*మార్చి 31*

*దురాశ దుఃఖానికి దారితీస్తుంది*

*తిండి, నిద్ర, మాటలలో మితాన్ని పాటించినప్పుడు ఇంద్రియాలు మన స్వాధీనంలో ఉంటాయి. మానవ ధర్మాలను మనం నిర్వర్తించాలి. మన శక్తికి తగిన పనులలో ప్రవేశించాలి. ఏ స్థానములో, ఏ పరిస్థితిలో, ఏవిధముగా ప్రవర్తించాలో చక్కగా విచారణ చేయాలి. దేశ కాల పరిస్థితుల ప్రభావమును దృష్టిలో ఉంచుకొని సక్రమముగా ప్రవర్తించాలి. అప్పుడే మనకు క్షేమం కలుగుతుంది.* 

*ఒక చిన్న ఉదాహరణ చూడండి. నీటిలో జీవించడము చేపకు సహజము. దానికది ఆనందము. నీటికంటే ఉత్తమమైనది కదా అని దానిని పాలలో వేస్తే అది ప్రమాదానికి గురి అవుతుంది. పాలకంటే నీరు తక్కువదైనప్పటికీ నీటియందే చేప సురక్షితముగా జీవించడానికి అవకాశముంది. అట్లే, మనకు మించిన స్థానాన్ని, పదవులను, సిరిసంపదలను ఆశించినప్పుడు మన ఇంద్రియములు పెడమార్గం పట్టే ప్రమాదముంది.* 

*మనం జీవించడానికి ఎంత అవసరమో అంత ఆశించవచ్చు. దురాశ దుఃఖానికి దారితీస్తుంది.*

🌺🌺🌺 🙏🕉️🙏 🌺🌺🌺