విలువైనదిగాను, మరణం శూన్యమైనది. దురదృష్టకరమైనదిగా భావిస్తాము.

"ఆ అబ్బాయి అదృష్టవంతుడు. అలాంటి అదృష్టం నన్నెప్పుడూ వరించలేదు. "

"ఆమె ఎప్పుడూ గెలుస్తూనేవుంటే, నేను ప్రతిదానిలో ఓడిపోతున్నాను?"

ఒక్క అనుభవం అన్నింటిలోనూ రక్తికట్టిస్తుంది. మనము దీన్ని మన జీవితమంతా వర్తింపజేస్తాము. దీనితో ఇతరుల పట్ల అసూయ, ఆత్మనూన్యతా భావాలు మనలో ఏర్పడే వరకు వాటి ప్రభావంలో పడి కొట్టుమిట్టాడుతుంటాం.

నిజానికి, మనం మన చుట్టూ ఉన్నవారి ఆధీనంలో ఉన్నామని, భ్రమలకు కట్టుబడి ఉన్నామని ఎవరైనా చెప్పవచ్చు.

అయితే మిమ్మల్ని మీరు ఇలా ప్రశ్నించుకోండి: ఇతరులతో పోల్చుకోవడం వల్ల మీకు ఏమి లభించింది ?

"ఒక్కసారి జ్ఞానోదయం పొందిన తర్వాత, ఇష్టమైనవి ఉండవు" అనే జెంగో చెప్తోంది.

మనం దీన్ని మానవ సంబంధాలకు వర్తింపజేస్తే, మనం ఇతరులను ఇష్టపడినా లేదా ద్వేషించినా (లేదా వారు మనకంటే మంచిగా లేదా అధ్వాన్నంగా ఉన్నా), మనం మన భావోద్వేగాలకు అతీతంగా ఇతరులను యథాతథంగా అంగీకరించవచ్చు.

"ఇతరుల చర్యలు నా స్వంతం కాదు" అని జెన్ బౌద్ధమతం, సోటో స్కూల్ వ్యవస్థాపకుడు, డోగెన్ జెంజీ, అన్నారు. ఇతరులు చేసే పనులతో మనం చేసే పనులకు సంబంధం లేదని ఆయన బోధించారు.. వేరొకరి ప్రయత్నాలు మన పురోగతికి దారితీయవు. మనం అభివృద్ధి చెందాలంటే మన స్వంత ప్రయత్నాలే మార్గం.

ప్రతి వస్తువు, ప్రతి వ్యక్తి ఉనికి సంపూర్ణమైనదని జెన్ బోధిస్తుంది, వేటికవే తప్ప ఒకదానితో మరొక దానికి పోలిక ఉండదు.

ఇది మీ విషయంలో అయినా మరొకరి విషయంలో అయినా వాస్తవం.

పోలిక లేదు. మనం పోలిక లేని విషయాలను పోల్చడానికి ప్రయత్నించినప్పుడు, అసంబద్ధమైన వాటిలో నిమగ్నమై ఉంటాము. ఇది ఆందోళన, కలత, భయాన్ని సృష్టిస్తుంది.

మీరు పోల్చడం ఆపివేసినప్పుడు, మీ 90% భ్రమలు ఆదృశ్య మవుతాయని మీరు గమనిస్తారు. మీ హృదయం తేలికైనట్లు అనిపిస్తుంది. జీవితం మరింత ప్రశాంతంగా ఉంటుంది.

"మిమ్మల్ని మీరు మోసం చేసుకోకండి" ఈ పదాల గురించి ప్రతిసారీ ఆలోచించండి. "నేను ఇతరులతో పోల్చుకోకుండా, సంపూర్ణంగా నన్ను నేను నమ్ముతున్నాను!