ప్రముఖ రచయిత, నటుడు తనికెళ్ల భరణి ఎప్పుడో 40 ఏళ్ళ  క్రితం రాసిన కవిత, ఇంకా తడిగానే ఉంది!! 👇

కుంకం పువ్వు

———————-

కాశ్మీరంలోనే కుంకం పువ్వెందుకు పూస్తుందో నాకర్థమైపోయింది !

అక్కడ ఉన్నట్టుండి 

పాకే పాకే పసిబిడ్డ 

నెత్తురు ముద్దై పోతుంది 

సామగానం చేసే 

కాశ్మీరీ పండితుల కంఠాల్లోంచి 

వేదం ఆగి - రుధిరం బైటికొస్తుంది

అక్కడ రేపు పల్లకీ లెక్కి 

ఊరేగాల్సిన పెళ్ళికొడుకులు 

ఇవాళే పాడెక్కుతారు...

ఆ లోయలో 

హిమాలయాలు సైతం 

మూర్తీభవించిన 

వైధవ్యాల్లా ఉంటాయ్

భరతమాత కిరీటం 

వొరుసుకునీ 

నిరంతరం అక్కడ 

నెత్తురోడుతూ ఉంటుంది !

బుద్ధుడు కూడా 

కళ్ళూ నోరూ మూసుకుని 

మళ్ళీ అంతర్ముఖుడౌతాడు !!

*Great Poetry*

*Sri Tanikella Bharani*