*పండగ పూట పాత మొగుడేనా? ఈ సామెత తప్పు!*

*పండగ పూట పాత మొగుడేనా అనే సామెత ఎప్పటి నుంచో మనం విటున్నాం. ఈ మాటకున్న అర్థం ఎప్పుడైనా ఆలోచించారా? అసలు ఇంతకూ ఈ సామెత కరెక్టేనా? ఈ సామెత మన హిందూ స్త్రీ యొక్క గుణనమును తప్పుగా తెలిపే విధంగా అర్థాన్ని తెలపటం జరుగుతున్నది. మన హిందూ సంప్రదాయానికి విరుద్ధమైన అర్థం ఇచ్చే విధంగా అంటే ”పండగ పూట కొత్త మొగుడు కావాలి” అన్న అర్థం వచ్చేలా వుంది. ఆడవారిని కించపరిచేలా ఈ సామెత వుండడం బాధాకరం. నిజంగా ఈ సామెత ఇలానే వుందా! నిజమైన తెలుగు సాంప్రదాయ సామెత పండగ పూట పాత మడుగేనా? ఈ పాత సామెత అర్థం, మడుగు అంటే వస్త్రం అని అర్థం. 'పండుగ రోజు కొత్త బట్టలు కట్టుకోవడం మన ఆనవాయితీ. ఆ అర్థంలో పుట్టిన సామెత ఇది. పండగ పూట పాత బట్టలు కాదు. కొత్త బట్టలు కట్టుకోవాలి' అని. అప్పటి ప్రజల స్థితిగతులు (ఆర్థిక పరిస్థితులు) సరిగాలేని రోజులలో ఈ సామెత పుట్టుకు రావడం జరిగింది. ఇకపై ఈ సామెతకు తప్పుడు ప్రచారం మనం చేయకూడదు. ఈ సామెతను సరైన రీతిలోనే పలుకుదాం! పలికిద్దాం! మన హిందూ స్త్రీ గుణాన్ని కించపరిచే సామెతను మరిచిపోదాం. పండగ పూట పాత మడుగేనా అన్న పాత సామెతనే ఇక నుంచి పలుకుదాం. మన తెలుగును పరిరక్షంచుకొందాం.*